Сервор Догъисту Сергей Меликов гировунди гуьрдлеме гIэрейидорее корисохие десдере э сер пуьрсуьшгьо э кор венгесдеи э ТКО.
«Барасилуье э гуьнжо овурдеи жирей корисохире э кор венгесдеи э муьхькемлуье коммунальни хокоруревоз бичоре гуьрд сохде оморесуьзе коре э гьеммей риз гъэдерлуьигьо хьуькуьме. Иму хьэрекети венореним доре кумекии муниципалитетгьоре. Оммо нисе гьеммише вегуьрде барасилуье вогордундеи. Гьевелире хуно еки эз бинелуье четинигьо гьисди дургуние хэбер э товун гъэдере контейнергьоре э мэгIлуьмети муниципалитетгьоре»,- бирмунди сервор регионе. У бирмунди, чуьки э республике берде оморе коре эсер гьунжолуьи герекие инфраструктуре эсер э кор венгесдеи э ТКО.
«Экуьнди э гьемме улкегьо ве шегьергьо республике э имбурузине руз дошде оморе гереклуьи э гуьнжолуьи контейнерни жигегьо. Э биригьо зуриебине эсер ТКО доре омори жугьоб э гьемме пуьрсуьшгьо, комики бесде омори э гуьнжолуьиревоз жигегьоре эри хокору. Министр пулгьоре дореи республике гуфдири э товун гьисдигьо бюджетни микинигьо гьеммей муниципальни соводигьо. Пуьрсуьшгьо, комики бесде оморе э пуледореиревоз, э муниципалитетгьо нисе биё бу»,- гуфдири сервор регионе.
Министр тебиетие овгъотгьо республике Ратмир Расулов мэгIлуьм сохди, чуьки гьеммей районгьо республике уже тогIин сохди рэхьие картгьоре эсер э гуьнжо овурдеи контейнерни жигегьоре.
Четинигьо шинох сохди э вес нисдиревоз гъэдере овгъотгьоре, комики везифе нори муниципалитетгьоревоз э веровундеи гьисдигьо коргьоре.Сервор Минприроде оголзери серворгьой улкегьоре гешде офде гене овгъотгьоре.
Гене екиревоз оголзереиревоз мунди зофруе пуле дореи – миглее риз гъэдерлуьи вечиреи пуле эри ведебердеи ТКО гьисди 55%. Министр руй бире эки жигее хьуькуьмгьо э хогьиширевоз гъувоте зиёд сохде фегьмсохире э и рэхьгьо.
Ратмир Расулов мэгIлуьм сохди э товун коре э одомигьоревоз, комикигьо веровунде коммерчески корисохигьоре, э у гъэдер э сафарие объектгьо. Бири веди, чуьки э кимигьо эз угьо не биреи игърол э региональни операторевоз эсер э кор венгесдеи э ТКО. Эзуш бэгъей, бежид гъэдер контейнергьо нисе гуьнжуьсде доруние гъэдере хокоругьоре, комики веди бире э барасии предпринимательски корисохигьо.
«Гереки кучмиш сохде бизнесменгьоре ве норе э пушой эн угьо игърол: берде бизнесе, э гуьнжо овурде темизи ве гуьнжолуьи э куьнди е гъэдер мескенгьоре. Иму гуфдиреним э товун жирей корисохи э ТКО э угьо гереки бэхшвегири сохде гьеммеки»,- риз кешири сервор регионе.
Сергей Меликов гъэдэгъэ зери э гуьнжо овурде гуьрдлемегьоре э бэхшвегириревоз серворгьоре муниципалитетгьоре, региональни операторе ве субподрядчикгьоре э сер гьеммей норе пуьрсуьшгьо.
