Сернуьш Хьуькуьме Республике Догъисту Абдулмуслим Абдулмуслимов гировунди гуьрдлеме Хьуькуьмлуье комиссие эсер дореи секонеисуьзе рэхьие жуьмуьсдеире. Еки эз бинелуье гъосуьтгьо бири дуьлдэгъэине бирмундеигьо: э песой чор мегь э регион гирошди 397 ДТП, э комики телеф бири 91 ве ералуье 555 одоми. Не денишире э зофру биреи гье у бирмунушигьоре э бемзери э гирошдигьо салевоз, сервор кабмине риз кешири, чуьки гъозие талаб сохде гьемметарафлуье жугъобе.
Э гъэд бинелуье войне хэребеигьой – зевер биреи гъэдер мошингьо, ве недебиреи герекие инфраструктуре. Премьер нори везифегьо неки гуьрде поисде хубе параменди, оммо ве экор венгесде гене гъэдергьо, хуте биреие эки гирошденигьо минкинигьо.
Жейлее тигъэти дори четинире сэхьибсуьзе хунеие хьэйвугьо, комики бире войней жергей бедмозоле ДТП. Жигегир серворе УГИБД Магомед Садиков э пушо нори дешенде хьуькуьмлуье жугьобдорлуьигьо э песой ижире гъонунепузмишигьо. А.Абдулмуслимв кумекии доре войгере, имид доре корикумекии доре э пушобери уре эз парламент.
Зиёд сохдеи тозе вокурдеи рэхьгьовуние гирошденигьоре: дешенди тозе хорире, дегиш сохди товушиигьоре ве мэг1луьмсохигьоре. Гьемчуьн э 2025-муьн сал гировуне гъуьчсохи авторэхьгьоре э нуьгьи сафарие рэхьгьо, дешенде гирошдеигьо эки г1эилие лагерьгьо. Министр транспорте Джамбулат Салавов шинох сохди сиротебирмундеигьо э и рэхьгьо.
Эри зофру биреи г1эилие шуькесди венгесдеи Минобрнауки РД э гуьнжо овурди гуьнжолуье дегишигьо ве мастер-классгьо э ПДД э лагерьгьо.
Везифе нори вегуьрде омборте 39 гьозор хундегоргьо. Э хундение жирей корисохи дешенде омори гьемчуьн 300 гьозор хундегоргьо эз меслэхьэтгьо.
Оммо четинигьо мунди: э хэберревоз М.Садыкова, риз гъэдерлуьи гурунди ДТП э республике зеверте миглеуруссиетие. Бинелуье войне – э еки офдореи, рафдеи э сер пеедегешдегоргьо, хэребеие рэхьгьо вес нисди товушии ве рэхьие мег1энолуье биреи. Омборте 1,4 млн гъонунепузмишигьо ПДД веди бири э песой 4 мегь, э у гъэдер омборте 1,3 гьозор войнегьо бердеи э нисе ишьёрлуье жире.
Э гьееки э угьоревоз, гировунде омори фегьмсохи комплексгьоре сироте сэхд муьхькем сохде – 39 эз угьо ведешенде омори эри хубте биреи зурие жирегьоре. Берде оморе коре э сер э хуьшде вогосундеи эки жугьобдорлуьи бердегоргьоре ОСАГО суьз э кумекии камергьоревоз.
Сервор Филиале Упрдоре «Кавказ» Адильбий Тотурбиев мэг1луьм сохди, чуьки г1эжели э федеральни рэхь Р-217 «Кавказ» зофру бири севойне – бараси дуь эекиревоз коре э нореи светофоргьоре, гъэдерлуье терг зурие ве зевер биреи секонеисуьзи пеедегешдегоргьо жигей ве жирей гирошдеигьо.
А.Абдулмуслимов огол зери серворгьоре муниципалитетгьоре мугъоет дошде зиндегуни одомигьоре ве зури тозе сохде программегьоре эсер секонеисуьзи рэхьие жуьмуьсдеигьо.
