Э гъэд корисохие омореи э Дербенди мэхьэле 4-муьн апрель Сернуьш Хьуькуьме Догъисту Абдулмуслим Абдулмуслимов шинох бири э корисохи веровундеиревоз мэгlэнолуье агропроектгьоревоз. У сер кешири дуь дуьруьжде объектгьоре, комики бесде омори э парамендиревоз хозяйствой дигьбони э республике.

Гьевел Абдулмуслимов сер кешири хоригьоре, э комигьоки веровунде проекте «Вокурдеи
лап гъувотлуье богъе» компаниревоз ООО «Анжелине». Гье у пушойпроект гьисди бедел
дуьруьжде инвестпроекте «Параменди мейво-хьэвуьжлуье десде э Догъисту», комики
гьисди э зир фегьмсохи Серворе республике Сергее Меликове. Абдулмуслим Абдул-
муслимов гьуьндуьре гъимет дори веровундеире гирошденигьо е гъэдер вэгlэдо проекте, гъэд комики республике дори
инвесторе 132 га хоригьо не гировунде алвергьоре. Жэгlмие доруние гъэдер пуледореи проекте зевер сохдеи 250 млн
монет. Эзуш бэгъэй дешендеи богъгьоре, компание уже э кор венгесди гьомборе гъувотлуьи 2 гьозор тонн, гьемчуьн фи-
кир сохде тозе мейвохьэвуьже гьомборе э 8,8 гьозор тонн.
Песде э корисохи омореи э Дорумие Догъисту Абдулмуслимов рафди э онгурбогъ агрофирме «Татляр», комики бири дешендеи э мейдун 75 га.
Рэхьбер компании Азад Гаджиев бирмунде, чуьки еки эз мэгlлумлуье жинсгьо онгуре гьисди «Хэлеф буьхреи Магараче» комики сеч биреи дуь эз еки гьуьндуьре бегъерлуьиревоз ве герекииревоз э шоробчилугъие корхонегьо. А.Абдулмус-
лимов хубе гофгьо гуфдиреи э рэхьбергьо «Татляре» э песой дешендеи э параменди онгурчигьире ве бирмунде зиёдгъувотлуьигьоре Комитете э онгурчигьи РД э доре субсидигьо эри догъистуние онгурчигьо.
Компание «Татляр» гьемчуьн талаб сохде э зевербиреи субсидие эри дешендеи ве гъул-
лугъсохи э песой онгурбогъгьоревоз, дешенде шпалегьоре э гирошденигьо сал.
Гье у омореи бирмунде вожиблуьи хоригъуллугъсохие пуледореигьоре э параменди Догъисту ве кумекии дореи
гъоимгъувотлуье зевербиреи аграрни бедел республикере.