Мегь динлуь сер мигиру эз гуьрдлеме эсер э вэхд ю герек гьисдигьо пуьрсуьшгьо. Бинелуье гъосуьт – нисдсохи эзуновлейге бире гъозиегьоре батмиш биреигьо э Догъисту. Фегьм мисоху жугьоб дореигьоре э руйбиреигьо одомигьо, э гуьнжо овурде муьзде дореигьоре буланмиши кеширегоргьоре ве еккейгегьо пуьрсуьшгьо.

Пуьрсуьшгьо кумекии дореи зигьисдегоргьоре ве тозеден э хуьшде дировундеи хунегьоре фегьм мисоху ве э жергей еккейгегьо гуьрдлемегьо.

Вожиблуьи э май – мигIид Руз Бараси. Везифе норе омори лешгерие бирмундеи, акцие «Бессмертный полк» ве «Знамя победы», сер кеширеи келетегьоре Келе довгIой Ватани ве еккейгегьо корисохигьо.

Вожиблуье гъозиегьо денишире энергетически ве промышленни десдегьо Догъистуре – вокурдеи Дербендски офтолуье электростанцие ве э кор дешендеи ризе проекте ООО «Салаватстекло Каспий».

Зиёд сохдеи вокурдеи богъгьо ёргирире. Тозе богъче э гIуьзет лешгеригьо вокурде омори э Магарамкентски районе.

Эзуш бэгъэй, э май сервор Догъисту мигировуну хуьшдени ю гъобули одомигьоре ве мивохуру э гъовумгьоревоз телеф бире лешгеригьоре.

Э Дербенд везифе норе омори вокурдеи богъчере «Патриот» гъэдер эну омборте 200 гьозор кв. метргьо. Э богъче бирмунде лешгерие техникере, самолетгьоре, жирелуье нишонегьо советие дуьруьжде вокурдеигьо. Бинелуье нишоне – экраноплан «Лунь».

Э май мигирору эхиригьо Школеие футбольни гуьрдномегьоре, вохурдеи эсер вольни бэхьс э гIэрей возирегоргьой Догъисту ве Северной Осети, Бэхш Минимуществе эсе конкуре.

Вожиблуье гуьрдлемегьо везифегьо норе омори э нуботлуье мегь. Э угьо пуьруьш мисоху кучмишбиреи одомигьоре эз батмиш биреие жигегьо, э гъэршуй рушвохури, э гуьнжо овурдеи восдореие корисохире, еклуье параменди шегьергьоре ве районгьоре, вокурдеи объектгьо соводире, гировундеи оголзереие комиссие, вокурдеи объектгьоре ТКО.

Параменди медицинере пуьруьш мисоху э гуьрдлеме э рэхьбергьоревоз ТФМОС, Росздравнадзоре, Роспотребнадзоре, идорегьоре гъонунгьоре ве сэхьибие медицинеие идорегьо.