Премьер-министр Догъистуре талаб сохди ёгъинлуьи э хьозуьрлугъи ЖКХ ве энергетике эки зимисду ве гьеминоние зеверо верафдеи.
Гуьрдлеме Республикански бине эсер хьозуьрлугъи эки поизие-зимисдуие вэхд 2025-2026 салгьо гирошди э зир рэхьберисохи серворе кабмине Догъисту Абдулмуслиме Абдулмуслимове. У риз кешири, чуьки мэг1эносуьзлуье бирмундеи нисе биё бу – вожиблуьи гьэгъигъэтлуье бирмундеи э веди сохдеи четинигьоре, пес мунденигьо ве фикиргьо э зиёд гъувотдии коре.
Жейлее тигъэти бири доре гирошдеи гьеминоние «зеверо варафдеие» вэхде.Премьер гъэдэгъэ зери гуьнжуьнде хьозуьр сохдеие гъувотлуьигьоре ве хэребеисуьзе коре электротургьоре, жейле э дорумие ве догъие районгьо. Эри эну «Россети Северный Кавказ» зевер сохде гъувотлуигьоре 22 электростанцие, те эхир июнь везифе нори зиёд биреи э 89 МВА. Те зимисду гьемчуьн дегиши 30 трансформаторгьоре ве веровундеи гене программегьоре э гъэдер 1,5 млрд монет.
АО «Еклуье оператор РД» мэг1луьм сохди э товун зеверсохи дуьвойне доруние гъэдер коргьоре эсер дегиши гермие тургьоре – те 38 км, э веровундеие 3,4 км ве овурдение игърол бесдеиревоз э 260 млн монет. Гировунде дуруьжде гъуьчсохи 22 котельнигьоре, технически гъуллугъсохи – э 201.
Хьозуьрлугъи газови комплексе гьемчун вечире гьуьндуьри. Э гофгьой серворе «Газпром г1эрейрегионгазе Махачкале» Ризване Мурадове, э 2025-муьн сал пушоки дире дануьсдеи коргьо э 100 млн монет: фегьмсохи 100 км тургьо, техгъуллугъсохи 19 гьозор тек арматуре, тозе сохдеи омборте 30 км газетургьоре. Бегьем сохди келе тозеден вокурдеи газетеле-ведебердеи э Новолакски районе.
Четини секонеисуьзи э кор венгесдеи газе мунди э вэхд ю герек гьисдигьо. Премьер э ёр овурди э товун бедмозоле овхьол э дигь Нижний Дженгутай ве гъэдэгъэ зери ведеберде пуьрсуьше нисе гьишде газовикгьоре э хунегьо э жейлее гуьрдлеме.
А.Абдулмуслимов согъбоши гуфдиреи энергетикгьоре э песой веровундеие кор, оммо огол зери диеш зуте сохде ве дузетмиши сохде гъэножогъире, э хьисоб дешенде минкинигьо районгьоре. Э арти гуьрдлемере доре омори гъэдэгъэгьо гъувоте зиёд сохде фегьмсохире ве г1эрейидореие э гуьнжо овурдеире.
