19-муьн май э Махачкале, э Руз гlэилие жэгlмие гуьрд сохдеи, сервор Догъисту Сергей Меликов гировунди гуьрдлеме Еклуьгие несиете э кори сохи дуь э екиревоз э региональни идоре «Гезиши Суьфдеигьо». Бэхшвегири гъобул сохди ве сернуьш рэхьбери гезиши, Игид Уруссиет Артур Орлов.
Пуьруьш сохде омори гировунде кор э товней суьфдеине нимесали, артгьо довгlои-ватанхогьи возиреи «Зарница 2.0», кор региональни Несиет Суьфдеигьо ве хьозуьрлугъи эки гьеминони жунсогъи венгесдение кампание. Гъоимлуье тигъэти дори э пуьрсуьшгьо ватанхогьи несигlэтдо-
реи э пушой 80-сали Бесгъуни э Келе довгlой Ватани.
«Гезиши Суьфдеигьо – верзуьшлуье миросвеги пионери дин-гlэдотигьо», — гlуьзет сохди Меликов, риз кешири, чуьки имбурузине гlэилгьо, чуьтам ве гьевел, кумеки сохде э ветерангьо ве бэхшвегиргьо СВО, дошдеиревоз миросвегири эрхэгьоре.
Гезиши э республике хьисоб сохде омори омборте 337 гьозор бэхшвегиргьо, гуьрд сохде оморигьо э 1535 суьфдеигьо ве 52 гьемшегье-
ри жигегьо. Энжэгъ э 2025-муьн сал омборте 120 гьозор гlэилгьо гъобул сохди бэхшвегири э ватанхогьи ве соводи дорение проектгьо. Э гъэд эн угьо – акциегьо «Гъоимдошдегор-
гьо торихе», «Пенжере Бесгъуни», «Иму – инсонгьо Уруссиет», «Жиге гъуллугъсохи №1», гьемиге довгlои-ватанхогьи возиреи «Зарница 2.0», коминики кучмиш сохди омборте 105 гьозор бэхшвегиргьо. Бердегор республикани е гъэдер вэгlэдо мибу ну-
шудорегор эз Догъисту э федеральни гъэдер гуьре.
Гьеминони кампаниеревоз э назар вегуьрде миёв омборте 39 гьозор гlэилгьоре. Э пушо норе омори везифе вокурдеи 260 лагергьо, э у хьисоб сенигlэткори десдегьо «Гезиши
Суьфдеигьо» э «Орленке», «Офтолуье гъирогъэ» ве «Жовони». Гъоимлуье тигъэти – гlэилгьой бэхшвегиргьо СВО ве екиге хубе программагьо.
Сервор республике гlуьзет сохди кор вомухундегоргьоре ве желдлуьегьоре, бэхш дори угьоре нумине сэгlэтгьо. Артур Орлов риз кешири:
«Денишире э еклуьги гlэилгьо, варасирени, чуьки вилеет имуре минкинсуьзи бесгъун берде».
Догъисту боворинлуь зиёдте муьхькем гирде жигере чуь еки эз серворгьо э параменди гlэили гезиши э Уруссиет.
