Э гъэд кумекии дореи кифлетгьоре, комики буланмиши кеширеигьо эз и пушогьо батмиши биригьо э Догъисту, 101 гIэил ве 9 рэхьсохдегоргьо рафди э жунсогъи венгесдеие дегищи э Всероссийски гIэлие бине «Орленок».

Рэхь сохде хундегоргьоре омори нушудорегоргьо рэхьбере республике, Сернуьш Комитете эсер соводи ве гIилме НС РД Елене Павлоченке, суьфдеи жигегир соводире ве гIилме РД Аиде Далгатове, сенигIэткорлуье идорегьо ве деде-бебегьо.

Эсер гъэдэгъэи Министерстве соводи дореи РФ эри гIэилгьо эз буланмиши кеширеие районгьо доре омори бэхше э лап вожиблуье   федеральни гIэилие бинегьо. Программе биреи э «Орлёнке» жейле гуьнжолуье эри гIэилгьо, комикигьо эз дерд-дуьлесди гирошди четиние гъозиере.

У дешенде е ченд рэхьгьо:

— жунсогъи венгесдеи;

— гуьнжуьнде оморе чире параменди;

— психологически кумекии дореи;

— соводие желдигьо;

— спорт ве десдеие возиреигьо;

— сафари ве культурни корисохигьо.

Э ёр овурденим, чуьки э гъэд гьисдигьо программе э гIэилие бине «Орлёнок» ве «Артек» мирав 170 догъистуние гIэилгьо. Суьфдеи десдегьо эз 80 одоми уже рафди 10-муьн апрель. Министерстве транспорте ве рэхьие сэхьиблугъигьо РД э гуьнжо овурди эри гIэилгьо пулсуьзе ве хубе бердеи э бине.