Э администрацие эн Дербентски район Сервор район Эльман Аллахвердиев э сервор эн шегьер Дербенд э Ханлар Пашабековевоз ве э лешгерие камиссаревоз Кудрат Гасратевевоз э жирей ВКС бэхш вегуьрдет э гуьрдлемей эн Республикански оголзеренигьо компание. Гуьрдлемере гировундебу Сервор эн Республикей Догъисту Сергей Меликов.

Э гуьрдлеме гьемчуьн бэхш вегуьрдебируьт серворгьой шегьергьо ве эн дигьгьо.

Э гIэрей пуьруьшсохи гьово гуьрде оморебу нуботлуье вожиблуье пуьрсуьшгьо:

— кор эн оголзеренигьо комиссиегьо эн муниципальни районгьо ве эн шегьерлуье округгьо э 2026-мьн сал: фегьм сохде оморебу гирошденигьо барасигьо ве бирмунде оморебу песдеине хубте сохдеи оголзеренигьо коре;

— барасигьой фуьрсореи жовонгьоре э лешгер э 2026-муьн сал: гъимет доре оморебу кор эн гировунде оморигьо мероприятиегьо э товун фуьрсореи э лешгер оголзерегоргьоре;

— вихде одомигьоре эри дарафде э зеверие соводие идорегьой эн Министерство гъэлхэнди эн Уруссиетлуье Федерацие;

пуьруьш сохде оморебу овхьолет вихдеи ве чорегьой гъувот дореи одомигьоре, комигьореки воисдени бесде зиндегуни хуьшдере э лешгеревоз.

— хьозуьр сохдеи одомигьо, комигьоки огол зере оморени э лешгерие гъуллугъсохи, э соводие идорегьой эн ДОСААФ Уруссиет: бирмунде оморебу вожиблуьи эн хубе хьозуьр сохдеи биевгьо гъэлхэндчигьой Ватане;

— э кор венгесдеи коргьоре, фуьрсоре оморигьо эри мерэгълуь сохде одомигьоре бесде иогъролгьоре эри гирошде лешгерие гъуллугъире э Ерэгъленмишие Гъувотгьо эн Уруссиетлуье Федерацие;

— фегьм сохде омори чорегьо эри зевер сохде мерэгълуьире эки игърол бесденигьо гъуллугъи.

И гуьрдлеме минкин дори гъимет доре гирошденигьо овхьолете э тараф оголзереи ве эн игърол бесденигьо гъуллугъсохи, гьемчуьн хьозуьр сохде песдеине коргьоре эри расунде гъэлхэнди вилеете ве хэйрлуь хьозуьр сохде одомигьоре эки веровундеи лешгерие гъэрхундире.