Э гуьрдлеме Несиете э г1эреймиллетлуье ве г1эрейдинлуье гъэножогъире пуьруьш сохди гъэдергьоре э муьхькем сохдеи беинлуье гъиметлуьире, ватанхогьире ве гъэлхэнди жовонгьоре эз радикализме.
Э Хуней Дусди э Махачкале гирошди гуьрдлеме Несиете э г1эреймиллетлуье г1эрейдинлуье гъэножогъире э зир сернуьши серворе Догъисту Сергее Меликове. Сервор республике сер гуьрди вохурдеире э вожиблуье хэберевоз: догъистуние подполковнике Султане Сулейманове эз уьлуьм эулое дори нум Игиде Уруссиете – уже чордегье эз республике эз сергуьрдеи СВО. «У мугъоет дошдеи муьдибирегоргьоре, оммо нисе дошди хуьшдере. Гьеммишелуьгие ёргири уре»,- гуфдири С.Меликов.
Сервор регионе согъбоши гуфдиреи месеблуье ве жэг1метие корсохгьоре э песой коргьой э дошдеи шолумире ве риз кешири, чуьки еклуьги хэлгъгьоре возири бинелуье жиге э Бараси э Келе довг1ой Ватани. «Везифе эн иму – муьхькем сохдеи беинлуье ве культурни гъиметлуьигьоре, еклуьги ве жугьобдорлуьи э песой гъисмете гъовумлуье улке»,- бирмунди у.
Хэлгъиединлуье разилуьи
Министр э миллетлуье политике Энрик Муслимов ихдилот сохди э товун кор э гъэршуй кори сохдеи зулумкорие ве неонацизме. Э республике гировунде г1эрейхэлгъие гуьрдлемегьо, конференцие, несиг1эт дореи э хуней дин-дог1оти мусурмуи ве килисегьо, корисохигьо э бэхшвегири одомие институтгьоревоз.
Жовонгьо чуьтам войге гъобулсохи
Сервор Бине этнополитически гешдеи г1илми Руслан Абакаров бирмунди, чуьки бордеборд сохдеие гъувот мэг1эноре дегиш сохде торихе, вечарунде гъонунгьоре госинститутгьоре ве кори сохдеи э варасиреи жовонгьоре эз медиа «Э гуьнжо овурде фикире не эз хуьшдение синогъи, эз бишерке хэберлуье иловле»,- риз кешири у.
Министр э коргьой жовонгьо Камил Саидов мэг1луьм сохди, чуьки э ватанхогьие акцигьо э 2025-муьн сал гъобул сохди бэхшвегири э 100 гьозор жовоние одомигьо омборте, эз гьевелие сал.Эки миг1идлуьи Рузе жовонгьоре 28-муьн июнь хьозуьр бире келе корисохигьо э гьеммей регионе.
Э товун секонеи дорундарафдеи ве тегьер боржбери
Рэхьбер Бине этноконфессиональни гешдеи г1илмире Руслан Гереев риз кешири, чуьки жовонгьо бежид варасире месебе кеслуье гофгьоревоз ве фикиревоз. У гьемчуьн бирмунди секонеи молгьоре эз догъистунигьо, комикигьо пэхьни бири эз серхьэд эуло ве корисохи э жовонгьо э соцсетигьо.
Вице-премьер Абдурахман Махмудов гуфдири ватанхогьие несиг1этдори гьисди бинелуье эдебевоз биразии зулумкори ве риз кешири вожиблуье жиге келетегьо СВО: «Ихдилотгьо эн угьо э гуънжо овурде бэхшвегирие ве э хуьшде вогосундеи э жэг1метие корисохи».
Культуре ве спорт – дусдигьо шолумире
Жигегир министре культуре Мухтар Курбанов ихдилот сохди, чуьки э томошегьо ве кино республике гирошде ватанхогьие нушудореи ве фильмегьо. Кор сохде музейни бирмундеигьо, гирошде томошегьо ве гъосуьтие корисохигьо, э у гъэдер проект «Э ёр гуьрденим! Нисе фурмуш сохденим» э кумекии дореи бэхшвегиргьо СВО.
Жигегир министре спорте Гайдарбек Гайдарбеков мэг1луьм сохди, чуьки зеверте 150 гьозор одомигьо бэхшвегири сохди э спортивни корисохигьо, комики фуьрсоре омори э г1эреймиллетлуье куьнд сохдеи. Омборте 50 эз угьог1уьзет сохди э зуте мэг1луьм сохдеи г1эреймесебие бэхьсе-бэхьсгьо.
Соводи чуьтам зуте мэг1луьм сохдеи
Министр соводи Яхья Бучаев бирмунди, чуьки э школгьо ве вузгьо гировунде омборте 150 корисохигьо, комики фуьрсоре омори э зуте мэг1луьм сохдеи экстремизме. Э кор венгесде молгьоре социальни гешдеи г1илмире, э кор венгесди хьисобе кори сохдеи дуь э екиревоз э месебие идорегьоревоз.
Сес беинлуье серворгьо
Муфтий Догъисту Ахмад-Афанди Абдуллаев зуте мэг1луьм сохди э товун терсдии э дорун дарафдеи радикализме э сениг1эткорлуье иловле. У риз кешири вожиблуьи кор сохдеи жовонгьоре ве гереклуьи э хуьшдени меселен эз лой келетегьо.
Архиепископ Варлаам бирмунди, чуьки интернет бежид берде вечаруьндеие фикиргьо «Иму несиг1этдореним жовонгьоре э корисохигьой эн хуьшдеревоз. Эгенер гъонуне пузмиш сохденим беинлуье гъонунгьоре – жэг1мет пучигьо сохде»,- гуфдири у.
Коргьо э жовонгьоревоз – вожиблуьи
Сергей Меликов э пушо нори гировунде нуботлуье гуьрдлемере Несиете э бэхшвегириревоз жовонгьоре ве серворгьой жэг1метие фикиревоз. «Везифе эн иму – э хуьшде вогосунде угьоре, ки нисе бэхшвегири сохде э зиндегуни жэг1мете, варасире мерэгъгьой эн угьоре ве э пушо норе дузие рэхьгьо»,- гуфдири у.
