Минэкономпараменди РФ везифе норе э кор венгесде электропоезде «Паруьсдек» эз Минеральни Гlов э Дербенд, мэгlлуьмсохде пресс-гъуллугъсохи институте параменди «Кавказ.РФ».Вэхд э рэхь э электропоез гьисди 5 сэгlэт э жигей 12 сэгlэт э автобусгьо.

Рэхь гирошде эз ведилуье шегьергьо Софуне Кавказе, меселен, Нальчик, Беслан, Грозный, Махачкеле ве еккейгегьо мирворигьо СКФО.

Ини чуь фикир сохде э товун гье у серворие редактор гозит «Ватан» Нава Нисуева: «Везифе норе э кор венгесде электропоезде «Паруьсдек» э рэхь Минеральни гlовгьо – Дербенд огол зере мерэгъ ве имид э хуб биреи транспортни рэхьгьо э регион. Гье у проект. мэгlлуьмлуье Минэкономпараменди РФ ве кумекии доре институтевоз параменди «Кавказ РФ», имид доре кутэхь сохде вэхд э рэхь гlэрей дуь шегьергьо те пенж сэгlэт, чуьки дуьвойне зуте э бемзери эз автобусни бердеиревоз.

Гуьннжолуьи ижире транспортни рэхь белки кумекии доре экономически ве сафарие параменди Софун-Кавказски федеральни жиге. Рэхь, гирошде эз Нальчик, Беслан, Грозный, Махачкеле ве еккейгегьо вожиблуье бинелуье мескен регионе асанте сохде гешдеи эзинжо э унжо жигее зигьисдегоргьоре ве э хуьшде вогосунде сафарчигьоре, воисдегоргьоре шинох бире э культурни ве тебиетие мэгlлуьмлуье жигегьой СКФО.

Зурие ве хубе «Паруьсдек» вокурде тозе уьфуьггьо эри гlэрейрегиональни гьемкоркии, гьемчуьн доре гене минкини эри пулдореи э сафарие ве еккейгегьо инфраструктуре.Э уревоз зевер бире ве минкини эри культурни дегиши, э кор венгесде программере э муьхькем сохдеи бесдеи гlэрей жире-бе жирее хэлгъгьо ве культурегьо Софуне Кавказе

Вокурдеи тозе рэхь электропоезде – гье у пойнореи э пушово э коргьой транспортни тозе биреи ве э муьхькем сохдеи социальни ве экономически гъоимгъувотлуье регионе.

Дениширеним э сер гуьрдеи веровундеи и вожиблуье проекте ве имид бире, чуьки у мибу барасилуье меселен гуьрдноме транспортни ве жэгlмиете мерэгъ.