Дегиши не дузетмиши системей водоснабжение мегьилуь доре темизе хубе г1ов хурдени жэгьмет Буйнакска не дигь Кумухе не Халимбекаула, не диеш 68 гьозор одомини.
Дурази рэхь водовод Чиркей – Буйнакск гьисди 31,65 км гирошденио эз тараф Буйнакски улке. Берей эн Чиркейск экуьнди 33 км эз шегьер Буйнакск эки плотина Чиркейски ГЭС, э расди гъирогъ водохранилище э нуькере Сулак. Рэхь эде сер гирде эз насосни дозув э расди гъирогъ Чиркейски водохранилище тейте дорум-мизрэхьие тараф омбардеки бедел рэхь параллельно э мошине рэхь Буйнакск – Кизилюрт – Н.Чиркей тейте мейдун резервуар темизе г1ов шегьер Буйнакск. Пропускной божерене мэгlрифет эн тозе водовод – диеш 30 гьозор кубометр эн г1ов гьер руз, экуьнди эну норе омори 90 чол. Эзу бэгъэй э хори водовод вокурде омори датчик давления ве ультразвуковой прибор э назар вегуьрденьо г1ов, э урэвоз рэхьгьо доре миев хьитиётлюе г1ов – гъэлхэнд мибу.
Э кор венгесдей водоводе гуфдири сернуьш хьуькьум РД Абдулмуслим Абдулмуслимов. У э ер овурдики гуьре майски буйругъ хьуькьум РФ э Догьисту веровунде миев 13 национальный проект не дегиши водопровод «Чиркей-Буйнакск» воровунде омори э гъэд проект «Хунегьо не дивег1 шегьери», э программеровоз «Темизе г1ов».
«Догьисту бахшвегини э программей «Темизе г1ов», э у гиро э республикейму эдет гъуьч сохде водопроводни сетьгьо.
Ди бири хубе хэбар, иму гировундейм г1ов эз Чиркейский водохранилище э шегьер Буйнакск. Экуьнди буьтуьн водовод гьисди чол, эже эдет денишире жинсьети оморениьо г1ове.
Гьелбетте, бирдефелугъ эз веровунде проект эдейм согъбоши гуфдире эз келей РФ, эвел-эвел эз жигегир хьуькьум РФ Марат Хуснуллин не министр вокурдеи не ЖКХ РФ Ирек Энварович Файзуллин.
Проекте воровунде омори, оммо эз программе «Темизе г1ов» эдеи гировунде водоснабжение эн е могьлугьлуье жигеой улки. Вожибе кори, хубе темизе г1ов дорей Догьисту эри жэг1мет гьиди эвели меселе не кор эн сервор республике»,- гуфди Абдулмуслим Абдулмуслимов.
Вокурдей водоводеа эде гировунде идоре АО «Мостоотряд-99». Сервор проект эн водовод «Чиркей-Буйнакск» Гаджимурад Каримулаев, ихдилот сохдики, вокурдени коре сер гирди гьеминон 2022-муьн сал.
«Гьемме сер гирде омори э келей РД Сергей Алимович Меликов гиро, эз бирмундеию бэгъде э межлуьс Совет Федерацие чоре офде омори. Гировундет келе кор эри гъэрор норе эз товун водоснабжение э шегьергьо не дигьой эн республике. Эз товун проект эн водовод «Чиркей-Буйнакск», вечирей эн г1ов эде гирошде эз Чиркейский водохранилище, эде дарафде э чол темизе г1ов э Буйнакск, угьош эде бэхш сохде темизе г1ов шегьере не дуь жигере. Инжигеш насосный станциеи.
Чуь эз хуьшде бирмунде водовод? И высокотехнологични чини, эри уре вокурде гереки шефде эз гужлуье чугун э шаровидны графитово, э Софуни Кавказ уре суьфдеи э кор венгесдет. Шаровидный графит эде доре шефдере сэхди, е шефдиге ни ветовусд эзуни гуже. Гьемме запорно-регулирующий арматура вижире омори дуз.
Э имбурузине руз 100% кор эз вокурде шефдио не жигенорей запорно-регулирующи арматура варасти. Водоводе рэхьгьо дорет. Э чол темизе г1ов шегьер эн Буйнакск эде рафде 1050 кубометр темизе г1ов. Гьебелки, буьтуьн хэлгъ био согъбоши гуют эз сервор республике, комики э жофой хуьштерово венгесдет и проекторе. Вонорет гьер зэхьмет эри сер гирде проекте. Имбуруз иму миданим тевекили гуфтире, Буйнакск вегуьрди г1ов!»,- гуфти Каримулаев.
