Сергей Меликов гировунди гуьрдлеме Несиете Секонеисуьзи регионе э комики пуьруьш сохде гъэдергьо э боржбери э гъэчэгъи сохдеиревоз, секонеисуьзи э коргьой жэгlметие хурекхури ве АЗС.
Сервор регион сергуьрди эз гъэдэгъэи корсохгьой хьуькуьме: э когъозевоз сэхд муьхькем сохди жугьобдорлуьи рэхьбергьоре э песой корсохие гъэрорномегьо, неверовундеи гъэдэгъэгьоре ве неворовундеи норе везифегьоре. У э ёр овурде э товун жерге
песини лап хьэрой поюндеигьо, бесдеи
э гъэчэгъи гъонунепузмишигьоревоз.
Сергей Меликов – жугьобдорлуьи
серворе одомигьо биё дешенде се би-
нелуье тараф:
-Неверовундеи норе э угьо гъэрхундигьо;
-Жугьобдорлуьи э песой гъобул сохдеи корсохие гъэрорномегьо;
-Неворевундеи гъэдэгъэгьой зеверте гьисдигьо корсохгьо;
-«Гье у дузини. Гереки жугьоб доре э
песой коргьой эн хуьшде. Эгенер э сер
одоми веноре гъэрхунди доре хундегоргьоре герме хурекхури, биё бу жугьобдорлуье одоми жугьоб доре, чуьки гlэилгьо нисе вегуьрде гье у хурекхурире? Ме фикир сохде, биё. Биё доре
вечиреи налоггьоре? Биё бу. Гьемчуьн
гьемме серворгьо биё беру жугьобдорлуьи э песой угьо, кире вегуьрде э кор»,- эрзо нуьвуьсди С.Меликов.
Барасигьо гереки гуфдире э куьндлуье гуьрдлеме Комиссие э сер э гъэршуй кори сохдеи гъэчэгъи сохдеире.
«Гьемме и талабигьо биё бу хьозуьр сохде веди э когъозгьо, пуьруьш сохде ве тогlин сохде. Гьемкорсохгьо эз ихдиёридошдеие коргьо хосденум кумекии доре фикиргьой эн мере»,- риз кешире сервор регионе.
Э товун коргьо, комики гировунде корсохгьой веровундение ве муниципальни хьуькуьм, фегьмсохи э зеверсер ве ихдиёрдошдеие корсохгьо э сер дореи корисохи объектгьоре жэгlметие хурекхури Сергей Меликов бирмундеи тигъэте э бинелуье гънонепузмиши, комики веди бире э коргьой жэгlметие хурекхури. Гье у пэхьни сохде гъэзенжгьоре, налоггьоре нисе дореи, недебиреи жофое игъролгьо.
Э гьисдигьо УФНС э песой гьевелие сал, э республике бири веди 2254 корхонегьо жэгlметие хурекхури э 3,5 гьозор корсохгьоревоз. Гуьре хэберлуьи Минпромторге Догъисту, гъэдер
корсохгьо э и объектгьо гуьнжуьнде 12
гьозор одоми. Эки 70% корсохгьо мунде веди нисе биреи.
Гировундеи фегьмсохи веди сохде
нуботлуье гъэнунепузмишигьо; неде-
биреи фегьмсохие-кассови технике
ве жофоие игъролгьо; бидузи муьзд
жофоире гьемкоркигьоре МРОТ; пэхьни сохде фурухдеи мол ичкуире; гьисдигьо гърхундигьо э песой гъуллугъи ЖКХ.
Корхонегьо жэгlметие хурекхури
гьемчуьн гьисди бедхьэгъ коммунальни гъуллугъи, бирмунде Сергей Меликов. Меселен, гъэрхунди пули э песой электроэнергие э 15 объектгьо э песой
2024-муьн сал гуьнжуьнде 9,5 млн монет, оммо 80 объектгьо гъэрхунди бири 16,8 млн монет эри газгьо. Бэгъдовой дуь эекиревоз коргьо корсохгьой хьуькуьм, гъэрхундигьо кем сохде э дуь гиле.
Гьемкоркигьоревоз МВД э РД дуь
эекиревоз э Роспотребнадзоревоз
бири фегьм сохде 1139 объектгьо жэгlметие хурекхури, э барасии веди бири 1191 гъонунепузмиши, э дивуни фуьрсоре 9 уголовни коргьо.
Э гьемме мерэгълуь бире фегьмсохие-э зеверсер, ихдиёридошдеие корсохгьо веровундение хьуькуьм ве серворгьой шегьергьо ве районгьо республике гереки гирошде эки гьэгъигъэтлуье коргьо э гуьнжо овурдеи»,- гъэдэгъэ зери Сергей Меликов.
Министр промышленни ве фурухдеи республике Низам Халилов бирмунди, чуьки э гъэдер объектгьо жэгlметие хурекхури республике вегуьрди суьфдеи жиге э СКФО, оммо э вечиреи налоггьоре э и коргьо гьисди э песини жиге. Келе четини бесде оморе
э гъэлхэнди ихдиёри восдорегоргьоре.
Бежид оморе вогу, э у гъэдер эз гъуногъгьой регионе, э пуле дореи э песой гъуллугъсохи, э недебиреи минкини пулсуьзе дореи гъимете.
Гьисди пуьрсуьшгьо ве эки жейлее
жигегьо, эже бире объектгьо жэгlмехурек. Угьо нуьвуьсде оморе чуьтам хуне,
чуьки гьемчуьн нушудореи э налогови
бине.
Э товун налогови коргьо э гъэножогъи объектгьо жэгlметие хурекхури их-
дилот сохди рэхьбер УФНС э РД Айдар
Байрамов.
Э гьисдигьо эн уревоз, э песой
2024-муьн сал э бюджет эз налогдорегоргьой жэгlметие хурекхури оморе 321,3 млн монет, чуьки э 60,4% омборте эз 2023-муьн сал.
Тозе сохде веровундеи проекте
«Жэгlмети хурекхури». Проект пушоки
дире дануьсдеи гировундеи фегьмсохи э гъэножогъи биномусе налогедорегоргьо э коргьой жэгlметие хурекхури,
комигьоки нисе дошдеи гъонуне э то вун э кор венгесдеи контрольно-кассови техникере.
Гировунде омори фегьмсохие восдореи ве гуьнжуьнде протоколгьо э товун э хуьшде вогосунде эки жугьобдорлуьи 847 налогдорегоргьо.
Барасигьо корисохигьо бири гиро-
вундеи чекгьоре э жэгlмие гъэдер 622
млн монет.
Министр доруние коргьо э РД Абдурашид Магомедов овурди гъэдер э гъонунепузмиши э коргьой жэгlметие хурекхури. Э песой дуь мегь и сале гуьнжуьнде омборте 9 гьозор протоколгьо э кор сохдеи коммерчески объектгьоре хьисобсохисуьз э налогови коргьо.
Омборте гъэдер эн угьо э Махачкале,
Дербенд, Хасавюрт. Э гьевелие сал
протоколгьо бири 50 гьозор. Сервор
МВД бирмунди омборе гъэдер гъонунепузмиши санитарно-гигиенически
гъэдер э коргьой хурекхури, комигьоки
мидану овурде бедхэржи жунсогъии
одомигьоре. Абдурашид Магомедов
гуфдири э товун гlэйби хурекхури хундегоргьоре.
Э товун песшендеи гъонунепузми-
ши э коргьой э кор венгесдеи авто газе-
заправочни жигегьо Фегьмсохи догъистуние АЗС веди сохде 17 гьозор гъонунепузмиши. Гъонунепузмиши бире веди э 741 автомобильни газезаправочни жигегьо. Эки
4,5 гьозор э товун промышленни секо-
неисуьзи.
Э гъэд эн угьо: нисе дошдеи технически гъэдер секонеисуьзи; недебиреи
фегьмсохи э песой оборудовани; тефигlэтие фикирсохи лицензионни талаби.
Э арти фегьмсохи Генпрокуратуре
э регион бири поюнде корисохи 236
АЗС. Корсохдеи 171 жиге тозеден сохде э гъэрорноме дивуни бэгъдовой
гьемме веди бире гъонунепузмишигьо
Пуьрсуьшгьо секонеисуьзи талаб
сохде комплексни гъэдергьоре, риз кешири сервор регионе.
«Э куьнде эз омборехунегьо ве социальни объектгьо кор сохде омборе гъэдер станцигьо. Угьо зиёд сохде нушу доре терсдии эри одомигьо, хунегьо, соводие идорегьо. Эри песшендеи гъонунепузмишире гереки зиёд
гъувотдии гьеммей тарафе, гьемчуьн
веровундеи гьерки корсохгьо гъэрхунди эн хуьшдере»,- гуфдири С.Меликов.
Сервор Догъисту нори э пушой серворгьой шегьергьо ве районгьо везифегьо: э 2025-муьн сал гереки веди сохде 1000 корсохгьой АЗС.
«Имуре э еки станции кор сохде
дуь одоми, э омборе жигегьо гьемме
ек одоми. Оммо э расдекиревоз кор
сохде омборе одомигьо»,- риз кешири
сервор республике.
Бинеденлуье хэберлуьи э товун
песшендеи гъонунепузмиши э кор венгесдеи автомобильни газезаправочн
жигегьо бирмунди рэхьбер КУ Ростехнад-
зоре э РД Гаджи Камилов ве министр энергетике регионе Марат Шихалиев.
Шихалиев гуфдири, чуьки
э вэхд сер гуьрдеи 2024-муьн сале игърол бесде 100 корсохгьо.
Э товун гъэдер э нисе руьхсет дореи рушвохургьое коргьо э сер бесдеи
контрактгьоре эри дореи хьуькуьмлуье ве муниципальни герекии э кор венгесдеисуьз хьовуе тегъер Недебиреи томошелуье жирей корисохи, гуфдири фикире сервор регионе э Совбезе, мидану овурде бихэйрлуье э кор
венгесдеи бюджетни овгъотгьо.
Аналитикгьо э корисохи э жиге овурдеи бюджетни восдореигьо, риз кешири Ме-
ликов, э герде вегуьрде хубе эри хогъишидорегоргьо минкини гировунде восдореире э электронни жире.
Хьуькуьмлуье ве муниципальни хогъишидорегоргьоре воз республике э ижире тегъер э 2024-муьн сал бесде 4031
контрактгьо э гъимет 1,7 млрд монет, чуьки гуьнжуьнде 21% эз жэгlмие гъэдер конрактгьо.
Гьееки э уревоз дуь эекировоз коргьо фегьмсохи-э зеверсер ве ихдиёрдошдеие органгьо бирмунди, чуьки веди бире
гъонунепузмишигьо жерге гъонунгьо э сер э жиге овурдеи восдореигьоревоз э кор вен-
гесдеисуьз хьовуе тегьер.
Гъуллугъсохи Госфинфегьмгери, эз жерге вегуьрдеи э декабрь 2024-муьн сал, э сер
гировундеи 22 везифе норе фегьмсохигьо э гирошдигьо сал веди бири гъонунепузми-
шигьо э сер э жиге овурдеи 94 восдореигьо э гъимет 89 млн монет.
«Эри зевер биреи барасилуье э жиге овурдеи восдореигьоре, те биреи нисд сохдеи
рушвохури ве еккейгегьо гъонунепузмиши э коргьой восдореи хогъишидорегоргьо гереки
доре э кор венгесдеи хьовуе жирегьо э жиге овурдеи восдореире»,- риз кешири сервор
регионе.
Корсохгьо веровундение хьуькуьме ве жигее хуьшден рэхьберисохи, гуфдири Меликов, э хьисоб дешенде гье белки гъонунепузмишигьо э восдореиревоз эз теклуье овурдегор, гереки э кор венгесде, кейки э кор венгесдеи хьовуе жирегьо восдореи хэйрсуьзе.
Э зиёд сохдеи э пуьрсуьшгьо бирмунде сернуьш Комитете э сер хьуькуьмвосдореигьо
республике Азер Нифталиев ве прокурор республике Виктор ЭПП.
Гьемчуьн э гуьрдлеме Секретарь Несиете секонеисуьзи РД Магомед Баачилов нушу
доре везифегьой коре Несиете э 2025-муьн сал.
