Э социальни сетьгьо фирегь мэг1луьм сохде омори хэбер э товун вэхьшисохи э битехьэимгьой Махачкале

20-муьн июль э телеграм-канал хуьшде бэхшвегир эн СПЧ  Кирил Кабанов мэг1луьм сохди э товун эну, чуьки э омборемиллетлуье битехьэимгьой Махачкале хуьрд-хэсде сохде омори сенгъгьой ёровурди жугьургьо.

Э сиротгьо , комигьореки венори гье у хурд сохдегор г1эмел миев винире хуьрд хэсде сохде оморигьо сенгъгьой еровурди жугьургьо.

Дофусхоней иму вохурди э сернуьш эн дин-дог1отие жэг1миет жугьргьой Махачкелеревоз э В.Диьияевоз. Чуьтам мэг1луьм сохди Валерий Шимиевич, э сер битехэимгьо хуьрд-хэсде сохде омори 8 сенгъгьой еровурди, оммо гьозие тозе нисди ве нисди гьичиш жэг1млуьи э акт вандализмевоз.

Гьеле 2 орине пушоте зигьисдегор шегьер, нисе дануьсдигьо мошине рэхьберде, э мошмн хуьшдеревоз ьей сохди дарафди э лой говрегьо, те биреи нисд сохдеи эзуш четиние эзуновлейге бире гъозиегьоре э гье белкине гьей сохде рафде расире э одомигьо. Эз жиге хуьрд-хэсде биреи тэхсикор пэхьни не бири. Эзу товун огол зере оморебу нушудорегоргьой эн ихдиергъэрхундлуье органгьо , бэхшвегир ДТП вегуьрди э сер хуьшде бегьем жугьобдорлуье э товун бире гъозие ве нушудори хьэвес э товун тозеден вокурдеи сенгъгьой ёровурдире эз хьисоб хуьшде.

Коргьо э товун тозеден вокурдеи веровунде оморени. Гъозиере назари сохдениихдиергъэлхэндлуье органгьо ве дин-дог1отие жэг1миет жугьургьо.

Омборемиллетлуье битехьэимгьо Махачкале дери э сепараторни улке. И битехьэимгьо ижире нум дори омори эзу товун ки э унжо битехьэим сохде оморени муьрдегоргьой эн гьемме дин-дог1отигьо. Битехьэимгьоре гьисди хьуькуьм эн серкори ве  шеви-рузи гъэреул.

Дофусхоне фегьм мисоху чуьтам гировунде оморени коргьой тозеден вокурдеи ве огол зерени лов не сохде дургунире э и четине вэг1эдо.