Депутатгьо хьуькуьм Догъисту 11-муьн июнь ексеслуье сесдореи э песой дебердеи дегиши э гъэдер суьфдеи ве дуьимуьн муьзд вечиреи гъонун Уруссиетие Федерацие ве жейле гъонун гуьре актгьо Уруссиетие Федерацие.

Гьечи, э тозе пушорафдеилуье риз гъэдерлуьи НДФЛ, комики э овхьол бегенмиши мибу корисохдеи эз 2025-муьн сал, эри гъэзенж те 2,4 млн монет мегьине муьзд жофои гуьнжуьнде 13%; эз 2,4 млн те 5 млн монет – 15%; эз 5 млн те 20 млн монет – 18%; эз 20 млн те 50 млн монет – 22%.

Чуьтам г1уьзет сохде сервор Комитете НС э бюджет, пулгьо ве муьзд Марат Ильясов, э вилеет эз 64 млн корсохдегоргьо одомигьо гье у тозе коргьо дес зереи 3% одоми, вегуьрде келе гъэзенжгьо. Проект гъонуне хьозуьр сохде э разименди э нуботноме гъуллугъ Хьуькуьм РФ э веровундеи Фуьрсореи Сервор Уруссиет Федеральни Гуьрдлеме.

У гьемиге мэг1луьм сохди, чуьки эз хьисоб муьзд вечиреи мибу дануьсде расунде пул расундеи жерге коре эри гъэрорноме социально-экономике пуьрсуьшгьо, гьемиге эри веровунде тозе миллетпроектгьо ве э пушо норе везифе параменди вилеете.

Гъонунепроекте гьемиге пушоки дире дануьсде рэхькори гьемме зиёдие хэржигьо, хьэсуьл оморигьо э сереботи дебердеи пушорафдеи риз гъэдерлуьи муьзд вечиреи гъэдер (омборте 13%) э гъэзенж федеральни бюджет.

Э товун дебердеи дегишбиреи депутатгьо НСРД сесдори ексеслуь.