Те 36 млн монетгьо зевер сохде омори планови бирмунуши налог эри гешде офдеи хэйрлуье овгъотгьоре эри 2024-муьн-2025-муьн салгьо э Догъисту. Гуьрдлемере, э товун дореи налоггьоре эри гешде офдеи хэйрлуье овгъотгьоре ве э кор дешендеи корсохгьоре э карьергьо, гировундебу жигегир Сернуьш эн Хьуькуьм Республикей Догъисту Нариман Абдулмуталибов.
Э докладгьоревоз э гуьрдлеме нушу доребируьт веровундегор гъэрхундигьой министр тебиет ве экологие эн Республикей Догъисту Ратмир Расулов ве рэхьбер Идоре эн Федеральни налогови гъуллугъсохи э Республикей Догъисту Айдар Байрамов.
Гереки э ер овурде, чуьки э гъуллугъ эн сервор Догъисту Сергей Меликов гуьре э регион гереки фегьм сохде налогови бинере э сферей гешде офдеи бежид э кор венгесде оморенигьо хэйрлуье овгъотгьоре. Гьемчуьн гереки гъобул сохде чорегьоре э товун э вэгlэдо ю диремореи налоггьоре э республикански бюджет эри гешде офдеи хэйрлуье овгъотгьоре.
Э гуьрдлеме гуфдире оморебу, чуьки гьемме корсохгьо гешде офденуьтгьо хэйрлуье овгъотгьоре комигьореки гьисди ихдиери, веноре оморет э хьисоб э налогови органгьо ве угьо доренуьт налоггьоре эри гешде офдеи хэйрлуье овгъотгьоре.
Чуьтам мэгlлуьм сохди веровундегор гъэрхундигьой Министр тебиете эн Республикей Догъисту Ратмир Расулов, э имбурузине руз ведини хубе дегишигьо э товун диремореи налоггьо эри гешде офдеи хэйрлуье овгъотгьоре. Гьечуь, эри 2023-муьн сал э планови бирмунуши 22,032 млн монетгьо гуьре дешенде омори 27,826 млн монетгьо, и 126% эз планови бирмунушини.
«Э хьисоб вегуьрденки и даннигьоре, планови бирмунушигьо эри 2024-муьн сал ве эри оморенигьо 2025-муьн сал зиед сохде оморебу дузетмиш сохденки бюджете те 28,141 млн монетгьо ве 35,65 млн монетгьо»,- гуфди Ратмир Расулов.
Эри расире э и бирмунушигьо, чуьтам гуфди вице-премьер Нариман Абдулмуталибов, гереки желдлуь кор сохде гьееки э министерствой тебиет эн РД ве э налогови органгьоревоз. Гьемчуьн гереки гъобул сохде чорегьо эри зевер сохдеи вечиреи налоггьоре ве гъонунлуь сохдеи жофолуье гъожогъигьоре. Э и везиферевоз министерствой тебиет республике ве УФНС эн Республикей Догъисту игърол бесдет э товун дуь э екиревоз кор сохдеи. Э товун дуь э екировоз кор сохдеи гьонине вэгlэдо вихде омори жугьобдорлуье одомигьо. Гьемчуьн гировунде миев жерге кор эри веровундеи планови бирмунушигьоре э товун диремореи налоггьо. Э корсохгьоревоз гешде офденуьтгьо хэйрлуье овгъотгьоре э жигегьо гировунде миев еклуье гуьрдлемегьо, еклуье назарие коргьо ве диеш.
Э эхир гуьрдлеме Нариман Абдулмуталибов гуфди, чуьки гереки дураз кешире кор сохдеи дуь э екиревоз эри мэгlлуьм сохдеи э Догъисту ве налогови органгьо э товун гъэдер гешде офдеи хэйрлуье овгъотгьоре ве гьемчуьн э товун доре оморигьо налоггьо эри гешде офдеи хэйрлуье овгъотгьоре. Гьемчуьн доре омори гъуллугъ назари сохде гъэдер гешде офде оморигьо овгъотгьоре.
