Э Догьисту зиёд сохде вокурдеи тозе жигей федеральни илчи Р-217 «Кавказ» эз 917-муьн те 949-муьн км э гирогьгешдеи шегьере Дербнде. Уре везифе з кор венгесде те эхир 2028-муьн сал, мэгілуьм сохде пресс-гуллугьи Росавтодоре.
Тозе жиге сер гурде эз ве-дарафдеи эз Мамедкале ве, эз гирогь зере гирошде Догъистуние Огни ве Дербенд, мибу берде те эхир эки бинелуье рэхь илчи P-217 э ведарафдеи эз дигь Араблинке.
Везифе норе рэхь берде э хьисобсохи э десдин дебиреи объектгьоре культурни мироси хэлгьгьой Уруссиет, сэрхьэд шегьере, гьемчуьн е гьэдер мескен тебиетие бохчей «Джалган».
Мибу вокурде чорзулее авторэхь з кор венгесдеиревоз гьеймогьоине хубе молгьоревоз. Фирегьуни гьей сохде гирошдение беделе гунжунде 15 метргьо, герки эз зулегьо — э 3,7 метре. Э везифе пушоки дире данусдеи вокурдеи чор дуризеи транспортни эхиригьо. Эзуш бэгьэй, э мублк мивокуну чор рэхь э гъэд эхиригьо, мивокуну дуь тоннелегьо э зир Дербенди дивор, дуь эстакаде ве дуь курпи эз Огнински ерх.
33-километрови объекте овурде расунде товушии, бетонни чапарлуь сохдеиревоз э сохде гирошдение беделевоз, э гирогьгьо — гьовуниревоз.
Эри зигьисдегоргьо могьлугьлуье жигегьо, комигьоки гьисди эки илчи, мину хьэшд автобус-ни поисдеи ве се пеедегешдение жигей ве жирей гирошдеи, э могьлугьлуье жигегьо, э комики омборе сес сохде, мину сесегъэлхэндие экрангьо.
Эри гердундегоргьо мивокуну дув жигегьо эри форигьэти дорушдеиревоз э 50 мошин, э комики мибу чордогь тэхдеи, повхунегьо ве хокоруие контейнергьо. Гьемчуьн мивокуну дуь мейдун эри офдеи жиге дореи омборекорлуье жигегьо рэхье гуллугьсохигьо. Э кунди бохче «Джалган мисоху тенге жигей гирошдеи эри хьэйвуй хунеи. Э объектгьо везифе норе сохде се гьейсохи эри хоригуллугьсохие технике ве гирошдеи хьэивуигьои хунеи.
Э гофгьой Росавтодоре, гьисдигьо дуьзулее мулк илчи «Кавказ» гьеймогьой синемиш сохде омборе юк сохдеи э сереботи зевер биреи автомо-оильни жуьмуьсдеи. о пушокие фикиргьои сенигіэткоргьой, эки 2041-муьн сал гуж зереи жуьмуьсдеи мибу зевер те 30 гьозор мошин. Гирогьгешдеи мидану гировунде те 35 гьозор мошингьо э шеви-рузи, чуки кумекии доре э бердеи экунди гьисдигьо салгьо.
