Э суьфдеи руз форум жигегир сернуьш Хьуькуьм РФ Александр Новак рафди эри фегьм сохди стенд Догъистуре. Гьееки э вицепремьеревоз эки стенд Догъисту оморебу сернуьш Хьуькуьм эн Чеченски Республике Магомед Даудов. Сервор республике Сергей Меликов нушу дори проект тозе- ден вокурдеи Ахтынски гъэлечере. Э имбурузине руз Ахтынски гъэлече михьтожлуьни э гъуьчсохи. Э гуьнжо овурде оморигьо фонд хьозуьр сохдени проект тозеден вокурдеи гъэлечере, комики мидануь бире жиге эже миев сафарчигьо э дорум Догъисту.
Хэел сохде оморени ки оводу сохде миев дору- ние ве э куьнди гъэлече гьисдигьо мескен. Э гуьнжо овурде миев богьче ве мейдон эри учмиш биреи эвирлуье пуфдедигьоре; тозе- ден вокурдеи дивор гъэлече ве вир сохде оморигьо муьхькемигьоре ве э гуьнжо овурде миев фегьмгерие мейдонгьо; э гуьнжо овурде миев музейни колмплекс; тозеден во- курде миев вечаруьсде оморигьо килисе. Рэхьбер регион гьемчуьн ихдилот сохди э товун э кор вен- гесдеи дуьруьжде сафарлуье про- екте «Каспийски экуьнди гъирогь еклуьгъи». Суьфде э форум гъул кешире омори документ э г1эрей Мини- стерствой сафарчи РД, Кавказ.РФ ве акционери жэг1мет «Каспийски курортгьо 1». Нушудорегор э пушо нори везифе вокурдеи пенжастара- луье гъуногъхонере эри 220 жигегьо эки 2028-муьн сал э Каспийски дерьёгь ве дешенде омори экуьнди 5 млрд монет.
Э жиге бире вице-премьер Алек- сандр Новак ве сервор Догъисту Сергей Меликов гъул кешире омори разименди министр сафарчи ве хэлгълуье шекуьллуье молгьо эн РД Эмин Мерданов, генерални сервор Кавказ.РФ Андрей Юмшанов ве ну- шудорегор «Каспийски курортгьо 1» Антон Ежков. Александр Новак бирмунди тигъэти э вожиби про- екте эри гьемме вилеет. «Воисдени омбаракбу сохде ишмуре э ижире вожиблуье гъозиеревоз – сергуьрдеи кор венгесдеи дуьруьжде инвести- ционни сафарлуье проекте, комини- ки дарафдени э программе «Пенж дерьёгъгьо», э пушо норе оморигьо президентевоз э Фуьрсореи хуьшде.
Боворини, гье у сечсохдение проект руьхсет доре э хуьшде вогосунде сафарчигьоре э софунлуье Кавказ ве Каспийски дерьёгъ. Иму тигъэти фегьмгери сохде э товун кор венгес- деи проекте ве боворини, чуьнки барасилуь рафди расири гъосут э вокурдеи гье у сечсохдение еклуьги»,- риз кешири у.
Сергей Меликов эз хуьшде гуфдири, чуьнки гьэгъигъэт про- ект «Каспийски экуьнди гъирогъ еклуьги» нушу дорени гьемме Со- фун Кавказе э Гьеммеуруссиетие программе «Пенж дерьёгъгьо». «Иму шор ми бошим э биёвгьо вэхд гьемме гьмватание иму, гъуншие, хьэрмэхьгьо, бироргьоре огол зереи форигъэти вегуьрде э курортгьо, комигьоки мибу вокурде э хотур гъул кешире оморигьо имбуруз, раз- именди», — г1уьзет сохди у.
Сервор республике согъбоши гуфдири рэхьберисох Чечни Рам- зане Кадырове э товун нушудоре хьэвес гуьрд сохде форум э регион. «Воисдени гуфдире, чуьки имуре асанти имбуруз бире инжо, э мей- дон ишму. Неки э хьисобсохи хубе инфраструктуре, коминики э гуьн- жо овурди эри кор форуме, оммо ве э хьисобсохи кавказии гъуногълугъи, э комиревоз имуре гьеммише инжо гъобул сохде. Келе согъбоши ишму- ре», — гуфдири у.
Эзуш бэгъэй, э г1эрей форум гъул кешири оморебу е жерге раз- имендигьо. Гьечуь, Догъисту ве Кабарди- но-Балкарие игърол бесдебируьт э товун гьемкорсохи. У мибу э жиге овурде э алвери экономикере, г1илмие-техникерее, культури ве е жерге коргьоре. Зиреклуье когъозе э сэхьрогьой Кавказски инвестицион- ни форум гъул кеширет серворгьой дуь субъектгьо Сергей Меликов ве Казбек Коков.
Лойгьо мибу муьхькем сохде шинохи э ижире жерге коргьо, чуь транспорт, мэг1луьметилуье коммуникацие, корхоне, хоригъул- лугъсохие еклуьги, алвери ве гъул- лугъгьо, архитектуре ве вокурдеи хунеи-коммунальни сэхьиблугъи,
гъучьсохи шегьере е гъэдер мескен, данани, г1илм, базургенди, идмон, сафари ве екигегьо.
Э г1эрей игъролноме э пушо норе оморебу везифе э гуьнжо овур- де игърол эри гуьрд сохде овурде расунде мол молведешендениетехнически жире, мол хэлгълуье хэржисохи, хоригъуллугъсохие мол, мэхьсуьлет. Мибу э гуьнжо овурде дуь эекиревоз бирмундеи, гуьрдлемегьо, семинаргьо, гиргине суьфрегьо.
Лойгьо гьемиге мибу гьемко- рисохи э жире кор дошдеи жун- согъире, э у хьисоб корикумекии доре параменди шинохи э г1эрей медицински идорегьо Догъисту ве Кабардине-Балкарски Республике ве дегиш сохдеи синогъи коре эри хубте сохдеи гуьрд сохдеи медицин- ски кумеки дореи могьлугъе. Догъисту гьемчуьн гъул кешири разимендире э товун гьемкорисохи
э Софун Осетие-Аланиеревоз. Зиреклуье когъоз дуь э еки вогосунде омори э гъул кеширеиревоз э мей- дон КИФ серворе регионе – Сергей Меликов ве Сергей Меняйло.
Лойгьо э у хьисоб мибу э гуьн- жо овурде хьол-овхьол эри э хьэ- вес венгесдеи зиреклуье желдире, доре корикумекии э дегиш сохдеи зиреклуье фикир ве гешдеигьо ме- рэгълуье зиреклуье одомигьоре, э у хьисоб эз де вилеетиге, эри жуьр-бежуьрелуье мол ведешендеи корхоне. Регионгьо нори везифе э жиге овурде корисохире дуь э екиревоз э коргьо агропромышленни комплек- се эз сер корикумекии доре пара- менди омбаре вэхд ве гъэзенжлуье гьемкорки э г1эрей сэхьиблугъие одомигьо. Э гъэд еккейгьо э вэхд ю герек гьисдигьо рэхь – гьемкоркии э коргьой социальни гъэлхэнд со- хдеи могьлугъе, э у гъэдер э бедел параменд сохдеи хубе зиндегунире эри шуькестгьо.
Песде Сергей Меликов гировун- ди вохурдеи э сервор региональни парамендиревоз «МегаФона» э Владимир Скурихиневоз. Сервор Догъисту ве топ-рэхьбер идоре пуь- руьш сохдет минкингьой дешендеи жир-бе-жирее гъэдерлуье гъуллугъ- сохире, э пушо норе корсохгьо, э у гъэдер ве э кор венгесде карасдигьо big data «МегаФона» э коргьой са- фари. Гъуллугъсохи, комики дори руй-бе руи э товун сафарие омореи, гьишде гъимете доре э хуьщде вогосунде регионе эри сафаригьо, э гуьнжо овурде норе везифегьо параменди, гъимете доре барасигьо эз гировунде корисохире.
Владимир Скурихин нушу дори э рэхьбер республике минкини «Мега Фоне» э доре секонеисуьзи, э у гъэдер гъэлхэнди хьуькуьмлуье хэберлуье овгъотгьо эз гъэчэгъи сохдеи. Эзуш бэгъэй, рэхьбер идоре гуфдири э товун хьозуьрлугъи гъо- бул сохде бэхшвегири э социальни проектгьо, веровундение э жиге Догъисту. Э форум сервор Догъисту во- хурди э сервор АО «Новавинд» э Григорий Назаровевоз ве пуьруьш сохде сохдет параменд сохдеи куло- кеэнергетикере э регионе.
Идоре войге сохде вокурде э До- гъисту Новолакски кулокеэлектро- станцие (ВЭС) гъувотлуьи омборте 300 МВт. Э гьонине вэхд бэгьем сохде омори комплексни инженерни гешдеигьо, э кор венгесде омори проектни документгьо, тог1ин со- хде омори технически игъролгьо ве бесде омори игърол э товун э жиге овурдеи технически ек сохдеи эки электрически сетгьоре.
Новолакски ВЭС мибу лап келе э Уруссиет кулокеэлектростанци, у омбарте э 100 МВт зевер сохде гъувотлуьи хушдение гъувотлуье эз гьисдигьо ижире объектгьо э вилеет эн иму – Кочубеевски ВЭС (Ставропольски улке, гъувотлуьи – 210 МВт – ИФ). Догъисту ве АО «НоваВинд» э сентябрь 2022-муьн сал гъул кеширет разимендире э товун гьем- коркии э коргьой параменд сохдеи кулокеэнергетикере э е гъэдер вэхд 5 сал, комики э у гъэдер пушоки дире дануьсдеи веровундеи проектгьоре
э вокурдеи кулокеэлектростанци гъувотлуьи те 315 МВт. Пул дореи э проект зевер бири 50 млрд монет.
Зутеине хэёл сохдеи вэхд ведире- мореи ВЭС э проектни гъувотлуьи – 2026 сал. Гьемчуьн э вохурдеи Сергей Ме- ликов ве Григорий Назаров пуьруьш сохдебируьт четинигье пуьрсуьш- гьой вокурдеире ве игърол бесдеи э товун песдеине кори сохдеи дуь э екиревоз э войге веровундеи Эзуш бэгъэй, э КИФ Сергей Меликов вохурди э сервор «Газ- пром г1эрейрегионгазе» э Сергее Густовевоз. Пуьруьш сохде омори пуьрсуьшгьой параменд сохдеи газерасундеире ве газебердеире э Догъисту, гуьрд сохдеи газови сетьгьоре э регион, веровундеи программей тегазидореире ве ек- кейгегьо корисохи, комики гьишде
доре догъистунигьоре хубе газедо- реи. Э эхир вохурдеи бэхшвегиргьо игърол бесдет зиёд сохде гьееки кор сохдеире, э у гъэдер э гене диеш зуте сохде вокурдеи газови инфра- структурей республикере ве гъул кешире бирмундеире. Г1уьзет сохе,
гьемме э гъэд Программе парамен- ди газерасундеире ве газебердеире э Республикей Догъисту э 2021-муьн2025-муьн салгьо сетгьо мибу газе- бердеи омборте 200 могьлугълуье жигегьо, тозе сохдеи омборте 30 жиге газерасуедеире.
Э эхир форум гировунде омо- ребу пленарни гуьрдлеме. Норе везифе корисохи г1уьзет сохде э бинелуье пуьрсуьшгьо параменд сохдеи Софун-Кавказски жигере э войгей дореи пуле ве диеш зуте параменди экономике ве социальни тараф регионе. Бинелуье гъосуьт – «Келе Кавказ: эз дерьёгь те дерьёгь». Э пуьруьш сохдеи гъобул сохде бехшвегири корсохгьой хьуькуьме, серворгьой регионгьо, рэхьбергьо эн дуьруьжде идорегьой вилеет ве сэниг1эткоргьо. Вице-премьер Александр Новак гуфди; СофунКавказски регионе келе минкингьои. Меселен, пул дешендеи э сафарие коргьо дорени омбаре гъэзенжгьо. Гене е вожиблуье тараф: э гуьнжо овурдеи логистически бинегьоре, герек гьисдигьо эри муьхькем со- хдеи экономически ологъигьоре э дорун вилеет.
