29 декабрь 2023-муьн сал Сернуш Хьуькуьмлуье РД Абдулмуслим Абдулмуслимов э межлуьслуье овхьолет иловлеи вокурди гье бирден дуь тозе медицински идорегьо э шегьер Махачкале.
Объектгьо, гьерки эз коминики хьисоб сохде э 250 оморегор э гъэд дегиши, вокурде омори э рамке программегьо «Хубте биреи дошдеи жунсогъире» ве э хотур чуьки гъэрорноме сервор Минздраве РФ Михаил Мурашко э товун зиёдсохи пул овурде расунде Республике Догъисту.
Суьфдеи премьер-министр вокурди тозе модульни софхоне №8 э дигьбон Ленинкент. У суьфдеини э шегьер поликлинически идоре, гуьнжолуье э гьемме гьеймогьоине гъэдер ве санитарни-эпидемиологически талаблуьи.
«Эз нум сервор республик иму Сергей Алимович Меликов ве эз хуьшдере воисдени омборекбу сохди гьемме зигьисдегоргьоре дигьбон Ленинкент эз омборе гIуьзети не гъэдуьрлуье нэгъифеи – имбуруз эри нечогъгьо иму вокурдейм дергьо тозе поликлиник э 250 жиге. Гье у медицински идоре вокурде бири э хотур чуьки федеральни проект «Хубте биреи суьфдеи звено дошдеи жунсогъире». Эри у проект гировунди 365 млн. пул.
Гьер жиге кор э поликлинике гьисди компьютер, гьисди минкини эри электронни нуьвуьсдеи омореи хэт, эри гъобули э духдир не профилактически фегьмсохи. Э поликлинике гьисди дуь лифт. Э тозе сал диеш мибу норе аппарат рентген, маммограф, гьейвэхдине эндоскопически оборудовани, УЗИ – аппарати, лабораторни оборудовани. Объект вокурде омори э модульнулуье технологиеровоз. У дори минкини эри гьевел сергуьрдеи корэ ве качественни. У дуьруьжде вокурдеи имидлуьни гьемчуьн чуьтам капитальни, гьемиге э сейсмоветовусдени, — гъеэдер эксплуатацие – э дегьигьосалгьо»,- гуфдири премьер-министр.
Э гье у руз Абдулмуслим Абдулмуслимов сер кешири э межелуьслуье вокурдеи тозе гIэими поликлинике №3 э дигьбон Сепараторни.
Бирмунуши э пушой духдиргьо ве зигьисдегоргьо микрорайоне, коминики кучмиш бирет э вокурдеи, Абдулмуслим Адулмуслимов гIуьзет сохди, чуьки параменди гIэили дошдеи жунсогъире э республике – герекие везифе Хьуькуьм Догъисту:
«Э поликлинике гуьнжо овурди гьемме герекие игъролноме эри нечогъгьо ве духдиргьо, гьисди комфортабельни жейле чапарлуье мескен гузети, утогъ форигъэти вегуьрде. Медицински идоре гьисди тозе гьейвэхдине медицински оборудованигьо. Овхьолет э иловле территорие – гировунди е бойгеш товуши, вокурди гIэили вози сохдеини мейдон, гье гене кошде мисохут совзе геи.
Боворинум, чуьки гьемкоркигьо гIэили поликлинике, нушудореи тоби, дореигьо данани ве синогъи, дануьсде мибу кумеки сохде э чуькле нечогьо, эри барасире берде зэгIифире ве дошде веровунде жунсогьи, оморе э кумекии гьеле э гурунде овхьолет. Войге барасигьо э норе везифе! Омборекбу тозе сал!»
Хосиетноме гъэдуьрлуьи вокурдеи дуь поликлинике эри зигьисдегор Махачкеле, премьер Догъисту гене гуфдири, чуьки э вэхд гировундеки Дузе риз 14 декабря 2023-муьн сал Президент Уруссиет Владимир Путин гуфди, чуьки программе жунсогъи серсуьфдеини звено дошдеи жунсогъире ёгъин мибу зиёд сохде.
«Гьисдигьо имбуруз объектгьо – гье у энжэгъ бэхш келе кор эн иму, дуь эекиревоз э федеральни центр, э дануьсде расунде верасирение тегьер медицински кумекии э чуькле могьлугълуье пункто. Э биёвгьо сал э республике гьисди план эри восдоре ве вокурде 18 зури-зури вокурденигьо медицинскигьо модулгьо, капитальни гъуьчсохи 69 медицинскигьо идорегьо, гъуьч сохде 6 медицинскигьо идоре. Мибу вегуьрде 733 тек медицински оборудовани ве 158 тек санитарни автотранспорт. Гье гене гьеммеекире э жиге биригьоре э тозе гьейвэхдине поликлиникеровоз! Омборекбу Тозе сал, гужлуье жунсогъи, шолуми, рэхьми!»,- гуфдири А.Абдулмуслимов.
Бэгъдовой межлуьслуье бедел Абдулмуслим Абдулмуслимов хьэгъэ нори овхьолет гьерки эз поликлинигьо, сер кешири кабинетгьоре, фегьм сохди оборудование, комики поюндет э жиге.
ГIуьзет сохдейм, чуьнки объектгьо вокурде омори э еки лап хэсдмогьлугълуье район шегьер, вокурдеи угьоре денишири омбортеш 30 гьозор зигьисдегор дигьбон Ленинкент ве зиёдте 50 гьозор зигьисдегор микрорайоне Сепараторни.
