Э рэхьберисохи Суьфдеи жигегир Сернуьш Хьуькуьм РД Манвела Мажонца гировунде омори гуьрдлеме региональни штаб э товун газрасундеи.

Э пуьруьшсохи гъобул сохди бэхшвегири жигегиргьо генеральни сернуьш «Газпром газрасундеи» Антон Радченко ве Александр Затонских, рэхьбергьо органгьо кор веровунденигьо хьуькуьм Догъисту, гьемиге
«Газпром гlэрейрегионгаз Махачкала» ве «Газпром трансгаз Махачкала».
Бэхшвегиргьо гуьрдлеме пуьруьш сохди рэхь кор венгесдеи программе параменди газрасундеи ве газгировундеи республике э 2021-2025-муьн салгьо ве диеш газгировундеи сэхьиблугъэхунегьо э зуинее
газгировунде оморигьо могьлугълуье жигегьо, гьемиге артгьо кор венгесдеи программе газгировундеи ве жерге кор э товун диеш газгировундеи э 2024-муьн
сал ве нори везифегьо куьнде вэхд.
М.Мажонц риз кешири, чуьки э хотур гьемкорсохи рэхьбергьо регион э ПАО «Газпром» э пушо норе везифегьо э товун газ гировундеи э Догъисту дануьсдени нуботлуь э кор венгесде.
«Регион вечири мэгlэнолуье пушорафдеи расундеи е гъэдер мескен уре газевоз эз то-
вун кор венгесдеи программгьо ПАО «Газпром», хьуькуьмлуье программгьо. Оммо гьеле мунди дурине е гъэдер мескенгьо,
угьо талаб сохи зиёдсохи тигъэти, унегуьре кор иму э ишмуревоз зиёд дуразкешире»,
— гlуьзет сохди вице-премьер.
Чуьтам мэгlлуьм сохди жигегир генеральни сервор «Газпром газгировундеи» Антон Радченко э 2026-муьн сал мибу вокурде
оморе экуьнди 280 километргьо гази тургьо.
Эри газгировундеи могьлугълуье жигегьо республике э пушо нори бегьем сохде вокурдеи 11 гlэрейдигьбонигьо ве 14 дорун-
дигьбонигьо газитургьо гьемме гъэдерлуье дуразовуне гировундеи 279 километргьо.
Жерге коргьо мибу веровунде оморе э нуьгь районгьо Догъисту, гьэгъигъэт: Ахтыни, Баба-
юртови, Гумбетови, Дербенди, Кизляри, Сергокалеи, Хиви, Хунзахи ве Карабудахкенти. Э рамке кор венгесдеи пенжсали программе эз 2021-муьн сал э
республике деберде омори э кор венгесдеи гlэрейдигьбони газитургьо э Гумбетови, Хунзахи ве Кумторкалини районгьо. Гье-
миге э сергири 2025-муьн сал бегьем сохде омори э пушо норе везифе коргьо э 17 жигегьо гьемме гъэдерлуье дуразовуне 109,2 км, диеш 9 жигегьо гъэдерлуье дуразовуне 141,9 км мибу бегьем сохде оморе те эхир сал», — гуфдири Антон Радченко.
Э нубот хуьшде, жигегир генеральни сервор «Газпром газгировундеи» Александр Затонских ихдилот сохди э товун, чуьки э регион диеш дуразкешире веровундеи жерге кор э товун диеш газгировундеи сэхьиблу-
гъэхунегьо. Э имбурузине руз гъобул сохде омори 11,7 гьозор эрзогьо э диеш газгировундеи, эз угьо 97% гировунде омори э
игъролномегьо. Техникеи минкини веровундеи гуьнжо оморе эри экуьнди 9 гьозор сэхьиблугъэхунегьо.
Жейле гировунде оморени кор э диеш газгировундеи хунегьоре, э десдин дебире э богъэ муьлкгьо. Омори 131 эрзо ве бесде омори 104 игъролноме э технологи екбиреи. Эзуш бэгъэй, диеш газгировунди 5 социальни жигегьо э е гъэдер мескен республике.
Бэшгъэ гировунде оморени кор э зевер сохи гази секонеисуьзи, э у хьисоб э кумекии тех-
никеи гъуллугъсохи дорунхунеи ве дорунутогъи оборудовани.
Эз лой жугьобдорлуьи «Газпром газбэхшсохдеи Догъисту» ве «газбэхшсохдеи Махачкале» гьисди омборте 400 гьозор одомигьо, эз комигьоки 72% бесди игъролномегьо э и гъуллугъ.
«Еки эз вожиблуье везифегьо э 2025-муьн сал гьисди бараси 100% риз гъэдерлуьи техгъ-
уллугъсохи. Э гье и гъосутгьо ве эри ники ве хуши одомигьо гъул кешире омори агенти игъролноме э МФЦ, гьемиге зиёдсохи гъэдер корсохгьо э газбэхшсохие идорегьо», — гlуьзет сохди Затонских.