Рош ха-Шана, жугьурие тозе сал, гьисди еки эз лап вожиблуье мигlидгьо э жугьурие луьвэхь. Э 2024-муьн сал Рош ха-Шана сер гуьрде мибу шев э 2-муьн октябрь ве варасде мибу шев 4-муьн октябрь.
Рош ха-Шана – мигlид жугьурине Тозе сале, коминики нушу доре 1-муьн ве 2-муьн руз э мегь тишрей. Ёгьудигьо гlуьзет сохде у рузгьоре э дузгунлуье хубе коргьо, хилосбиреи эз гlовуне коргьо ве хьозуьрлугъи эки тозе зиндегуни. Эз гьемме вожиблуье дэгъдэгъэ Рош ха-Шана гьисди э шофар зере э Тозе сал. Э вэхдгирошдеи гьемме мигlиде э нумаз хунде оморени жирелуье гъэдишгьо. Рузгьо э гlэрей Рош ха-Шана ве Йом Кипур нум доре омори Дегьи рузгьо очугъсохи гlовуни, гъэлети хуьшдере. Э у руз бири гуьнжо оморе келете инсонигьо – Адам. Ве э гье у руз у гъонуне пузмиш сохди доре оморигьо уре Худоревоз негьишдеи ве бири гъинемиш сохде э ведекуьрдеи эз Эден. У бу суьфдеи Рош-Ашана, ве умогьой бири суьфдеи дивуни э сер инсон. Эз у вэхд гьерсал э гье у руз гуьнжо овурде Худо дивуни э сер инсонгьо, пушокигъэрор норе, чуь миё бу бире э одомигьоревоз ве хэлгъгьоревоз э оморенигьо сал.
Рош ха-Шана гье у гьисди асант гуфдиреи «Сер сал» ве мэгlэнолуьини сергири тозе сал э жугьурие луьвэхь. У гьисди вэхд эри жейлее фикирсохи, хуьшдере эхдермиш сохдеи ве нореи ниет э пушо дерие сал. Э мигlид Рош ха-Шана гьисди омборе гъэдер дин-гlэдоти ве гlэдотгьо. Ини кимигьо эз омборте лов сохде оморигьо:
Шофар (гусбенди суьрг): Э Рош ха-Шана миё шофар зере, эри чуьки мэгlлуьм сохде э товун сергири тозе сале.
Сиб ве гlэсел: Сибгьоре, деноре ведешенде э гlэсел, хурденуьт чуь нишон имиди э ширине тозе сал.
Хала: Э Рош ха-Шана буьржуьндени жирелуье хала, бофде оморенигьо эз дуь гиргинее бэхшгьо, мэгlэнолуьи е гъэдер сале.
Гъэдиш: Жугьургьо сер кешире нумазгьо эри жирелуье гъэдишгьо, э комигьоки тевэгъэ сохде бэхшлемиши э товун биригьо гlовунигьо ве войге борухо сохде э тозе сал.
Кифлетлуье гуьрдбиреи: Рош ха-Шана – гье у вэхд эри кифлетлуье гуьрдбиреи, кейки куьндлуьегьо гуьрд бире гьееки, эри чуьки мигlиде гировунде ве гировунде вэхд гьееки.
Рош ха-Шана гlошири нишоневоз. Сибгьо ве гlэсел нушу доре ширини, оммо хала – гьеммишелуьгие е гъэдер.
Шофар мэгlэнолуьини хэбер сохде ве огол зереи эки очугъсохи гlовуни хуьшдере.
Рош ха-Шана – у неки сергири тозе сал, оммо ве вэхд эри мэхьшово тозе сохдеи. Гье у минкини фикир сохдеи э товун сохде кор э гирошдигьо сал, тевэгъэ сохде бэхшлемиши э гъэлети ве норе ниет э пушо дерие сал.
Динлуье войгеи э Рош ха-Шана гьисди «Лешана това у-метука», чуь мэгlэнолуьини «Хубе ве ширине сал». У войгеи нушу доре имиди э у, чуьки пушо дерие сал пур мибу шориревоз, хушхьолиревоз ве шолумиревоз.
Рош ха-Шана – у буьзуьрглуье ве мэгlэнолуьине мигlид. Гье у вэхд эри жейлее фикирсохи, хуьшдени эхдермиш сохдеи мэхьшово тозе сохдеи ве кифлетлуье гуьрдбиреи. Гировундеи мигlиде Рош ха-Шана э 2024-муьн сал минкини доре жугьургьоре э гьемме гlуьлом нушу доре и вожиблуье мигlид ве хьозуьрлугъи бире э пушо дерие сал.
Дофусхоне гозит «Ватан» омборекбу сохде гьемме хундегоргьоре э мигlидевоз Рош ха-Шана!
Хубе ве ширине сал!
