27-муьн декабрь гирошди эхири гуьрдлеме Хьуькуьм РД э рэхьберьети премьер-министр РД Абдулмуслим Абдулмуслимов.
Э повестке бу пуьрсуьшгьо: о товун атргьой еклуьи бюджет РД, э товун гъонун сохде бешпурте улкее хьуькуьми программа «Параменди вокурдеи отрасль не ЖКХ РД».
Вокурде оморе гуьрдлеме Абдулмуслим Абдулмуслимов гуфдири э гирошдигьо вэхд имисали бегьем бири еклуье бюджет РД куьнд бири лап зеверие гъэдер.
«Э и пулгьо вокурде омори хэйли объектгьо социални инфраструктури, эдей рафде модернизация суьфдеи гьелгъэй здравоохранение, гъуьч не вокурдеи рэхьгьо, ишколегьо, софхонегьо, хунегьо культургьо не диеш»,- гуфдири премьер.
Э у вэгIдо гьисди четинигьо э серберэхьи э пулгьо хьуькуьми – риз кешири премьер Догъисту.
«Э товун дузиге хэржи сохденге и пулгьо. Кимигьо програмни мероприяти кор нисе сохдеге, пулгьо мундени э счетгьо ведомствгьо, омбардеки угьо вогошденуьт э федиральни бюджет. И бурмундени кеми гьисдигьо финансови дисциплине. Унегуьре хьисоб сохденуьм дие гиле денишире администратигьо бюджетни пулгьо эри зиед сохде качество финансови менеджмент» — гуфдири Абдулмуслим Абдулмуслимов.
Премьер э гуьрдлеме мэгIлуьм дори вожиблуье гъэрорноме, чуь гъобул сохди эри дошде бюджетни устойчивость не келе сохде эффективность хэржигьо, – тозе механизмгьо комики кумек мисоху э барас биевгьо везифегьо.
«Еборойменжи, хубе резерв эри келе сохде гъобулгьо эз бюджетни пулгьо гьисди э хубтеи сохде системи госзакупок. Инжо, э ер дешенуьм, иму э пушой норем еклуье сохде восдорегьой, э пилотни режим, э сфера здравоохранение.
Дуборойменжи, егъин гереки денишире чуьтам хэржи сохденуьт бюджетни средства министерство не ведомство э эхири 6 мегь, песде гъимет сохде герек гьисди енебуге нэгI дегиш сохде пулгьо.
Сеимуьн. Гъобул сохденим гъэрорноме эри гировунде коргьо э оптимизацие сети хьуькуьмлуье идоргьо не неэффективни хэржигьо эри ире дошде. Проект и гъэрорноме гереки деберде э хьуькуьм те эхир мегь.
Чоремуьн. Тозеден фегьм сохденим э гуьжлуьи не веровундеи Республикански инвестициони программ денишире гереклуье концетрации ресургьоре э объектгьо капитальни вокундеи э эхири этап хьозури, чуьки э биевгьо вэхд пузмиш сохде диеш хэржигьо комики мибу егенер вокурдеи коргьо бугьоте миби.
Пенжимуьн. Вожиблуье роль мибу э Палате Хьисоби. Суьфдеи тигъэт эн ведомство герек мибуге э оперативни гIейсэгIэти контроль. И кумек мисоху прогноз риски.
Ире не диеш гъэрорномегьо, комики гъобул бирени имисал, гереки биев э омбарлуье эффективност хэржигьо не хубе динамика веровундеи бюджети гьемме уровни Республике Догъисту»,- диеш гуфдири Абдулмуслимов.
Песде суьфдеи жигегир Сурнуьш Хьуькуьм Догъисту Р.Алиев расунди э келеи кабмин э товун артгьой веровундеи еклуье бюджет РД э 2023-муьн сал.
«Кассови хэржигьо республикански бюджет э 2023-муьн сал бири 187,4 млрд. монет енебуге 94,1% э имисале план гуьре енебуге 97,8% э объем финансировани. И эз расдиш хубе нишоне. Эз пор хубте (90%)»,- гуфдири Алиев.
Диеш гуфдири, оморенигьо сал дураз микешу практике доренигьо траспортни налог э бюджет муниципалитетгьо. Гьемме кура сохденигьо пулгьо хэржи мибу эри дошде не гъуьч сохде рэхьгьо.
Дуимуьн пуьрсуьш теслих сохендге бешпурт программи хьуькуьми «Параменди вокурдеи отрасль не ЖКХ РД».
А.Абдулмуслимов гуфдири эз 2024-муьн сал э республике эдет рафде кор эри дегиш сохде система вихьтеи хьуькуьмлуье программгьо.
