Э тозе хундение сал э Догъисту э партегьо нуьшде миёв омборте 486 гьозор гlэилгьо, эз коминигьоки омборте 50 гьозор мибу суьфдеклассникгьо. Гьемме соводидорение идорегьо регионе гирошди фегьмсохи, ве хьозуьри гъобул сохде хундегоргьоре.
Э гирошденигьо сал э республике вокурде омори 21 тозе школегьо э 7514 хундегоре жигегьо ве 10 гlэили бохчегьо э 1300 жигегьо. Те эхир сал гьисди план дореи лицензие эри э жиге овурдеи соводидореи корисохи диеш 9 школегьо э 4460 жигегьо ве 4 гlэили бохчегьо э 820 жигегьо.
Э суьфдеи хундение руз, 2-муьн сентябрь, э гьемме классгьо школегьо Догъисту гировунде миёв дерс мердьети, гlуьзетсохие бордеборде гlэрейхэлгъиегьо э гуьнжо овурде десдей гъэчэгъгьо э республике. Дерсгьо мибу гировунде э рэхь кор гуьнжо овурдеи и вероморение эрхэ муьгьбет эки гъовумлуье хори ве текебури э жигей догъистуни хэлгъ.
«Вожиби бирмунде гlэилгьой имуре, чуьки догъистунигьо еклуьги э хуьшдени хьэрекети гъэлхэнди сохде е гъэдерлуье мескен согъэтегьер вилеете ве не дегьишде ловсохдеи бедхэтокори»,- гlуьзет сохди э хэбер-гъуллугъ Минсоводи РД.
Вокурдеи тозе школегьо ве гlэили бохчегьо э жиге овурде оморени э рамке миллетлуье проекте «Соводи», рэхь кори гьисдигьо э зевербиреи хубте ве верасирение тегьер соводи э Уруссиет.
