Э кор Петербургски г1эрейхэлгъие экономически гуьрдлеме бири вохурдеи Сернуьше Хьуькуьме Догъисту Абдулмуслиме Абдулмуслимове э Серворе кумекчиревоз Г1эрейпарламентски Гуьрдлеме СНГ Дмитрием Кобицким. Бинелуье гъосуьт игъролбесдеи бири хьозуьрлугъи эки дуьимуьн Г1эрейхэлгъие гуьрдлеме «Гъоимгъувотлуье параменди догъие жигегьо», комики мигирору э Махачкале эз 1 те 3-муьн октябрь 2025-муьн сале.
Бинелуье тигъэти гуьрдлеме э и сал – кор муниципалитетгьоре э гъобул сохдеи экологически вожиблуье гъэрорномегьо. Бэхшвегиргьо пуьруьш мисоху коре хуте биреи эки гьовоие ве социально-экономически дегишигьо э жигегьо. Э гуьнжоовурдегоргьоревоз бирмунде Г1эрейпарламентски Гуьрдлеме СНГ, Несиет Федераци, Хьуькуьм Догъисту, РАН ве Жэгметие палате РФ. Э гъэд гьемкоркигьо – Исполком СНГ, МГИМО ве Союз уруссиетие шегьергьо.
Чуьтам бирмунди Дмитрий Кобицкий, э гъэд гуьрдлеме гьемчуьн везифе нори гировундеи сафарчие рэхьгьоре: «Имуре воисде, эри чуь догъие гуьрдлеме доре гьэгъигъэтлуье гьуьлдореи параменди е гъэдер мескене. Миёв комиссигьо, сениг1эткоргьо ве нушудорегоргьой министерствегьо вилеет СНГ, э у гъэдер эри пуьруьш сохде сафарире ве культурере»,- риз кешири у.
Абдулмуслим Абдулмуслимов э ёр овурди, чуьки Догъисту – теклуье одоми РФ, эже корисохде госпрограмме гьоимгъувотлуье параменди догъие жигегьоре. Республике веровунде уре пенжимуьн сал, гьер сал зевер сохде доруние гъэдергьо пуледореире. «Иму мибирмуним э гьемкоркигьо коргьой эн имуре, пуьруьш мисохим параменди догъие сафарире, инфраструктуре, газе гировундеире. Уже рафди расири игърол бесдеи э товун газе гировундеи дуь дуьруьжде районгьоре. Иму хэрекети сохденим, эри чуь э биёвгьо кумекии дореи догъие жигегьоре нушу доре жейлее ризевоз э миллетлуье проектгьо»,- эрзо нуьвуьсди А.Абдулмуслимов.
Суьфдеи жигегир сернуьше Комитете Несиет Федераци эсер г1илме Ильяс Умаханов гуфдири, чуьки э пушо дерие гуьрдлемере жиге эри дегиш сохдеи синогъиревоз: «Догъистуре гьисди г1ошире синогъи гьеле эз советие программе «Догъгьо».Иму хьозуьрлуь бэхш сохде э уревоз ве вегуьрде хубтее коргьой екейгегьо вилеетгьоре»,- бирмунди у.
Э гъэд хьозуьрлугъи гуьрдлеме э гуьнжо овурди оргкомитете ве тигъэтлуье тегер кор сохдеи зиреклуье ве культурни программе. Э гъэд гъосуьтгьо – параменди АПК, г1оведореи, энергодореи, гъэреули тебиете, те биреи нисд сохдеи хэтокоригьоре ве хоригъуллугъсохие сафари.
Жейлее тигъэти э ПМЭФ бири доре омори э кори сохдеи дуь э екиревоз э г1эрейхэлгъие гьемкоркигьоревоз.
Сервор Г1эрейхэлгъие гуьрдлеме вилеетгьо БРИКС Пурнима Ананд сер кешири Догъистуре.
Сафарире эри эну гировунди А.Абдулмуслимов.
«Ме шоруьм, чуьки э Догъисту кумекии доре хозяйствой дигьбонире ве дешенде г1илмие технологире. Гье у бине зиндегуни одомигьоре»,- бирмунди Пурнима Ананд, гуфдире э товун хьозуьрлугъи гировундеи гуьрдлемере БРИКС э регионе.
А.Абдулмуслимов согъбоши гуфдиреи э песой мерэгъ эки Догъисту ве риз кешири э товун барасигьо республике: «Иму э кор венгесдейм сэхьиблуье корхоне шивлей дорире ве берде неки э Уруссиет, оммо ве вилеет СНГ. Иму хосденим Ватан эн хуьшдере ве сикеи сохденим, чуьки Уруссиет – бимихьтожие хьуькуьми.
