«Еклуье Уруссиет» гировунди пушотеине артгьой вихдеигьоре э брифинг э ТАСС гьемчуьн э еклуье гуьрдлеме эн Президиум Генсовет.
Партие э пушо нори эз 36 гьозор кандидатгьо омбарте эри 35 гьозор мандатгьо ве э гьемме регионгьо угьо бесгъун бердет. Ве угьо е бойгеш субут сохдет, ки угьо пушобери э политически гъувотгьой вилеет, гуфди Сернуьш Зеверие меслэхьэт эн «Еклуье Уруссиет» Борис Грызлов.
Гьемчуьн у гуфди, ки не денишире э у, ки вихдеигьо гирошдебу э четине буруние политически овхьолет, ве биразибирегор хэрекети сохдебу дегмиш бире э вихдеигьо,– у не дануьсди э кор венгесде везифегьой хуьшдере.
Веровундегор гъэрхундигьой эн секретар Генсовете Владимир Якушев денишире э артгьой вихдеигьо.
«Э товун вихдеигьо э Хьуькуьметлуье Думе э пушо норе оморебу се мандат, «Еклуье Уруссиет», и Виктория Абрамченко – 75%, Олег Матыцин – 68% (гьердуь кандидатгьо эз «Еклуье Уруссиети»), Николай Шульгинов – 55%. Николай Шульгинов кандидатурей хуьшдере хуьшдени ю э пушо нори ве партие уре гъувот дори»,- ихдилот сохди у.
Вихдеигьо гировунде оморебу э 21 регионгьо. Бесгъун бердебируьт одомигьо, комигьореки э пушо нори «Еклуье Уруссиет». Чор серворгьо вихде оморенуьт эз гlэрей гъонунлуье гуьрдлеме. Э дуь регионгьо (Ханты-Мансийски автономни округ ве Республике Ингушетие, э гьердуь регионгьо серворгьо вихде оморет эз одомигьой партие) вихдеигьо гировунде омори, ве э дуь регионгьо гьеле вихдеигьо гировунде миев.
Э гъонунлуье гуьрдлемегьо вихдеигьо гировунде омори э 13 регионгьо. Миенее бараси эн «Еклуье Уруссиет» э вилеет – 64,6%.
Э вихдеигьо э нушу доренигьо органгьо эн административни меркезгьо «Еклуье Уруссиет» вегуьрде омори 85% мандатгьо. Э 2019-муьн сал партиере бу 64%, э ер овурди Владимир Якушев.
Бинелуье жирелуьи ЕДГ-2024 Владимир Якушев нум дори бесгъунире э вихдеигьо 308 бэхшвегиргьой СВО, комигьореки э пушо нори «Еклуье Уруссиет». Бесгъун бердебируьт 81% одомигьо.
Эзуш бэгъэй, э бинелуье ризгьой вихдеигьо бесгъун берди 31 желдлуье одомигьо эн «Жовоне гвардие эн Еклуье Уруссиет».
Владимир Якушев гьемчуьн гуфди э товун гlэдотлуье четиние компаниегьо эри партие – э гьемме жигегьо хубте сохдет овхьолет хуьшдере. Э Хабаравски улке э 2019-муьн сал э вихдеигьо э гъонунлуье думе эн регион «Еклуье Уруссиет» вихде оморебу энжэгъ дуь одоми (6%). Э 2024-муьн сал – 28 мандат (78%). Э вихдеигьо эн Хабаровски шегьерлуье думе э 2019-муьн сал е одомиш вихде не оморебу.
Гьемчуьн эри партие лап вожиблуьни расире э келе барасигьо э гъонунлуье гуьрдлеме ве э административни меркез э Марий Эл.
Э мескен Республике Догъисту э муниципальни вихдеигьо гировунде оморебу сесдореи. 23 муниципальни вихдеигьо гировунде оморебу э 10 муниципальни районгьо ве э Бежтински мейдун. Бэхш сохде оморебу 153 мандатгьо эн депутат нушудоренигьо органгьой дигьгьо ве 4 мандат эн серворгьой муниципальни соводигьо.
Э вихдеигьо бэхш вегуьрдебируьт 280 одомигьо.
