Э жэг1миет дин-дог1отие бине догъие жуьгьургьо э Сокольники (ОГЕ) бегьем сохд кор хуьшдере суьфдеи дегиши зугьунлуье лагере «Говлэйи».
Э дуразовуне гировундеи экуьнди дуь орине, эз 11-муьн июнь, эки 40 г1эилгьо э келе хьэзевоз ве берекетевоз гировунди вэхде э лагерь.
Программе бири пурлуье ве жире-бе-жирее, комики бири г1уьзет сохде бинелуье войгере: дарафде э зугьунлуье иловле жуьгьури.
Тегьер легере гьисди у, чуьки хундеи зугьуне гировунде неки э дерсгьо, оммо ве э возиреие жире э вэхд гьеммей желдигьо.
Бинелуье везифе лагере: кумекии доре г1эилгьоре э эгъуьл вегуьрде бинелуье гофгьой догъие-жуьгьурие зугьуне.
Зугьуне хунде неки э дерсгьо, оммо э гьер желдигьо, эз возиреи ве корисохи.
Э вэхд спортивни возиреигьо ве э гешдегьо рафдеи г1эилгьо э кор венгесде шумордеире ве асантие буйругъгьо э жуьгьури.
Э гуьнжуьнде оморе чигьо мастер-классгьо угьо хунди нумгьой молгьоре ве гуьлгьоре. Э песой сершуьлхьоние возиреигьоревоз сес сохди тозе гофгьо ве е келме гофгьо.
Музыкеие дерсгьо гьемчуьн бири жиге эри корисохи зугьуне.
Эзуш бэгъэй зугьунлуье хундеи, программе лагере дешенде:
— шинох биреи э жуьгьурлуье торихевоз ве дингьоревоз, дешенде хьозуьрлугъи эки шаббате;
— мерэгълуье хуреклуье мастер-классгьо;
— иврит ве английски зугьун эз возигьо;
— спортивни бэхьсберигьо.
Психологически дерсгьо э гъосуьтгьо «Дусди» гирошди э келе эшгълуьиревоз! Г1эилгьо желди бэхшвегири сохди, ихдилот сохди э товун хьовиргьо эн хуьшде ве вожиблуьи дусдие гъэножогъигьо.
Жирелуье мерэгъ огол зери виниреи ве пуьруьшсохи видеороликгьоре ве мультфильмгьоре э жуьгьури, чуьки кумекии доре хьэрекет сохде варасирени тозе гофгьоре ве бирмунушие фикиргьоре.
Гьеммееки э ёр гуьрде лезетлуье хурекхури ве э гешдегьо рафдеи э гьово.
Бегьем бири дегиши миг1идлуье бирмундеиревоз, комики г1эилгьо шор сохди бебе-дедегьоре жире-бе жирее бирмундеиревоз э гъосуьт «Жуьгьурие миг1идгьо».
Э песой кутэхье вэхд несиг1этвегирдегоргьо вокурди очугь сохди мэг1рифетгьо эн хуьшдере, офди тозе хьэрмэхьоре. Ве вожиблуьи, г1ошир сохди гофгьой жуьгьурире сохде вожиблуье корисохи эки дошдеи культурни мироси эн хуьшдере ве бесдеи э келетегьоревоз.
Э арти миг1иде гьемме бэхшвегиргьо хунди гимне лагере э жуьгьури «Бийот зугьун вомухим»
(«Гереки хунде зугьуне»).
Нуьвуьсди Полина Юнаева.
Тержуьм сохди Ягудаева Ольга.
