Сернуьш Хьуькуьм Республикей Догъисту екшоббот, 29-муьн гировунди гуьрдлеме э вице-премьергьоревоз, э министргьоревоз ве э рэхьбергьой эн гьемме веровунденигьо хьуькуьм регионевоз.

Э гуьрдлеме пуьруш сохде оморебу жир-бе-жире пуьрсуьшгьой корисохи эн органгьой хьуькуьм. Э и хьисоб фегьм сохде оморебу пуьрсуьшгьой бэхшвегири республике э мероприятиегьой хьуькуьметлуье программегьой эн Уруссиетлуье Федерацие.

А.Абдулмуслимов рэхьбергьой органгьой хьуькуьме дори гъуллугъ э и тараф коре сохде зуте э хьисоб вегуьрденки, ки э и зуригьо э гуьнжо овурде миев проект федеральни бюджет ве объектгьо мэг1нолуь гьисдигьо эри Республикей Догъисту мие э хьисоб вегуьрде биев ве эри энугьо пулгьо мие доре биев. «И жугьобдорлуьи имуни, эз тараф федеральни меркез э иму кумеки сохде оморени. Иму мие э хьисоб вегиним мероприятиегьой тозе миллетлуье проектгьоре, э кор венгесде оморенигьо э фикир Президент вилеетевоз. Эзуш бэгъэй, вихде омори миллетлуье везифегьо те 2020-муьн сал, э комигьоки гуьре иму сохденим кор муре».

Э гуьрдлеме гьемчуьн пуьруьш сохде оморебу пуьрсуьшгьой э кор венгесдеи миллетлуье проектгьоре ве игъролномегьой объектгьо эни сал.

Жейле фегьм сохде оморебу пуьрсуьшгьой хьозуьр сохдеи объектгьой соводире эки 1-муьн сентябрь.

Премьер-министр республике хуьшдени ю фегьм мисоху объектгьоре э пушой вокурдеи.