Сернуьш Хьуькуьм эн Республикей Догъисту А.Абдулмуслимов дуьшоббот, 5-муьн август, гировунди гуьрдлеме. Э гуьрдлеме пуьруьш сохде оморебу барасигьой регион э Миллетлуье гъиметдии овхьолет инвестиционни гьоворе э субъектгьой Уруссиетлуье Федерациере э артгьой эн 2023-муьн сал гуьре.
Э Сернуьш Хьуькуьм Догъисту ихдилот сохде оморебу э товун жейлее бирмунушигьой гъиметдии, эри комигьоки жугьодорлуьни егъинлуье органгьой хьукуьм.
Гереки э ер овурде, ки миллетлуье гъиметдиире гьер сал э гуьнжо овурдени идоре «Агенство эн вожиблуье хьэвесгьо э товун э пушо бердеи тозе проектгьоре (АСИ). Гъиметдии э гуьнжо овурде оморени э се жирегьой даннигьо гуьре: статистически даннигьо, сениг1эткорлуье гъиметдии ве пуьрсуьшдореи сэхьибкоргьоре.
А.Абдулмуслимов мэг1луьм сохди, э артгьой 2023-муьн сал гуьре Догъисту зевер сохди еклуье нуботномере э Милеетллуье гъиметдии. У э ер овурди, ки бирмундеи барасигьой Миллетлуье гъиметдиире гирошди э Петербургски г1эрейхэлгъие экономически форум.:
Миллетлуье гъиметдии минкин дорени вегуьрде гъимет бинелуье вогьнегьой хуьшлуье инвестиционни ве корлуье гьоворе э гьер жейлее субъект эн Уруссиет, гьемчуьн хэйрлуьи гъувотгьой региональни хьуькуьме э товун э гуьнжо овурдеи уре.
Э жэг1мие мэг1луьметиревоз э товун артгьой Миллетлуье гъиметдии нушу дори министр экономике ве мескенлуье параменди эн Республикей Догъисту К.Изиев. У гуфди, ки те 2021-муьн сал регионгьо дебируьт э 85 жигегьо. Сер гуьрде эз Миллетлуье гъиметдии эн 2021-муьн сал, субъектгьой Уруссиетлуье Федерацие бирмунденуьт барасигьо. Эзу товун эзи вэхд субъектгьой Уруссиетлуье Федерацие кура биренуьт э десде ве регионгьоре э кеме тефиг1эти барасигьоревоз доре оморени еклуье жиге э гъиметдии.
«Э 2024-муьн сал Миллетлуье гъиметдии фегьм сохде оморебу э чор тарафгьо, э комигьоки дери 22 вогьнегьо ве бирмунушигьо. Эз 70 бирмунушигьой Миллетлуье гъиметдии Республике Догъисту мэг1нолуьире хубте сохди э товун 38 бирмунушигьо. Гьемчуьн вегуьрде омори хубе гъиметдиигьо э товун тозе бирмунуши, бирмунденигьо хэйр дешендеи бэхшгьой Региональни инвестиционни гъэдергьо»,- ихдилот сохди К.Изиев.
Гуфдиренки э товун эну комини бимунушигьо хубте бири, К.Изиев нум дори ижире бирмунушигьоре, чуьн: «Гьисдии ве качествой региональни гъонунгьо э товун гъэлхэнд сохдеи ве гъувотдореи пулдешендегоргьоре; «Гъэдер компаниегьо комигьоки сигьмиш сохде оморени эз тараф органгьой хьуькуьм»; «Безенмиши сэхьибкоргьо э тинжиетиревоз ве варасиреи гирошде назарлуье коргьоре»; «Гъэдер региональни налогови льготгьо, доре оморигьо региональни субсидиегьо ве пулдореи проектгьоре эз пулгьой региональни инвестиционни фонд енебуге идоре параменди эз гуьрд сохде оморигьо бюджет эн регион»; «Гъиметдии чорегьой хьуькуьмлуье пуллуье гъувотдореире» ве диеш.
Э товун 10 бирмунушигьо республике дешенде омори э топ-10, э и хьисоб э товун ижирегьо, чуьн: «Гъиметдии расундеи секонесуьзи рэхь бердеи бизнесе э тараф ихдиергъэлхэндлуье системе»; «Гъиметдии качествой телекоммуникационни гъуллугъгьо», «Гъиметдии хэйрлуьи коргьоре эри вегуьрде хорире э киро (не гировунденки алишверишигьоре)» ве диеш.
Министерствой экономически параменди эн республике э гуьрей тозе тегьергьой эн Миллетлуье гъиметдореи ве фикиргьоревоз, комигьореки дорени жугьобдорлуье органгьой веровунденигьо хьуькуьм. Гьемчуьн гировунде омори кор э товун гьэгъигъэтлуье План коргьо эн «рэхьлуье карте» эри хубте сохде жигей регионе э Миллетлуье гъиметдии, тог1ин сохде оморигьо э буйругъномей Хьуькуьм Догъистуревоз.
Э буйругъномеревоз вихде омори мероприятиегьо, фуьрсоре оморигьо эри расире э мэг1ногьой бирмунушигьой эн Миллетлуье гъиметдии, эн органгьой хьуькуьм жугьобдорлуь гьисдигьо эри э кор венгесдеи э пушо норе оморигьо коргьоре.
Э г1регьой гуьрдлеме шиновусде оморебу докладгьо эн рэхьбергьой Агенство э товун сэхьибкори ве пулдешендеигьо эн Респубдикей Догъисту Г.Гусейнов, эн министр энергетике ве тарифгьо эн Республикей Догъисту М.Шихалиев, эн рэхьберМеркез гъувотдореи моле э де вилеетиге бердеи эн Республикей Догъисту Р.Абаскулиев.
Э товун артгьой гуьрдлеме А.Абдулмуслимов дори гъуллугъ зуте сохде коре э товун веровундеи Плангьой мероприятиере эн «рэхьлуье карте» эри хубте сохде жигей Республикей Догъистуре э Миллетлуье гъиметдии овхьолет инвестиционни гьоворе э субъектгьой Уруссиетлуье Федерацие.
