Сервор Догъисту Сергей Меликов гировунди гуьрдлеме Оперативни бине Республике Догъисту.
Э гъэд пуьрсуьшгьой везифе — э хуьшде вогосунде одомигьоре э лешгерие гъуллугъсохи э контрактевоз, гъэдер
социальни кумекии одомигьоре, комигьоки э хьисоб дешенди э десдей резерве Минобороне вилеет, гьемчуьн хьозуьрлугъи лешгерие комиссариатгьоре шегьерие соводигьо ве корсохгьой жигее хуьшденрэхьберисохи эки
васалие оголзереие кампании.
Пуьруьшсохи корисохигьоре ве гlэрелуье барасигьо веровундеигьо э Догъисту гъэдэгъэгьой Серворе Уруссиете э зиёдсохи лешгерчигьоре.
Э февраль, э зир рэхьберисохи серворе республике гировунде омори дуь эекиревоз бинее хундеи э сернуьшгьоревоз оголзереие комиссигьо шегьергьоре, серворгьоревоз дигьбоние жигегьоревоз ве корсохгьоревоз
лешгерие-хьисобсохие шуьлхьонгьо,
лешгерие комиссариатгьоревоз, серворгьоревоз беделгьо МВД Уруссиете
э улкегьо ве шегьергьоревоз.
«Иму гировунде хьозуьр сохдеие корисохигьо э хьисобсохигьоревоз гlэйбигьоревоз, веди сохди э корисохи поизие кампании. Воисде бирмундеи тигъэте, чуьки васалие оголзереи мибу гьисди кимигьо дегишигьо э гъэдерие-ихдиёрие бине РФ», гуфдири Сергей
Меликов.
Э товун хьозуьрлугъи эки васалие оголзереи мэгlлуьм сохди лешгерие комиссар республике Абдурахман Мурадханов.
Э имбурузине руз жэгlмие везифе гировундеи оголзереире разилуьире вегуьрде серворевоз регионе ве тогlин сохди эки рэхьбер лешгергьоревоз ЮВО. Э кор венгесде омори герекие везифегьо ве э шегьергьо. Э гуьнжо
овурде коргьо э вихдеи оголзерегьоре
э гъэдерлуье тергсохие лешгерчие жигегьо. Э военкоматгьой шегьергьо ве районгьо хьозуьр сохдеи нуботномегьо ве мэгlлуьметигьо. Суьфдеи е гъэдер вэгlэдо мэгlлуьметигьо оголзерегоргьоре гирошди эз 1-муьн те 25-муьн марте. Фуьрсореи угьоре эри гирошдеи
лешгерие гъуллугъсохи сер гуьрде эз 10-муьн апрель.
«Лешгерие комиссариат республике эки гировундеи корисохигьо хьозуьр ве бегьем те эхир кучмиш сохди герекигьоревоз сенигlэткоргьоревоз, э у гъэдер духдиргьоревоз»,- эрзо нуьвуьсди
Мурадханов. Э гъэд четиние пуьрсуьшгьо лешгерие комиссар республике э у гъэдер нишоне веноре недебиреи жейлее одомигьоре, комигьоки гуьнжолуье
оголзереире, э жигей зигьисдеире, бидузие гъэножогъи эки мэгlлуьмети эз лой корсохгьой дигьбоние хьуькуьме.
Эри зевербиреи барасилуье коргьо э и рхьгьо. А.Мурадханов э пушо нори жергей гъэдергьо. Суьфдеи бо, гъосуьт рафде э товун нореи гьерки жугьобдорлуьи э песой веровундеи норе везифегьоре.
«Везифе нори гировунде инструкторско-методически гуьрдбиреи э сернуьшгьоревоз оголзереие комиссигьо, э кумекии дорегоргьой эн угьоревоз, лешгерие комиссаргьоревоз шегьерие соводигьо. Унжо иму сэхд муьхькем сохде везифегьоре, комикигьоре э пушо норейм. Э у гъэдер гъусо рафде э товун вожиблуье коре э одомигьоревоз, комигьоки нисе бире э хьисобсохи э лешгерие комиссариатгьо. Гьемме, чуь сохде оморе эри жэгlметие фегьмсохи, лешгерие-ватанхогьие несигlэтдорире, э хуьшде вогосундеи жовонгьоре эки коргьо э сер хьозуьрлугъи эки оголзереи э лешгерие гъуллугъсохи, биё бу
гировунде гьеммише»,- гъдэгъэ зери сервор Догъисту.
Васалие оголзереи сер гуьрде эз 1-муьн апрель те 15-муьн июль.
