Гуьрдлеме э товун пуьрсуьшгьой э кор венгесдеи проектгьой параменд сохдеи мескенгьоре э Республикей Догъисту гировунде оморебу 1-муьн август, э зир рэхьберисохи эн Сернуьш Хьуькуьм РД Абдулмуслим Абдулмуслимов.
Вокурденки гуьрдлемере, Абдулмуслим Абдулмуслимов мэг1лум сохди, чуьки э Буйругъ эн Сервор Уруссиетие Федерацие Владимир Владимирович Путин гуьре «Э товун миллетлуье везифе параменд сохдеи Уруссиетие Федерациере э вэхд те 2030-муьн сал» эки 2030-муьн сал э вилеет гереки зиёд сохде гьерсалине гъэдер тозе хунегьоре те 120 млн кв м.
«Дешенде экуьнди дуь млн кВ. м гереки доре Республике Догъисту. Эзу, чуьжире мибу гье у хунегьо, межбур биреи жирей шегьргьой иму э биёвгьо. Э имбурузине руз КРТ гьисди еки эз бинелуье рэхь шегьеревокурдение параменди, э хотур комики зевер бире бараси э кор венгесдеи е гъэдер мескенгьоре, гирошде тозе биреи энугьо, э гуьнжо овурде оморени герекие овхьолет эри параменди инфраструктуре»,- гуфди премьер-министр РД.
У гьемчуьн ёр овурди, чуьки э фуьрсореи хуьшде эки Гуьрдлемей Хэлгъи РД серваор Догъисту С.меликов дори гъуллугъ региональни Хьуькуьме, серворгьой муниципальни районгьоре ве шегьергьоре желдлуь дешенде жейлее фикиргьо ве тегьер гьемметарафлуье параменди е гъэдер мескен э жигей жугьобдорлуьи хуьшде.
«Э июнь гирошденигьо сал Хьуькуьм Республикей Догъисту гъобул сохде суьфдеи гъэрорноме э товун гьемметарафлуье параменди нисе вокурде оморенигьо мескене э серхьэд чуькле район Ипподром, буйругъноме гъул кешире омори. Оммо гене э 2021-муьн сал проект КРТ кор сохди э Дербенд. Эзуш бэгъэй, вокурдеи еклуье эз жигегьо э дигьбон Ленинкент имбуруз кор сохде АО «Хуне.РФ».
Хьисоб сохденуьм, ки синогъи э кор венгесдеи гьисдигьо проектгьоре гьемметарафлуье параменди гереки жэг1 сохде ве лов сохде э еккейгегьо мескенгьой республике ркспублике.
Кумеки доре зурие дешендеи гъэрорноме э гьемметарафлуье параменди жигегьо э республике гереки кор сохде Рэхьбери э параменди хунеие вокурдеи э сер Минвокурдеи РД. Э идоре – гье у бинелуье везифе корисохи! Лап вожиблуье пуьрсуьш гьисди бесдеи веровундеи программе КРТ э парамендиревоз коммунальни, транспортни ве социальни инфраструктуре»,- гуфди А.Абдулмуслимов.
Э гъ1эрей гуьрдлеме бэхшвегиргьо пуьруьш сохдебируьт э кор венгесдеи сер гуьрде оморигьо проектгьоре.
Гуфдире оморебу, чуьки э федеральни нуботноме эн мескенгьой КРТ дешенде омори се жигегьо: э шегьер Дербенд – чуькле район «Аваин»; э шегьер Махачкеле дигьбон Ленинкент, куче э нум Терешкове ве э чуькле район «Ипподром».
Нисе вокурде оморе жигегьо э Дербенд оводу сохде миев э гъобулисохи э гъэрорномеревоз э товун гьемметарафлуье параменди жигегьо. Е гъэдер вэхд э кор венгесдеи проекте гуьнжуьнде омори 15 сал эз вэхд бесдеи игъроле. Вокурденки чуькле районе «Аваин» э кор венгесде миев тозе тегьергьой корисохи хундеи ве вокурдеи жигегьо, комики эз жерге вегуьрде селигъэсуьзе вокурдеире. Э сэрхьэд шогьнишон эн чуькле район Ипподром веровундение проектевоз пушоки дире дануьсде вокурдеи хунегьо э МКД, социальни объектгьо, софхоне, бохчей г1эили, идмонлуье жигегьо.
Вокурдеи еки эз жигере э дигьбон Ленинкент веровундени АО «Хуне.РФ. Коргьо сохде миев э жирей чуькле тебегъэ вокурдеи.
Э г1эрей гуьрдлеме Абдулмуслим Абдулмуслимов гьово гуьрдебу пуьрсуьш гировундеи инфраструктуре, э у социальни, э г1эрей параменди бирмунде оморигьо проектгьой КРТ.
Э пуьруьшсохи бэхш вегуьрдебируьт вице-премьер-сервор Миндевлет РД Заур Эминов, сервор шегьер Махачкеле Юсуп Умаров, жигегир сервор Минвокудеи РД Бахтияр Уллаев, нушудорегоргьой Уруссиетдевлет ве еккейгегьо.
