Сернуьш Хьуькуьме Республике Догъисту Абдулмуслим Абдулмуслимов э сереботи оморе руйбиреиревоз гировунди вохурдеире э нушудорегоргьоревоз ЖэгIметие несиете РФ.
Э у гъобул сохди бэхшвегири сернуьш комиссие эсер могьлугъе, гъэлхэнди кифлете, гIилгьоре ве динлуье кифлетлуье гъиметлуьигьоре ЖэгIметие несиете РФ Сергей Рыбальченко, сенигIэткор профильни комиссие ЖэгIметие несиете РФ Гаджимурад Расулов, нушудорегор Догъисту э ЖэгIметие несиете Уруссиете Айгун Магомедов, сернуьш ЖэгIметие несиете Догъисту Азизбек Черкесов.
Нушудорегоргьой ОП РФ руй бири эки Хьуькуьм Догъисту э жергей пуьрсуьшгьоревоз ве фикиргьоревоз, комикигьо бесде оморе э гъозиеревоз регионе. Э и пушогьо десде сер кешири дигьбоне Мамедкале Дербендски районе, комики буланмиши кешири эз и пушое батмиш биреигьо. ЖэгIметие корсохгьо гоф сохди э зигьисдегоргьоревоз, шинох бири э коревоз бинере, комики лов сохде омори э жиге.
Э корисохи вохурдеи нушудорегоргьо ОП РФ гуфдири жергей фикиргьо Сернуьше Хьуькуьме. Еки эз фикиргьо э товун э кор венгесдеи тебиетие минерале глауконите э жире-бе-жирее сэхьиблугъие рэхьгьо, э у гъэдер э вокурдеи, медицине, хозяйствой дигьбони. Еккейге фикир э товун параменди жергей гъонунгьо э иловле догъие е гъэдер мескене, кумекии дореи зигьисдегоргьой дигье. Нушудорегоргьо ОП гьемчуьн гуфдири э товун пуьрсуьшгьо зиёд фирегьсохигьо ризгьоре корхонегьоре э иловле онгурчигьи э э кор венгесдеиревоз ве песдеине дегиширевоз тумгьоре ве онгурие руьгъэне.
Сергей Рыбальченко бэшгъэ мэгIлуьмети доре рукйбиреигьоре зигьисдегоргьой дигьбоне Мамедкале, эже э гьонине вэхд зиёд сохдеи нисдсохдеи эзуновлейге бире гъозиегьоре батмиш биреире.
А.Абдулмуслимов гуфдири, чуьки гьемме руйбиреигьо гъобул сохде омори э кор, мибу доре вожиблуье гъэдэгъэгьо сенигIэткорлуье идорегьоре.
Премьер-министр Догъисту согъбоши гуфдиреи нушудорегоргьой ЖэгIмие несиете РФ э песой желдлуье овхьол ве тигъэти эки четинигьо регионе. У риз кешири, чуьки Хьуькуьм Догъисту гьеммише вокурдеи эки берекетлуье меслэхьэт ве хьозуьр винире войгегьоре, комики фуьрсоре оморе э хубте биреи зиндегуни зигьисдегоргьой республикере.
«Э сал еклуьги хэлгъгьой Уруссиете Догъисту бири очугъэ меселеновоз уре, чуьтам жэгIмие беди дануьсди еклуьги одомигьоре. Беди, комики омори э республике, огол зери жугьоби э одомигьо эз гьемме вилеет. Иму согъбоши гуфдиреним э гьемме, ки нисе мунди э лой, — одомигьоре, серворгьоре жэгIметие фикире, идорегьоре хьуькуьме гьеммей жире, серворгьоре регионгьоре, жэгIмиете ве омборе еккейгегьо. Бирмунденуьм, чуьки э республике чуьтам еклуье согъэ э вэхд ЧС еклуьг бире ве нушудорегоргьо жэгIмиете, ве блогерски жэмигIэте, комикигьо хьэрекети веноре бире берекетлуь ве гьемчуьн дореи кумекии, э вэхд ю хэбер дореи э товун гъозие»,- гуфдири Абдулмуслимов.
Э бегьем сохдеи вохурдеире лойгьо игърол бесди э товун песдеине гьемкоркии ве гьеммишеине дегиши хэберевоз эри зурие гъэрорномегьо хьэсуьл омореие пуьрсуьшгьоре.
