Гуьнжолуье буйругъноме э товун тогlинноме меселенлуье План гъонунепроектни корисохи Хьуькуьм Республике Догъисту э 2026-муьн сал гъул кешири Сернуьш Хьуькуьм РД Абдулмуслим Абдулмуслимов.
Гьемме э План пушоки дире дануьсди нушу дореи Сервор Республике Догъисту ве дебердеи э Хэлгъи Гуьрдлеме РД 19 региональнигьо гъонунепроектгьо.
Гьечуь, э апрель кабмин миё бу деберде э парламент проект гъонуне, э коминигьо мибу деберде оморе дегишигьо э гъонун «Э товней жовоние политике э Республике Догъисту», гьемиге деберде миёв дегишигьо э республикани бюджет э 2026-муьн сал ве планови вэхд 2027-муьн ве 2028-муьн салгьо. Э июнь мибу э гуьнжо овурде эхирлуье бегьем э жиге овурдеи республикани бюджет Республике Догъисту эн 2025-муьн сал, э гъобулсохи гуьнжолуье гъонуне.
Дегишбиреи дес расире миёв э республикани гъонунгьо э товун э гуьнжо овурдеи дуьруьжде гъуьчсохи жэгlмлуье девлетгьо э омборехунеи хунегьо ве жейлее гъонун гуьре актгьо.
План гъонунепроекти корисохи гьемиге пушоки норе дануьсде дебердеи дегишигьоре э республикани гъонунгьо «Э товун инвестиционни корисохи», «Э товун данани», «Э товун хьуькуьмлуье зомин дореи», «Э товун кимигьо пуьрсуьшгьо рэхьберсохи хории гъэножогъигьо» ве екигегьо.
Э буйругъноме хуьшде премьер-министр республике гъуллугъ дори э рэхьбергьой органгьо веровундение кор хьуькуьм Республике Догъисту э кор венгесде гереклуье коргьоре э товун гуьнжоовурдеи веровундеи меселен Плане.
