Эки Руз Лешгерие-дерьегьлуье флот Уруссиет э Каспийск гировунде оморебу миг1идлуье мероприятиегьо.
Э и мепроприятиегьо бэхш вегуьрди сервор Догъисту С.Меликов.
Вожиблуье гъозие бири парад гемигьо эн Гъирмизинег1элемие Каспийски флотилие. Э парад бирмунде оморебу ракетни, артиллерийски ве серххьэдлуье. Гьемчуьн бирмунде оморебу гидрографически гемигьо эн жире-бе-жире проектгьо, комигьореки гьисди гъувотлуье ерэгъленмишигьо, хубе дерьегьие ве маневренни качство.
Э г1эрей энугьо ракетни геми «Догъисту», чуькле ракетни геми «Углич», чуькле артиллерийски геми «Волгодонск», геми «Магомед Гаджиев», келе гидрографически геми «Николай Ивашинцов» ве геми РВК-933. Э сер геми «Альбатрос» морякгьоре э Руз Лешгерие-дерьегьлуье флот Уруссиетевоз омбаракбу сохдет контр-адмирал О.Зверев ве С.Меликов.
Гьемчуьн миг1идлуье мероприятие гировунде оморебу э гъирогъ дерьегь, эже э сегьне бирмунде оморебу «Приветствие Петра-1» ве гировунде оморебу лешгерие-идмонлуье мероприятиегьо. Э жирей онлайн Президент Уруссиет В.В.Путин гуфдиребу гофгьой омборекбуи. Э дузе риз уре фегьм сохдебируть гъуногъгьо ве одомигьой республике.
«И миг1иде иму гьеммише гировунденим межлуьслуь, э хьрметевоз ае э мугьбетевоз эки г1уьзетлуь биригьо флот, э мэгъруревоз эри вилет иму – эри дерьегьлуье флот иму. Уруссиете и вожилуье мэг1энолуьи бири э хотур геополитически овхьолет хуьшде, э келе географически вокурдеигьоревоз ве э келе дешендеи э хундеи Дуьньегьлуье океане, оммо лап вожиблуь – э бесгъунбергьоревоз, э жофоревоз, э игидьетиревоз гьемчуьн э мэг1рифет эн лешгерие морякгьой имуревоз.»,- гуфди президент вилеет.
Лешгерчигьой Каспийски флотилие бирмундет гъовхолуье корисохигьоре э дерьегь ве э гъирогъ дерьегь. Дерьегьлуье ве гъирогъдерьегьие гъувотгьой флотилие бирмундет гъозиегьо, чуьтам нисд сохде оморени гъонунепузмишигьо э серхьэд хьукуьмет, чьтам гировунде оморени рэхь э дерьегьие минни чапаргьо, дерьегьие гъовхо э дургуне душменевоз, кумеки сохдеи э беди офдоригьо геми ве диеш.
Э миг1идлуье мероприятиегьо бэхш вегуьрдебируьт экуьнди 600 лешгерчигьо, э кор венгесде оморебу экуьнди 30 гемигьо ве эз 10 тек лешгерие ве жирелуье технике омбарте.
Гьемчуьн э г1эрей гировундеи миг1ид Руз Лешгерие-дерьегьлуье флот Уруссиет хуькуьметлуье бэхшго эри мердьети ве игидьети, бирмунде оморигьо веровунденки гъэрхунди хуьшдере, доре оморебу хубтее лешгерчигьой флотилиере.
