Сервор Догъисту Сергей Меликов гировунди гуьрдлеме э рэхьбергьоревоз идорегьоре хьуькуьме, эже нишоне венори везифегьоре э август.

Жирелуье тигъэти – пуьрсуьшгьоре энергетике, еклуье гъэножогъи эки секонеисуьзи: э гъэрушуйбедкорлуье гъэлхэнди, э гъэршуй кори сохдеи бедхэтокори, сухдеие секонеисуьзи, секонеисуьзи э рэхьгьо ве гIов, э гъэршуй кори сохдеи рушвохури. Э август мигирору динлуье гуьрдлеме сенигIэткорлуье несиете.

Зиёд сохде Сергей Меликов коре э сер кумекии доре гъэлхэндчигьоре Ватане ве кифлетгьой эн угьоре.

Э пуьруьш сохдеи э гуьрдлеме несиете везифе нори пуьруьш сохде корисохи жофокешие э вэхд ю гуьре зимиие коргьоре, веровундеи республикански бюджете, веровундеи проекте «Школе 21», параменди шегьерие жигегьоре, коре э ТКОревоз, веровундеи инфраструктурни проектгьоре ве жергей екейгегьо э вэхд ю герек гьисдигьо пуьрсуьшгьоре.

Э гъэд екейгегьо гъосуьтгьо, комикигьоре мибу доре тигъэти, — овхьолете тэгIрифлуье верзуьшдореие корисохире, технически хьозуьрлугъи ве дореи секонеисуьзи эри гировунде Еклуье рузе сесдореире, параменди футболе э Догъисту, дуьруьжде гъуьчсохи ве вокурдеи школгьоре.

Догъисту зиёд сохди дореи гуманитарни кумекиире угьоре эри ки у имбуруз гереки. Э еки эз регионгьо вилеет фуьрсоре омори дуьруьжде шеле э герекиегьоревоз.

Э август 85 сал мибу суьфдеи Серворе Догъисту Муху Алиеве. Э номус эну везифе нори жергей корисохигьоре.

Гене еки вожиблуье эри республике гъозие – гуьрдлеме корсохгьой соводи Догъисту, у мигирору э сеимуьн бедел мегь э бэхшвегириревоз серворе регионе.

Сергей Меликов бэхшири ве барасибергьоре хьуькуьмлуье бэхше.

Догъисту э и сал мибу жиге эри гировунде дуьруьжде гуьрдлемегьоре-III ГIэрейхэлгъие гъэдерлуье гуьрдлемере, гуьрдлеме «Каспий» ве гуьрдлеме э сер параменди догъие жигегьоре. Э август пуьруьш мисоху корисохигьоре хьозуьрлугъи эки эн угьо.

Эзуш бэгъэй, везифе нори рафдеие гуьрдлемегьо ве ёргирие корисохигьо э муниципалитетгьо республике ве э песой эхиригьой эну.