24-муьн сентябрь, э зир рэхьберьети эн жигегир Сернуьш Хьуькуьм эн Республикей Догъисту Абдурахман Махмудов гировунде оморебу гуьрдлемей эн гlэрейведомственни комиссие. Э гуьрдлеме, э гуьнжо овурде оморебугьо э гъуллугъ эн Хьуькуьм Уруссиетлуье Федерацие гуьре, пуьруьш сохде оморебу чорегьой корисохи э гъэршуй гъонунсуьзе корисохи.
Э гуьрдлеме бэхш вегуьрдебируьт рэхьбергьой министерствогьо ве ведомствогьо эн Республикей Догъисту, рэхьбер УФНС эн Республикей Догъисту Айдар Байрамов. Гьемчуьн э гуьрдлеме э жирей онлайн бэхш вегуьрдебируьт серворгьой муниципальни соводигьо.
Руй биренки эки бэхшвегиргьой комиссие, Абдурахман Махмудов гуфди э товун вожиблуье везифегьо э товун гъонунлуь сохдеи соелуье корисохире, комигьореки э пушой республике нори федеральни меркез. Магомедзагид Кихасуров э доклад хуьшде ихдилот сохди э товун чорегьой корисохи э гъэршуй гъонунсуьзе корисохи, э кор венгесде оморенигьо э муниципальни районгьо ве шегьерлуье иловлегьой Догъисту.
«Овхьолет э гъонунсуьзе корисохиревоз э республике лап тижлуьни ве эри э кор венгесдеи э пушо норе оморигьо везифегьоре гереки э кор венгесде корисохи эн гьемме структурегьоре ве хуб э гуьнжо овурде коре э жигегьо. Эри эни везифегьо э план гуьре денишире оморени ки гьееки э органгьой жигенлуье хуьшден рэхьберисохи эн Республикей Догъисту э Комиссие бирмунде миев гуьнжолуье фикиргьо э товун хьисоб корлуье десдегьо эри песдеине тогlин сохдеи»,- гуфди Магомедзагид Кихасуров.
Песде, э фикиргьоревоз э товун э кор венгесдеи жерге коргьо рэхьлуье картере э товун гъонунлуь сохдеи соелуье корисохире ихдилот сохдебируьт министр экономике ве мескенлуье параменди эн Республикей Догъисту Гаджи Султанов, гьемчуьн рэхьбер УФНС эн Республикей Догъисту Айдар Байрамов.
Э гlэрей гуьрдлеме Абдурахман Махмудов гуфди э товун муниципалитетгьо, комигьоки нисе веровунденуьт норе оморигьо бирмунушигьоре ве э вэгlэдо ю нисе бирмунденуьт эхире хьисобгьоре э товун гировунде оморигьо кор. Гьемчуьн у гуфди э товун жугьобдорлуьи эн серворгьой муниципалитетгьо эри э кор венгесдеи коргьоре, бирмунде оморигьо э рэхьлуье карте.
«Мере воисдени гуфдире, чуьки гьеммейки э жигегьо мие нисд сохут корисохи гъовумгьоре ве хьвиргьоре э гировунде оморенигьо кор. Э сер иму веноре омори вожиблуье жугьобдорлуьи, эхи э имбурузине руз омборе сэхьибкоргьо корисохи хуьшдере гъуонунлуь не сохдет. Эзу товун лап вожиблуьни веровунде э пушо норе оморигьо везифегьоре, чуь э эхир кори мисоху э гъэрор сохдеи социальни четинигьоре»,- гуфди жигегир сернуьш.
