Сервор Догъисту Сергей Меликов гировунди гуьрдлеме э рэхьбергьой эн органгьой хьуькуьмевоз. Э гуьрдлеме пуьруьш сохде оморебу вожиблуье пуьрсуьшгьо расиренигьо э социальни-экономически овхьолет, гьемчуьн дешендеи герекие дегишигьоре э хьисоб региональни хьуькуьм.
Вожиблуье корлуье гъэрорномегьо
Э вэхд вохурдеи очугъ гуфдире оморебу тозе нореигьо э бинелуье хьуькуьметлуье жигегьо.
Гьечи сервор эн Минюст Догъисту бири Мустафа Генжеханов, мэгIлуьмлуь гьисдигьо э хэйрлуье кор сохдеи хуьшдеревоз э гьевелине жигегьо. Суьфде сервори сохдебугьо и коре Рустам Темирбулатов эз и жиеге вадарафди ве уре доре омори буьлуьнде гъимет эри сохде оморигьо кор.
Угьонигее дегеишигьо расирет э муниципальни рэхьберисохи. Меселен, гьелелуьгее рэхьбер эн шегьер Махачкале нори омори Джамбулат Салавов, умогьой кейки пушотеине сервор Магомед-Султан Магомедов гьишди жигей хуьшдере. Тозе одомигьо норе оморет э е жерге райони администрциегьо, чуь бирмундени э товун хьэрекети сохдеи тозеден сохде десдере.
Гъоимлуьни хьозуьр сохдеи корсохгьоре э аграрни вуз
Еки эз вожиблуье дэгъдэгъэгьой гуьрдлеме бири фегьм сохдеи овхьолет хьозуьр сохдеи сенигIэткоргьоре э Догъистонлуье аграрни зеверие универститет. Э гофгьой эн С.Меликов гуьре, и хундение идоре кори нисе сохде э гуьнжо овурдеи сенигIэтлуье корсохгьоре эри аграрни сектор. Э рэхьбергьой универститет бежид зуте мэгIлуьмет доре оморебу э товун зофруе сенигIэкорлуье хьозуьрлугъи студентгьоре, омбардекигьо эз комигьоки межбур бируьт рафде эз регион э хотур э кор дарафдеи э еккейге субъектгьой федерацие.
Эри дузетмиш сохдеи овхьолете гъэрор сохде омори э гуьнжо овурде еклуье фегьмсохи универститете, фуьрсоре оморигьо эри очугъ сохдеи вогьнегьой зобуне гъоиме соводлуье коргьоре ве вихдеи рэхьгьой хубте сохдеи овхьолете.
Жугьоб дореи э сер фуьрсоре оморигьо пуьрсуьшгьой одомигьо
Жейлее тигъэт доре оморебу э жугьоб дореи хьуькуьмгьо э руйбиреигьой одомигьо. Омбаре шуькеетгьо бу э товун сферей ЖКХ, жунсогъире дошдеи ве эн рэхьлуье хозяйство. Зигьисдегоргьо бежид шуькеет сохдембируьт э товун куьшдеи товуше, четинире э гIовевоз, овхьолет эн кучегьо гьемчуьн э товун зобу вечиреи мескенгьоре. Ижире руйбиреигьо бежид дофус зере оморени э социальни сетьгьо ве биренуьт гъосуьт эн жэгIмиетлуье жугьоби.
Э артгьой пуьруьшсохи гуьре гъобул сохде омори гъэрорноме гъувот доре кор эн веровунденигьо органгьой хьуькуьме, расунденки э вэхди ю нисд сохде кемсуигигьоре ве хубте сохдеи овхьолет зиндегуни могьлуьгъэ.
Параменд сохдеи дигьлуье хозяйственни комплексе
Диеш е вожиблуье гъосуьт пуьруьшсохи бири пулдореи дигьлуье хозяйственни комплекс регионе. Риз кеширенки мэгIэнолуьи эн дигьлуье хозяйственни молведешендегоргьо, хьуькуьмгьо бирмундет зевер биреи пул дореире эз федеральни бюджет. Оммо, неденишире э зиед биреи жэгIие гъэдер пулгьоре, хьэсуьл оморени пуьрсуьшгьой хэйрлуье бэхш сохдеи пулгьоре. Кимигьо проектгьоре гереки зиедие хьозуьр сохдеи, эри расунде лап зиедие хэйре эз бюджетни пулдорегьо.
Рэхьбергьой министерствогьоре доре омори тапшуьрмиши хуб фегьм сохде хэржи сохдеи федеральни пулдореигьоре ве хьозуьр сохде буйругъномегьо э товун зевер сохдеи хэйрлуье хэржилуьгъигьоре.
Экологисеки овхьолет ве тозеден э кор венгесдеи хокоруре
Фегьм сохде оморебу тиже четини эн э гуьнжо овурдеи системей вечиреи ве тозеден э кор венгесдеи хокоруре. Э республике лап кеми гьеймогьине жигегьо ве оборудование эри вихдеи хокоруре. Вес нисе сохденигьо инфраструктуре овурдени эки зобу биреи экологически овхьолет ве зевер биреи гъэдер эн гъонунсуьзе жигей хокоругьо. Гъэрор сохде омори диеш зуте сохде кор хьозуьр сохдеи ве тогIин сохдеи рэхьлуье картгьоре э товун гьер муниципальнирайон, эже гье белки вокурде миев тозе хокуругьоре вихденигьо корхонегьо ве зиед сохдеи сеть контейнерни мейдунгьоре.
Медицински кумеки э зигьисдегоргьой регион
Э сереботи четиние вегуьрдеи жирелуье медицински кумекире бири зинде пуьруьшсохи. Гьонине вэгIэдо зигьисдегоргьоре гьисди четини э рафдеиревоз эки духдиргьо –сенигIэткоргьо, эри вегуьрде справкере рафдени омбаре вэгIэдо, э сереботи нуботгьо гъэгьр кеширенуьт. Э ологъи э иревоз э пушо норе оморени э гуьнжо овурде рафденигьо десдегьой духдиргьоре, параменд сохде сеть амбулаториегьоре ве диагностически меркезгьоре, деруьтгьо экуьнди могьлугълуье жигегьо.
Эхирлуье фикир
Гировунде оморигьо гуьрдлеме бирмунди хьэрекети сохдеи хьуькуьмгьоре зу жугьоб доре э хьэсуьл оморенигьо четинигьо ве зевер сохде гьоимлуьи зиндегуни одомигьоре. Бирмунде оморигьо плангьо э пушо норенуьт тозеден сохдеи омбаре тарафгьой энзиндегунире, э и хьисоб соводире, жунсогъи дошдеире, экономикере ве экологиере. Вегурьрде оморигьо мэгIлуьмети мибу бине эри песдеине пойнореигьо, фуьрсоре оморетгьо эри хубте сохдеи овхьолет хушхьоли эн одомигьой Догъистуре.
