Чуь гирошдиге э Дербенд 23-муьн июнь – и лап биг1эдотини, и коре варасире лап четини.
Э лап зулуме вэг1эдегьош, э лапбиг1эдлте довг1огьош одомигьо дес нисе зерембируьт э килисегьо, э хуней дин-дог1оти мусурмуи ве нимазгьо. И лап биг1эдотини! Э гофгьоревоз и дерде гуфдире нисе бире, комики э жун гьер одоми, жирелуь эн корсохгьой бохчей г1эили ве гъуллугъсохдегоргьой нимазе.
Гье у шев те диринимешев нуьвуьсдебируьт ве зинг зеребмруьт бебе-дедегьо, гьевел биригьо хундегоргьо, гъуншигьо ве гьемкорсохгьо э гофгьой езугъбериревоз. Бэгъдевой е мегь эни биг1эдоте руз эз сер ме нисе рафде гофгьой эн е дедей богъчей г1эилире, комики ме не дануьсденум фурмуш сохде, «Рамазан се сале г1эил шиновусденки, чуьки сухде бохчей эну, хосди эз бебе овурде эри эну е бедре г1ов эри кумеки сохде куьшде сухдеире». Гьемчуьн пенж сале Гамзат омбор гирисди э гофгьоревоз «Мере хьэйф омореэ раче нимаз иму».
Чуькле г1эилгьоремуьвэхь омбортеи, эз и вэхьшигьо, комигьореки одомиш гуфдире г1эмел нисе оморе.Эз еклуье варасиреи эну, чуьки ги кор у мидануьсд бире э миёнее рузгьо, мере дешендени э биг1эдоти. Худо г1эилгьой имуре ве бебе-дедей угьоре хилос сохди. Ве гье у э нуботлуье гиле сибит, чуьки Худо гьеммише э имуревози.
Дорундуьли хьэйфбери сохденис э гъовумгьо ве кунде одомигьой телеф бирегоргьо дуь гъэреул сохдегоргьо Раджидине ве Ромере, комигьоки суьфде вегуьрдет г1этоше э сер хуьшде, гьемчуьн эн телеф биригьо гьемкоркигьой полицие э и одомисуьзе зулуме кор.
Воисде согьбоши гуфдире администрацией шегьер ве рэхьбергьой соводи, комигьоки бири гьеммише э имуревоз, кумеки дори имуре. Корисохи эн МБДОУ 17 поюнде омори тейте Нимаз гъуч сохде миев. Оммо бэгъдовой е орине, эки 1-муьн июль гьемме г1эилгьо эн бохчей иму бэхш сохде оморет э бохчегьой г1эили шегьер. Гьемме корсохгьой имуре доре оморени 2/3 мегьине муьзд жофои э вэхд гъуьчсохи. Гье у биг1эдотие руз ме э кифлетевоз не дебируьм э шегьер, оммо бэгъдовой ме дарафденки э Нумаз винирем и биг1эдотире ве те имогьоиш нисе варасиренуьмэ чуьтам и одомисуьзгьо, комигьореки не дин не ве миллет сухунди уре, чуьре э гуьнжо овурдебу ве чуькле хэлгъ жуьгьури иму.
Оммо иму гене э гьевелине жиге мивокуним г1эзизе Нумаз имуре. Ве э иму кумеки мисохут бироргьо ве хэгьергьой иму, дусдгьо ве гъуншигьо ве гьемме зигьисдегоргьо эн г1эзизе Дербенд, эн Догъисту ве гьемме Уруссиет ве Худо эриму кумеки!
