Э гирошдигьо орине гирошди межлуьслуье э кор венгесдеи тозе электропоезде, комики дануьсде эз е ло э де лойге бердеи одомигьоре э рэхь Махачкеле – Дербенд.

Межлуьслуье э кор венгесдеи тозе электропоезде э рэхь Махачкеле – Дербенд бире э Догъисту, чуьки жугьоб доре норе везифегьой нацпроекте «Сафари ве коргузер гъуногълугъи». Э товун эну мэгlлуьм сохде э хьуькуьм серворе регионе.

«Эз 2021-муьн сал зевер бире сафарие э хуьшде вогосундеи республике эн иму, чуьки бирмунде ве э доруние гъэдер эз е ло э де лойге бердеи э куьндигьо шегьер рэхь гьовуние трнспорте, комики бире еки эз бинелуье эри хоши дореи гереклуьи э транспортни гъуллугъи сафарчигьо, комикигьо оморе э республике», — бирмунде сервор регионе Сергей Меликов.

Тозе электропоездгьо жуьоб доре лап гьундуьре талаби одомигьо эки хьэз сохде э рэхь, э у гъэдер эри сафарчигьо. Э вагонгьо гьисди хубе гьеймогьоине куьрсигьо, дорушдение юклуье рафевоз, жигегьо эри бердеи велосипедоре ве эдеб климат-контроле. Э зир гьер сежигеи дивангьо гьисди жигегьо эри зарядочни устройствогьо.

Бирмунде, чуьки поезд гьемчуьн дегиш сохде эри нежуьмлуье одомигьо. Эз дорун вагонгьо хэлгlэт веноре жирелуье гъосуьтлуье э гуьнжо овурдеи. Э диворгьо гьисди ихдилотгьо э товун миллетлуье дингьо, дестонгьо хэлгъие шогьиргьо, чигьрет зиёдгуьзелие жигегьо, гьемчуьн кори сохдеи дуь э екиревоз рэхьэбирмундегор эсер мэгlлуьмлуье жигегьой республике.

Миллетлуье проекте «Сафари ве коргузер гъуногълугъи» зутеине хэёл сохдеи зиёд сохде гъэдер сафаригьо э сер Уруссиет эки 2030-муьн сал те 140 млн э сал, гьемчуьн дореи экономически зевер биреи э вилеет э песой хьисоб омборе гъэдер сафарие коргьо. Миллетлуье проекте кумекии доре сохде сафаригьоре эсер Уруссиет секонесуьзе ве мерэгълуье. Миллетлуье проектгьо веровунде оморе э гъэрорноме Серворе РФ Владимира Путина эз 2019-муьн сал.