Сервор Догъисту Сергей Меликов гировунди вохурдеи э президентевоз десде «Ромекс» Алексее Прокопенко, э гъэд коминики лойгьо пуьруьш сохди гьемкорсохи э жире логисти.
ГК «Ромекс», мэгIлуьмлуьи хуьшдени барасилуьи синогъиревоз э вокурдеи гьеммееки-бэхшсохдеи бинелуье мескенгьо э регионгьо Уруссиет, веровундеи э Догъисту проект э доруние гъэдер пул расундеи омборте 9,5 млрд монет. У зутеине хэёл сохде вокурдеи тефигIэттарафие жиге дошдеи хуреклуье ве хуреклуь нисдигьо мол, комики эзуновлейге э киро мибу вегуьрде еки эз дуьруьжде уруссигьо алверчигьо – «Озон».
Э ёр овордеи, Сергее Меликове ве Алексее Прокопенко э товун игърол бесде гьемкорсохи э 2023-муьн сал э сэхьрогьо Петербургие гIэрейхэлгъие экономикие гуьрдлеме. Э барасилуьи рафде расиреи игъролномегьо эри э кор венгесде проекте бири дореи хории муьлк э е гъэдер мескен жирее бохче «Тюбе», десде гье бирден сер гуьрди вокурдеи.
Гузети, чуьки э кор венгесде проекте руьхсет доре э гуьнжо овурде 25 жиге кор э суьфдеи е гъэдер вэгIэдо ве экуьнди 2 гьозор жиге кор – эзуновлейге жиге дореи десде «Озон». Гуьнжолуьи ижире бинелуье мескен расунде дануьсде мэгIэнолуье доруние гъэдер муьзд вечиреи ве мибу кумекии мэгIэнолуьи зевербиреи интернет-алвери э е гъэдер мескен республике ве кутэхьсохи е гъэдер вэхд овурде расундеи молгьоре.
Сергей Меликов шолуми гуфдиреи Алексее Прокопенко, гIуьзет сохди мэгIэнолуье зевербиреи веровундеи проекте: «Дуьлшори, чуьки эзуновлейге гъобулсохи гъэрорноме гирошди энжэгъ е сал, оммо иму виниреним суьфдеи барасигьоре. Гье и проект эри Догъисту лап вожиби: республике вожиблуьи дуьруьжде турлуье десде, комигьоки ми э ихдиёри доре хубтее гъуллугъи могьлугъе. Э гье у иму э ишму лап имидлуь бире. Гьелбетте, э гъэдер веровундеи проекте мибу хьэсуьл оморе пуьрсуьшгьо, оммо республике эз лой хуьшде хьозуьри корикумекии доре э угьо гъэрорноме ве э гуьнжо овурде эри ишму хушхьоле овхьолет иловлеи».
Э нубот хуьшде президент ГК «Ромекс» согъбоши гуфдири э рэхьбер республике эз товун доре коркумекии: «Согъбоши эз товун доре минкини корисохи э республике. Ишму гьемкорсохгьо рэхьсохде имуре э гьемме гъэдер вэгIэдогьо. Э хотур чуьки ижире кумекии э имбурузине руз деноре омори ниме бинебору мибугьо бинелуье мескен. Э и зури иму сер гуьрде вокурдеи».
Лойгьо игърол бесди э товун песдеине гьемкорсохи ве дуь эекиревоз гъэрорноме четине пуьрсуьшгьо, межбур биреи эз веровундеи проекте.
