25-муьн мая Сергей Меликов гировунде гуьрдлеме Э гъэрушуйбедкорлуье комиссии э Республике Догъисту.
Э гуьрдлеме пуьруьш сохде пуьрсуьшгьо хьозуьрлугъи гIэилгьо, вогошдеи эз жейлее чапарлуье мескен гъовхоие коргьо э Сирие ве Ираке, оморегоргьо эз е гъэдер мескен Донбассе, Запорожски, Херсонски областьгьо, Украине ве Палестине. Гьемчуьн фегьм сохде жерге еккейге пуьрсуьшгьо, э у гъэдер веровундеи корисохи Комплексни везифе э гъэршуй кори сохдеи гIилм эн жейлее хэел бедхэтокорие э Уруссиетие Федерацие э 2024-муьн-2028-муьн салгьо э регионгьо.
Сергей Меликов ихдилот сохде э товун барасигьо э войгей хуьшде гуьре десде «Каспий». Э гофгьой сервор регионе, десде верзуьшлу нушу доре Догъисту э гъэд Ерэгьленмиши гъувот Уруссиети.
«Э гуьнжо овурде десдере гирошди э поизи гирошдигьо сал. ГьейсэгIэт у веровунде гьовхоие везифегьо э еки эз вожиблуье рэхь жейлее довгIоие операции. Десде верзуьшлу шинох сохде республикере. Веровунде везифгьо э дореи муьлке гъэлхэнди, чуьки доре войне эри шишире рафдеи корисохи. Гье у еки эз жиге, эже желди рафде пушоворафдеи»,- ихдилот сохди у.
Сервор республике гIуьзет сохде, чуьки омборе лешгерчигьо десде уже бэхшире хьуькуьмлуье бэхшгьо.
«Э войгей хуьшде гуьре дори гьемме герекии, э у гъэдер парталгьо ве хьозуьрлугъи. Жиге гьелелуьге гьисдии десде гьемчуьн дори гьемме герекии, автотранспорте, гуманитарни кумеки. Гье у жэгIмие кор эн иму, унегуьре эки эну гIэмел нисе оморе гъэножогъи чуьтам эки герексуьзе»,- гIуьзет сохди Сергей Меликов. Рэхьбер эн регион ёровурде гофгьо сервор вилеете э товун, чуьки угьо, ки гъэлхэнди сохде Ватана – хубтее одомигьо уруссиетие жэгIмет ве э биёвгьо вэхд лешгерчигьо мидангу кор сохде э рэхьберисохи.Серворгьо шегьероре ве районгьоре С Меликов хьозуьр сохде э гьеммишеи кор э могьлугъевоз ве кумеки доре бэхшвегиргьо СВО. Э ёр овурде, имбуруз зиёд сохде вечире э войгей хуьшде гуьре десде «Каспий».
Э товун, чуьтам э Догъисту сохде коре э оморегоревоз эз жиге гъовхоие коргьо гIэилгьо, гуфдире Векил э ихдиёри гIэилгьо э РД Марина Ежова. Э республике имбуруз зигьисде гIэилгьо, комики вогошде эз жиге довгIоие э женгевоз э Ближни Восток, гьемчуьн оморегоргьо эз ЛНР, ДНР, Запорожски ве Херсонски областьгьо, Палестине.
Э регион э кор венгесде универсальни кор комплексни рэхьсохдеи ижире гIэилгьоре. Удешенде чор бедел: социальни-ихдиёри, жунсогъи, психологически ве соводи. У гьисди норе ихдиёри овхьол эн гIэиле, уре доре жирелуье кумеки, кумеки доре уре вердуьш бире ве диреморе э жэгIмет. Эзуновлейге – э гуьнжо овурде игърол эри вегуьрде хубе соводи.
Э гуьнжо овурде жейлее Экспертни-методически десде, э хотур чуьки гъобул сохде программе теке жейлее зуте мэгIлуьм сохдеи коргьо э гьеждегьсалаи нисе расирегоревоз э кор венгесде се методически книг, эри гьер гIэил – «Хаберлуье навигатор».
Гъэйгъу доре ве тербие дореие коре, э у гъэдер э гуьнжо овурде э гIэилгьо гьеммеуруссиетие хэлгьие еклуьги, дегиш биреи дениширеи э зиндегуни ве гъиметлуьи рэхьберисохи.
Э гъэд еккейгегьо гъэдер э кор венгесде проекте «Э гуьнжо овурде битIэгIрифие фикирсохи э гIэилгьо, комики вогошде эз жиге ерэгъленмиш бире э женгевоз», эри сенигIэтхьозуьрлугъи гIэилгьоре веровуьнде проекте «СенигIэториентаци ве везифегьо», эри шинох сохде э динлуье гъиметлуьи – проекте «Вогошдеи эки чешме. Культуре ве дин хэлгьи». Э гуьнжо овурде игърол эри хунде зугьун уруссире.
Эзуш бэгъэй, гIэилгьо веровуьнде культурно-массови, хундеие ве ватанхогье корисохи. Барасибер э гуьнжуьнде оморе чи фестивале «Иму – гIэилгьо Уруссиет» бири гIэилгьо эз Луганск.
Сергей Меликов риз кешире вожиблуьи коргьо э и рэхь ве огол зере песде э гуьнжо овурде игърол эри хундеи гIэилгьо ве шинох сохде э культуре ве дин Догъисту.
Э гуьрдлеме винире жерге еккейгегьо пуьрсуьшгьо. Э эхир дори гъэдэгъэ.
