Руз ве сал хьэсуьл омореи томошеи мэгlрифет жугьургьой догъи э Дербенд
хьисоб бирени декабрь 1903-муьн сал, кейки э дин-догlоти-совети школе шегьере Асаф Агарунов, мэгlлуьмлуье э у вэхд тербиедорегор ве жугьурхо, бирмунди возиреи тержуьмесохе эз иврит ихдилот Наума Шойковича «Сухуни э сухуни» ве нори уре э хотур гlэруьси тербиедорегор школе Нагдимуна бен Симона (Шимунова). Э
сервори кружокгьо томошеи поисдет дин-догlоти одомигьо, рабигьо, чуьнки энжэгъ угьо дануьсди э у вэхд хунде ве нуьвуьсде. Оммо ве томошегьо норе оморе бу, энжэгъ, э дин-догlоти гъосуьтгьо.
Э 1918-муьн сал э Дербенд бири вокурде оморе томошеи студие, коминире сервори бири раби Яшаиё Рабинович. «Самсон ве Далила» («Шуьмшуьн ве Делило»), «Торих Эстер» (Исдире Мердэхэй – гье и эз хуьшде
гуьнжуьнде пьесагьо, дарафдигьо э жерге томошегьо, бири нуьвуьсде оморе тербиедоре-
горгьоревоз ве гьевели корсохгьоревоз гье и школе, оммо суьфдеи эз чуь сергуьрде омо-
ри, бири Туро. Э гье у сал э шегьер сергуьрди корисохире тати томошеи кружок э рэхьбери
Юно Семенова, Ханум ве Манашира Шолумовгьо, коминики нори томоше вэхьзие хосиетевоз, пантомимогьо, хэнделуье
сегьнегьо. Еки эз ижире омбореакти томоше «Марат» бири пурлуь гъолхмишие гъосуьтевоз.
Кейки зеверо верафде перде Мэгlэнолуьи томоше гурунди гъимете дегиш сохде. Э гъ-
овумлуье зугьун у бердени э тати могьлугъ хэёл Буьзуьрге Октябрь, гlэрейхэлгъие ве совети ватанхогьи, хубте беденсуьзе руьхь рэхьми ве социальни дузгунлуьи, гъинемиш сохде гlилм эн жейлее хэёл теке жейлеи, эн
инсони бишерки. Тати томоше гирошди четине торихлуье рэхь.
Э сергири 1989-муьн сал у бири э гlуьзет сохи хуьшдени 65-муьн сали. Э васали 1924-муьн сал кемегъэдери тати соводлуье одомигьо э гьееки э десде ранжбереи жогьилгьо, муьгьбетлуьигьо сегьнеи культуре, э гуьнжо
овурди хуьшденкорисохие томошелуье десде. Расди, пьесагьо, коминигьо уревоз норе
омори, бири хэёллуь ве шекуьллуь буш. Гье у ве варасирении.
У бири четине салгьо поисдеи ве муьхькеми Совети хьуькуьм; мэгlэнолуьи бири корисохи
дин-догlот хочперези. Не бири гьеле гуьнжо оморе десде пролетарие корисохгьо культуре эз гъэд жофокеши татигьо, бешгъэлуье нуьвуьсдегоргьо ве драматурггьо. Гъувотлуь нушу дори ве не биреи нуьвуьсдеи. Э у не
гуьре гlэмел нисе оморе гlуьзет не сохдеи, чуьки хьэрекети дореи пьесагьоре, эз хуьшде гуьнжуьнде оморигьо ве биригьо тати томошеи кружокгьо э 1918-муьн сал, э татии совети культуре ве эдебиет; нисе бири э зир
пой ю е жиреш хори, чуьнки гье и кружок бири гуьнжуьнде оморе дин-догlот хочперезиревоз, гуьнжо бири омборте эз гlэилгьо сэхьибгьо хори ве тербиеве-
гиргьо дин-догlоти идорегьо. У нори пьесагьо э дин-догlоти гъосуьтгьо, коминигьоки кошди тум гlэреймиллетлуье дуьшмени, э у
вэхд чуьтам корсохгьо пролетари культуре э вэхд ватандашие довгlо гьемме мэгlрифет хуьшдере доребируьт э кор гlэрейхэлгъие несигlэтдореи жофокешгьо. Э гуьнжо овурдеи пьесагьо миллетлуье жире ве социали-
стически э серноме бисдо минкини бэгъдовой ведарафдеи э товуши суьфдеи э торих татие
хэлгъи гозит э гъовумлуье зугьун «Захметкеш». Э иловлей эну кура бисдо мэгlрифетлуье жовонгьо эз гъэд гьевел бири-
гьо юхсуьлгьо, косибгьо, екиге жофокешигьо татигьо шегьер Дербенд ве дигьгьо, эже зигьисди омборе гъэдер тати могьлугъ Догъисту. Гуьнжоовурдегор ве политически рэхьбер гозит бу суьфдеи тати шогьир-гьем-
миллетлуье ве эдебиети битlэгlрифисох, ведилуье партийни ве совети корсох, бэхшвегир Октябрие гъолхмиши ве ватан-
даши довгlо одоми торихлуье X съезд РКП (б), э рэхьбери комини бири В. И. Ленин, большевик Ехиил Мататов. Рафди салгьо.
Томоше веремори ве параменди бири. Э сегьне эну офди э зиндегуни венгесдеи мол мэгlлуьмлуье мисурмуи гьовой музыкеи нуьвуьсдегор Узеир Гаджибеков «Лейли ве Меджнун», «Ашуг Гариб», «Дели ве
Керим», пьесагьо мэгlлуьмлуье драматурггьо Д. Джабарлы «Айдын», «Севиль» ве «Суьпен-
же гуьлгьо» ве А. Ширванзаде «Намус». Э дивуни томошесохдегоргьо бири ведеберде мол тати драматурггьо Юно Семенова, Миши Бахшиева, Якова Агарунова, Бориса Гаврилова, Хизгила Авшалумова, Сергея
Изгияева.
Жирелуье рол э гъисмет томоше возири бинедешендегор тати драматургие Юно
Семенов. Одоми эз зиргьо, эз гъэд хэлгъ; Юно Семенов, не дануьсдигьо гьевел меселен э
эдебиет, ёгъин э драматургие, э гуьнжо овурде э гье и салгьо зиёдгуьгчегие сегьнеигьо пье-
сагьо «Зенбебе», «Зигил», «Дуь бирор», «Боржбер э ветрони» ве омборе екигегьо, комигьоки вир не сохди эн хуьшдени хэёл-
луье-шекуьли мэгlэнолуьи ве те имбурузине руз. Дин-догlоти хочперези, пэхьни бире гlоширгьо, бердегоргьо одомиети пош-
нейгьо, чуьтам гlэтош, терсири эз тиже гоф эну.
Э хьисоб дешендеи гьелбеттеи барасигьо томошере, эну зутее мэгlэнолуьи э параменди
тати могьлугъ, хьуькуьм Догъисту э 1935-муьн сал гъобул сохде гъэрорноме э товун тозе
дегишигьо уре э хьуькуьмлуье сенигlэткори. Ве у дузгунлуьи бири э гье и буьлуьнде нум.
Э 1936-муьн сал Тати хьуькуьмлуье томоше суьфдеи э гъэд миллетлуье томошегьо
вилеет веровунди гуьнжо овурде пьеса А.Е.Корнейчука «Платон Кречет». Хуьшдени ю гье и бире гъозие шогьоди доре э товун келе биреи э гуьнжо овурде минкинигьо томоше, зевер биреи эну сенигlэткорлуье усдо-
ети. Э гье и вэхд э десде кор сохди ижире усдогьо сегьнеи мэгlрифет, чуьтам Захарья Авшалумов, бироргьо Соломон ве Борис Дадашевгьо, Бааз ве Яша Авдалимовгьо, зе шуьвер Астохор ве Ахсо Шалумовгьо, Саадья Бинаев, Год Сафанов, Оврум, Рахман, Шебетей, Роберт ве Юнун Абрамовгьо, Ш.Давыдов, Ш.Хаимов, Р.Гилядов, Роза
ве Мозол Авдалимовгьо, Надя Анисимова, Истиремелке Пейсахове ве екигегьо. Песдеине сесе эз угьо вегуьрди буьлуьнде
нум верзуьшлуье корсох мэгlрифет ДАССР.
Э салгьой довгlо омборе возирегоргьо томоше, не денишире э джебе, рафди э довгlо.
Пуллуье овгъотгьо, мундигьо э хьисоб томоше, бири гировунде э фонд довгlо. Не вогошди эз хоригьо гъовхо эну суьфдеи
режиссер ве мэгlрифетлуье возирегор Захарья Авшалумов, муьгьбетлуье возирегор
томошесохдегоргьо Соломон Дадашев, возирегоргьо Ш.Давыдов, Ш.Хаимов, А.Шалумов ве Р.Гилядов. Омбор не зигьис-
ди шуькест биригьо э довгlо М. Мишиев, Р.Абрамов, Н.Якубов, Я.Авдалимов.
Бэгъдовой довгlо томоше не бири тозеден э кор венгесде оморе. Оммо гуьнжо овурде
оморигьо хьэвескорисохгьоревоз э бэгъдовой довгlои салгьо ве диеш дуразкеши корисохде-
нигьо ве те гьонине вэхд Тати, суьфде гlэрейколхози, оммо песде хэлгъи томоше диеш дуразкеши сохди рэхьми гlэдоти-
гьо хуьшдени гьевелине.
Дегиш сохди Захарья Авшалумова режиссер томоше, верзуьшлуье корсох культуре
ДАССР Абрам Авдалимов. Омборе жофо денори э кор десде жэгlмиетлуье возирегор ДАССР М. А. Джум-Джум ве верзуь-
шлуье корсох мэгlрифет ДАССР гьовой музыкеи нуьвуьсдегор Джумшуд Ашуров, коминиревоз нуьвуьсде омори гьовой музы-
кеи эри гьемме томошеи сегьнегьо тати драматурггьо, эри комедие мисурмуи драматурге Ордубади «Пенж монети
гlэруьс» ве пьеса эрмени классике А.Ширванзаде.
Омборе салгьо кор сохди э томоше верзуьшлуье корсох культуре Догъисту Ахсо Шалумова ве Истиремелке Пейсахова, и пушогьо рафди э форигъэти мэгlлуьмлуье возирегор Бикель Мататова. Имогьой э то-
моше веромори тозе эрхэ жовоне возирегоргьо: кавалер ордене «Гlуьзетлуье нум» электрик Роман Изьяев, корсох фабрике
«Динамо» Анатолий Юсуфов, корсох завуд «Электросигнал» Ева Шалвер, тербиедорегор музыкальни школе Разиил Ильягуев ве екигегьо.
Тозе бири репертуар жэгlмиетие томоше. Вихде оморе корсохгьоревоз гьемме омбор-
те офдорени э пьесагьо рузине пуьрсуьш, бирмунденигьо э вэхд ю гьисдигьо четинигьоре гьемвэхди зиндегуни. Келе мен-
фигlэт э томошесохдегоргьо огол зери сегьне Хизгила Авшалумова «Шими Дербенди».
Чендгъэдерие э пурлуье томоше гирошди пьеса мисурмуи драматурге М.Ализаде «Зен
сернуьш», овурдигьо э томоше келе бараси э республикани бирмундеи.
Тати жэгlмиетие томоше – бежиде гъуногъ жофокешгьо шегьергьо ве дигьгьо республикей иму. Рафди у ве шегьергьо
Кубе Азербайджани ССР, Нальчик ве Грозни. Томоше рафдени эки юбилей хуьшде э келе барасигьоревоз. Оммо у синемиш сохде ве кем нисдие гъэдер четинигьо.
Ми бисдо бу дузгунлуь, эгенер хьуькуьм республике, Министерство культуре Догъисту
эеки э Дербендевоз мивогошд эки пуьрсуьш тозе дегишигьо Тати томоше э сенигlэтлуье, ве эхирки, гъэрор норе четини э ихдиёри доре уре гьеммишелуьге жиге.
Михаил Дадашев, член Со-
юза писателей СССР
Из книги И.Михайловой
«Самородки Дагестана»
