28-муьн сентябрь Сергей Меликов гировунди оперативни бинелуье мескен э сер нисдсохи песини ловсохире, гирошдеи э дигьбон Тозе Хушет. Э гуьрдлеме гьобул сохде омори бэхшвегири рэхьбергьой хьуькуьм ве ихдиёригуьнжолуьи.
27-муьн февраль э федеральни рэхь гирошди ловсохи э АЗС. Э песини гьисдигьо телеф бире 13 одоми, омборте 20 одоми ералуье.
Бэгъдовой ловсохи э жигей нэгъифеи бежид омори зурие тегьер сохде оморе гъуллугъ сохи. Э гъэд дуь сэгlэт сухдеи бири куьшде, 23:30 нисд сохде бинелуье мескен вокурде сухдеи. Э нисдсохи эзуновлейге бире гъозие э кор венгесде омборте 230 одоми.
Сервор республике нушу доре э гереклуьи хуб фегьм сохде ве офде войней ловсохире.
Э товун хьол-овхьол ералуьегьо гуфдире жигегир министре дошдеи жунсогъире Патхула Патхулаев. Э гофгьой энуревоз, э хос сохдение хоне гьисди чор ералуьегьо. Терсдии зиндегуни угьоре нисди, медицини кумекии доре э пуре доруние гъэдер, дермугьо гьисди.
Сергей Меликов бирмунде, чуьки гереки фегьмгери сохде э песой жунсогъи э у гъэдер ки вегуьрде кумекии э поликлинике.
Сергей Меликов гъэдэгъэ зере э шегьерие хьуькуьм винире гьовой э куьнди гьисдигьо хунегьоре.
Гьемчуьн э гуьрдлеме бири гуфдире гъэдер кумекии: э 1 млн монет миду гъовумгьой телеф бирегоргьоре, эз 250 гьозор те 500 гьозор ералуьегьоре.
Э гуьрдлеме э у гъэдер пуьруьш сохде гъэдер кумекии дореи ералуьегьоре ве хьэрекети веноре эри дануьсде суьфдеи войне биригьо хэребеире, дануьсде бинелуье рэхье, комики бесде оморе э нисдсохи эзуновлейге бире гьозие. Хэберсуьз нисд бирегор э имбурузине руз нисди.
Э гьевелие сал, бэгъдовой беди э микрорайон Караман, бире гировунде коргьо. Сергей Меликов умогьои гъэрор норе, чуьки биё бу гъобул сохде дуьлтижие гъэдер э сер дошдеи талабе сэконеисуьзи сэхьибгьой АЗС.
Оммо, чуь иму винире? Э Махачкеле гьисди заправкегьо, комики куьнди эки рэхьие жиге ве келе зигьисдение хуне ве у корсохде. Эзу товун ки сэхьибе гьисди гъэрорноме дивуни э товун у, чуьки гье у заправке жугьоб доре гьеммей талабгьой сэконесуьзи. Эри ки иму биё доре пуьрсуьш э и овхьол? Суьфдеи бо сэхьиб заправкере. У миё бу берде жугьобдорлуьи, э у гъэдер э пушой одомигьо, эри комики у сохди терсдии.
Еккейге пуьрсуьш: чуьтам у вегуьрде гъэрорноме дивунире?
Э гирошдигьо сал омборте 230 АЗС вегуьрде бегьем нуьвуьсдеи э товун поюндеи коргьо эн угьоре э сереботи веди сохде гъонунепузмишигьо. Бэгъдовой кимигьо вэхд омборте 130 эз угьо гене зиёд сохде коре. Угьоре сэхд сохде, угьо рафде э дивуни, доре сибит бидузи корисохи фегьм сохдегоргьоре, вегуьрде гъэрорноме дивуни ве кор сохде песде.
Кейки иму сер гуьрде винире, чуьтам одомигьо денишире э ижире гъозиегьо, иму винире, чуьки имуре тэхсиркорлуье човуч, Ростехнадзор, комики нисе фегьм сохде, У, ки дори руьхсет. Оммо екиш ве гьич вэхд нисе гуфдире э товун тэхсири сэхьибе хуьшдени. Гъэрезки уре омборе жире-бе-жирее вес не биреи, сер гуьрде эз недебиреи корлуье разименди э корсохгьоревоз, варасундеи доре пуле.
Гировунде коре,- у лап четини, эзу товун ки чуьки имуре гьемме э гуш не гуьрде,-эри гье у, эри чуь э гуьнжо овурде жэгlмет сэхьибгьо АЗС, корисохи комики мибу фуьрсоре э дореи герекие гъуллугъи могълугъе, э у гъэдер э пуьрсуьшгьой секонесуьзи Сервор РФ эрзо нуьвуьсде, чуьки у ве корсохгьой эну мерэгълуьи э гье у эри гьунжо овурде игърол эри секонесуьзи могълугъ эн имуре: ве э заправкегьо, ве э рэхьгьо , ве э еккейгегьо объектгьо. Э гъэд гировунде силиссохи дивуние корисохи мибу гъэрор норе руй-бе-руи ёгъин э товун гье у заправке ве э товун еккейгегьо коргьо. Мибу гъобул сохдеи гъэрорноме э еккейгегьо объектгьо гье у коргьо. Гъэгъигъэт э гье у заправке зуте бири очугъ веди сохде гъонунепузмиши, оммо угьо бири нисд сохде.
Э бирмундеи серворе Карабудахкентски районе хунегьо нисе хэреббире. Лап зури кор сохди энергетически ве газови компании: сэхд сохде гьеммере ве гъобул сохде гъэдергьо эри гье у, эри чуь эзуновлейге бире гъозие нисе дес зере зиндегуние жигегьоре.
Серворе районе гъэдэгъэ зере очугъ сохде, э комини гъово гьисди гье у е гъэдер мескен, э у гъэдер зиндегуние хунегьо. Гурунде гъозие мэгlлуьм сохде э район, гье у доре ихдиёри овурде овгъотгьо эри нисдсохи эзуновлейге бире гъозиегьоре.
Воисде бирмунде коре министерстве дошдеи жунсогъире ве ДПС: бири доре э вэхд ю каретгьой зурие кумекии, э рэхь човичгьо гье бирден гъобул сохде гъэдер эри доре рафде э куьнди жиге ловсохи ве сухдеи жейлее мошингьо ве хилос сохдегоргьо.
Сергей Меликов: «Воисде гьемчуьн бирмунде коре волонтергьой эн имуре. Имуре не бири унгъэдер ералуье э софхонегьо, чендгъэдер бири одомигьо, хьозуьрлуь доре угьоре кумекии. Иму ди вохурде э войгей хуьшде гуьрегоревоз, комики доре кумекии хилос сохдегоргьоре.
Шохьонгум ме винире кимигьоре эз угьо э жиге – угьо доре кумекии хилос сохдегоргьоре э бэхш сохде гъэтмегъэришире ве нисд сохи эзуновлейге бире гъозие. Гьеммеекире воисде гуфдире келе согъ боши. Гье у гьэгъигъэтиши келе жугьобдорлуьи одомигьо э песой веровундеи корисохигьоре, оммо, хьэйфбери сохде вирихде одомие вир сохдеи нисе бири, унегуьре гуфдире э гьеммееки хьэйфкеши доре ве езугъбери».
