10-муьн январь сервор Догъисту Сергей Меликов э корлуье рафдеи бири э Каякентский улке. Сервор республике фегьм сохде вокурдение ве кор сохдение социальни объектгьо. Вохурде э кифлетгьо лешгеригьо, гофсохи дуь э екиревоз э гьемшегьери зигьисдегоргьо, пуьруьш сохде э гIэилгьо.
Суьфде Сергей Меликов сер кешире кифлет Мурада Закарьяева – бэхшвегире СВО. Эз уьлуьм э улое бэхшире ордине Мердиети. Э гъовум кент э нум эн у норе куче ве вокурде мемориальни тэхде.
Сервор Догъисту нушу доре хьэфбери деде-бебе эн игиде Закарье ве Джарият Закарьяевым «Вогордунде куке иму ниданим.Оммо омборо одомигьо уре э ёр овурде, э ишмурево омборо вэхд уре э ер овурде,гуфдире э товун чуьки кутэхье зиндегуни бири очугъэ,кук эн ишму мунде э дуьл одомигьо»,- гуфдири Сергей Меликов.
Э Каякент сервор эн регион фегьм сохде спортзале, комики вокурде оморе э кумеки меценатгьо ве гъемшегьери зигьисдегоргьо. Э у хуне гьисди мати е спортивни овхьолет иловлеи. Э руз ю гIэмел миёв гьерчуь бисдо сохдеи те 500 одоми. Бежит инжо гировунде бирмундеи мэгIлуьмлуье боржгьо. Гьисди хундеи э боксе ве футболе.
ГIуьзет сохде, э гьевелине сал рэхь эки спортивни дуьруьжде утогъ бири гьир сохде.
Э гьемшегьерие проектгьо «Гьемшегьерие хьэвес» э ен спортзал вокурди футбольни зими.
Нуботлуье бедел э программе бири школе э Ново Викри.
Инжо э 2020-муьн сал вокурде оморе тозе вокурдеи э 420 хундение жиге, комики гьишде шенде э кент 3 дегиши сохде идоре данидореи. Э школе э гуьнжо овурде гьемме игърол эри хубе хундение жирей корисохи.
Эгьевелие сал гъуьч сохде куьгьоне вокурдеи. Дегиш сохде буне, системе коммуникацие, сухдеи мэгIлуьмсохи. Бегьем те эхир гъуьч сохде е бэхш бинебору тебэгъэ. Овурде тозе оборудование: хундение шуьлхьонгьо, куьрсигьо, шкофгьо, хундение тэхде, компьютергьо.
Гьемме школере гъейсэгIэт данусде рафде 800 гIэилгьо.Сервор республике гофсохи дуь э екиревоз э тербиедорегоргьо ве хундегоргьо, фегьм сохде хубе гировунде коре. Вокурдеи тозе школе э кент Герга сервор улке бири биразилуье э коргьо. У э ёр овурде э вокурдегоргьо, чуьки вокурде хуб э вэгIэдо-вожиблуье жейлее фиккир.
Школе вокурде оморе эз 2022-муьн сал ве веровунде сохде э 300 хундегоргьо. Проектгьо дире дануьсдеи пенж вокурдеи, келе гьеймогьоине хурекхоне ве актови дуьружде утогъ. Э планови вэгIэдо дореи соводлуье вокурдеи-2024-муьн сал. Оммо э имбурузине руз гьисди терс не доре объекте э вэхд ю.
Сервор Догъисту битIэгIрифи сохде корсохгьо ве зуте мэгIлуьм сохде угьоре э товун эзуновлейге бире гъозие э вэхд ю не веровундеи вегуьрде ёгъине гъэрхунди.
Э ер овурде, гьевел э гуьрдлеме э сер э вэхд ю герек гьисдигьо пуьруьшгьо сервор улке э пуьруьшсохи сохдеи э Догъисту миллетлуье проектгьо гуфдире э номуссуьзе вокурденигьо идоре. Сергей Меликов руй бире э дивуни ихдиерлуьи идоре э огол зереи э товун гъэножогъи зобуне корсохгьо. У э пушо норе гировунде фегьм сохде шинох бире федеральни пулгьо, э бинеден коммики и идоре эзуновлейге бире гъозие дарафде э нуботноме биномусе коргьоре гъуллуги.
Шинох бире Сергей Меликов э коргьо тозе бохчей гIэили э 250 жиге, комики вокурде оморе э Новокаякент э эхир 2023-муьн сал объекте бегьем те эхир гьисди дуьрлуьги ве оборудование, гировунде коммуникации, норе гъире э рэхь. Э куче эри гIэилгьо веноре 10 вози сохдение мейду. Э бохчей гIэили рафде эз 1,5 те 7 сале.
Сервор Догъисту гъобул сохде бэхшвегири э вокурде сенгъ еровурди бзхшвегиргьо СВО.
С.Меликов буьлуьнд гъимете дуь догъистение лешгери, комики дори зиндегуни эн хуьшдере эри Ватан.
«Угьо гьеммише мибу э дуьл эн иму, э ер иму. Иму гьеммише бире сикеи ишди эри Уруссиет ве Догъисту э нум шолумие асму. Хьэйфбери сохде ки вир сохде куьнде, ве воисде гуфдире, чуьки имму э и бедирево гьич вэхд ни бутахно»,- боворини доре гъовум лешгергьо э вокурдеи сенгь еровурди сервор республике. Э у вебири Мурад Закарьев, телеф бирие гъэлхэнди лешгерчи хьовиргьо. Сенгъ еровурдеи коре э Аллее игидгьо, э мейду.
Песде сервор улке рафде эки кифлетгьо телеф бире лешгерчигьо эз Каякентский улке.
У гуфдире хьэйфбери сохде ве боворини доре э кумеки. Э ихдилот э угьорево сохди гъовум гьо лешгергьо гуфдире пуьрсуьшгьо эн хуьшде ве воиге. Сергей Меликов э жиге дори гъэдэгьэ рэхьбер улке гуфдире хубе гофгьо эри коргьо сервор улке Магомед Эльдерханове.
