Э лешгерие комиссариате шегьере Дербенд гирошд межлуьслуье фуьрсореи нуботлуье десде оголзерегоргьо эз Дербенд ве Дербендски улке эри гирошдеи лешгерие гъуллугъсохи э жергей Ерэгъленмишие Гъувот Уруссиетие Федераци.

Э корисохи гъобул сохди бэхшвегири лешгерие комиссар шегьергьо Дербенд, Дагестанские Огни ве Дербентски улке Фарид, жигегир серворе шегьерие иловле «Шегьер Дербенд» Видади Зейналов ве сервор Дербендски рэхьгьовуние колледже Мирсамед Сеидов.

Руй бире эки тозеоголзерегоргьо э пушой фуьрсореи, лешгерие комиссар Фарид Мусаев риз кешири вожиблуьи э пушо дерие е гъэдер вэг1эдо э зиндегуни эн угьо:

-Ишму дарафде э вожиблуье вэхд поисде жигере гуьрде чуьтам мерд, одомигьо ве гъэлхэндчигьо Ватан эн хуьшде. Гъуллугъсохи дураз сохде е сал, ве гирошде э гьеммишеие лешгерие беделгьо. Екиш эз ишму нибу фуьрсоре э СВО. Мибу э пушо норе минкини гъул кешире контракте – гуьнжолуь биреи эки гье у гъэрорноме фикир сохдеиревоз, э жугьобдорлуьиревоз. Гъобул сохид гье у гъэрорномере э серевоз ве энжэгь э хуьшдение войгеревоз.

Жигегир серворе шегьере Видади Зейналов войге сохди г1эилгьоре верзуьши нушу доре Догъистуре:

-Ишму, сифет республике эн имуре, жовонгьо эн имуре. Нисе имиде хуьрд сохдеи не бебе-дедере, не чуькле ватан эн хуьшдере. Иму денишире ишмуре мердие ве келете биреи.

Сервор рэхьгьовуние колледже Мирсамед Сеидов э ёр овурди, чуьки догъистунигьо гьеммише бирмунде бовориние гъуллугъсохиревоз:

-Иму сикелуьи сохденим э ишмуревоз. Эз лешгерие беделгьо гьеммише оморе хубе гофгьо гуфдиреие когъозгьо э песой гъуллугъсохи гьемватанигьо эн иму. Гъуллугъ сохид номуслуьи, э верзуьшлуиревоз, чуьтам гье у гьеммише сохди догъистунигьо.

Рэхь сохди угьоре гъовум-гъэрдешгьо ве куьндлуьигьо.