Э Дербендски районе гирошди гьероринеине гуьрдлеме э зир рэхьберисохиревоз Серворе Эльмане Аллаххвердиеве.

Э сергири корие гуьрдлемере Сервор Дербендски районе Э.Аллахвердиев огол зери бэхшвегиргьоре эки ёгъинлуье веровундеи гъэдэгъэигьоре, комикигьо доре омори э пушотеине вохурдеигьо.

Жирелуье тигъэти доре омори овурдеи артигьо коргьоре Комиссие эсер нисдсохи эзуновлейге бире гъозиегоре ЧС. Гьемчуьн Сервор районе гъэдэгъэ зери хьозуьр сохде нуботномегьоре нушу дорегоргьой корсохгьоре хьуькуьме, УСЗН, волонтергьоре ве зигьисдегоргьоре, комикигьо гъобул сохди желдлуье бэхшвегири э нисдсохи эзуновлейге бире гьозиере, эри нушудореи эки Бэхш дореи эз серворе хьуькуьме.

Э гуьрдлеме гьемчуьн бири фегьм сохде пуьрсуьш веровундеи бюджете э бедел налогови ве налоговисуьзе омореигьо, нореи э налогови хьисобсохи коммерчески идорегьоре э Дербендски районе.

Сервор муниципалитете Эльман Аллахвердиев дори гъэдэгъэи зиёд сохде гировундеи гьероринеине субботникгьоре э е гъэдер мескен хьуькуьме ве дошде темизире ве гуьнжолуьи э дурази федеральни автомобильни рэхь.

Жигегир серворе ОМВД РФ э Дербендски районе Ферез Рустамов бирмундеи тигъэте э жиге бирегоргьоре э гереклуьи гировундеи фегьмсохигьоре корисохигьоре объектгьоре иловлере э кор венгесдеи. Э гье у пуьрсуьш Эльман Аллахвердиев дори гъэдэгъэи э гуьнжо овурде дуь эекиревоз корие десдере э бэхшвегириревоз ОМВД, юридически беделе, Рэхьберисохи эсер хориие ве девлетлуье гъэножогъигьо эри гировундеи фегьмсохигьоре.

Эзуш бэггъэй, Сервор муниципалитете ёгъинире дануьсдеи э рэхьбергьой беделгьоре ве рэхьбери хьуькуьме мэгIлуьметигьо э товун веровунде оморе коргьо эсер зуте доре гъэдэгъэигьо.

Э сер артигьо гуьрдлемере Эльман Аллахвердиев дори ёгъинлуье гъэдэгъэигьо ве шинох бири э жугьобдорлуье гьемкоркигьоре э песой веровундеи эн угьо.