20-муьн май э рэхьберсохи Сергей Меликов бири пуьруьшсохи хьозуьрлугъи э гировундеи хьуькуьмлуье арти аттестацие э Догъисту э 2024-муьн сал.
Э гъэд гьисдигьо пуьрсуьшгьо – секонеисуьзи ве гъонунеоводунеи э жиге гировундеи экзаменгьо, дануьсде расунде не поюндеи энергорасундеи, интернете ве транспортни хубе рэхьи, духдири рэхь сохи те эхир. Сервор Догъисту э ёр овурди, чуьки вожиблуье жейлее фикир э гуьнже овурдеи хьуькуьмлуье арти аттестацие миё бу номуслуь, вогу сохи ве дузгунлуь.
Рэхьбер республике нум дори арти экзамен вожиблуье бедел эри гьемме жире данани. Э гуьнжо овурдеи ГИА миё бу бире бегьем товтовие, хьисоб бире Сергей Меликов. Рэхьбер Урусданани фегьм сохи Анзор Музаев хубе хьэгъэ нори хьозуьрлугъи Догъистуре эки хьуькуьмлуье арти аттестацие. Эз гофгьой эну, э гирошдигьо салгьо региональни десде веровунди вожиблуье хубе пойнореи э лой диеш хубте гировундеи фегьмсохи кор десде. Чуьтам хэбер дори министр данани ве гIилми Догъисту Яхья Бучаев, э 2024-муьн сал хьуькуьмлуье арти аттестацие э назар вегуьрде экуьнди 60 гьозор хундегоргьо догъистугьи школегьо.
Э имбурузине руз гьемме 4 гьозор аудиторие ве жиге штабгьо гировундеи экзаменгьо э гуьнжо овурди гьейвэхдине овгъотгьоревоз винире фегьмгери.
Э и сал ЕГЭ мибу гировунде э тегьер овурде расунде экзамени мол э тур Интернет ве дофуси, ве жире сирот зереи фегьмсохие мол дим-дуз э аудиторие.
Эри э гуьнжо овурде экзамени десде э хуьшде вогосунде омори омборте 11 гьозор одоми. Э бине дешенде омори десде сернуьшгьо предметни фегьм сохдегор, жигегиргьо сернуьшгьо ве сенигIэткоргьо – 400 одоми эри э жиге овурдеи фегьмсохи экзамение кор бэхшвегиргьо ГИА.
Эз март те апрель гировунде омори дэгIэме винире экзаменгьо, э у хьисоб гьеммеуруссиетие апробацие ЕГЭ.
Бинелуье экзаменгьо вэхд, э ёр овурди Бучаев, гировунде миёв эз 21-муьн май те 5-муьн июль.
Мибу э гуьнжо оморе штаб эри зутее гъэрорноме гьемме хьэсуьл оморе овхьолетгьо э экзаменгьо гирошдение вэхд. Эри дануьсде расунде товтовие ве вогу сохи жире кор ЕГЭ э республике гировунди мэгIлуьмлуье-андуьрмишисохи кор э гъэд варасдегор школе ве деде-бебе.
Сервор МиндананигIилми республике риз кешири, чуьки э Догъисту зевер бири гъэдер варасдегор школе, комигьоки бегьм дореи экзаменгьоре э буьлуьнде гъиметдии.
Э товун дануьсде расунде секонеисуьзи ве гъонунеоводунеи э жиге гировундеи экзаменгьо ве э куьндлуье мескен ихдилот сохди жигегир министре доруние кор э Догъисту – сернуьш душвери Сергей Власов.
Эз гофгьой полковник, э гъосут секонеисуьз гирошдеи экзаменгьо деберди дузетмиш бире э план э кор венгесдеи гъувот ве овхьолет э товун дануьсде расунде гъонунеоводунеи, э рэхь поисде жиге душверигьо. Зевербире тигъэти дори э хуьшдени пунктгьо гировунде оморенигьо арти аттестацие. Пушоте гьемме угьо мибу фегьм сохде.
Гьемме гереклуье кор сохде оморе ве эри дануьсде расунде имидлуье электрорасундеи пунктгьо гировундеи экзаменгьо э шегьергьо ве дигьбонгьо Догъисту.
Э товун гировунде оморе кор хэбер дори министр энергетике ве тарифгьо республике Марат Шихалиев.
Э Минэнерго РД гирошди гуьрдлеме э оголзереи нушудорегоргьо овгъотрасундеи идорегьо, эже бири доре гуьнжолуье кумекие тэгIрифноме.
Пунктгьо гировундеи ГИА, мэгIлуьм сохди жирее кор министр, овурде расунди генераторгьо.
Чуьтам мэгIлуьм сохди рэхьбер Минжунсогъире РД Татьяна Беляева, э рузгьо гировундеи экзаменгьо мибу э гуьнжо овурде медицински пунктгьо. Э кор эн угьо мибу гъобул сохде бэхшвегири 136 духдиргьо ве 142 медкорсохгьо. Гьисди гьемиге ве хьозуьри сохдеи десде.
Э духдироревоз ве тербиедорегоревоз, гIуьзет сохде рэхьбер профильни министерстве, гировунде гене нубохундеи, гьевел гьемме, э гъэдер дошдеи гъонуне гьенжирее гунжолуьи, гьемчуьн э дореи минкини пеймундеи риз гъэдерлуьи шекере эри гIэилгьо, комики гьисди нечогьи сахарни диабет. Гьемме софхонегьо бегьем те эхир гьисди дормугьо эри доре гIэмели нисдие духдирие кумеки. Гуьрд сохде коргьо зурие кумеки эки жиге дореи экзаменгьо.
Э фегьмсохи ве пуьрсуьшгьо дореи гьеммише коргьо хэберлуье-телекоммуникационни тургьо «Интернет».
Минкин корисохи жигегьо эн бесдеи фегьм сохде э 149 жиге гировундеи хьуькуьмлуье эхири аттестацие. Э гьемме жиге Уруссиеттелеком гене гуьрд сохде тозе бесдеи. Гьер энгуьл бесдеи нореи гьеммише хурекхури, мэгIлуьм сохде жигегир эн министр цифрового параменди регионе Рамазан Абдуллаев. Эз 150 утогъ э хуней хундеи студентгьо кор сохде видеокамеры э системе виниреи гировундеи видеопотока э еклуье платформе.
Э рузгьо гировундеи экзаменгьоре корсох эн бесдеи мибу дебе сохде гьемме везифе ве везифесуьзе гьуьчсохие коргьо энгуьл бесдеи, овурде э хьозуьрлугъи хэребеи-тозеденвокурдеи корсохгьо.
ГьейсэгIэт сер гуьрде шеви-рузи коре герме риз э министерстве эн транспорт ве рэхьие сэхьиблугъи республике, эри чуь доре не поисдение тегъер транспортни минкини э могьлугълуье жиге э вэхд гировундеи хьуькуьмлуье эхири аттестацие.
Сервор Минтранс республике Джамбулат Салавов риз кешире, чуьки э лой рэхьбергьо вокурденигьо ве кореверевундение идорегьо фуьрсоре талаб э товун не гьишде э и рузгьо рэхьие коргьо, зутеине хзёл сохдеи гьеле кемевэхдие сэхд сохдеи рэхье.
Эзуш бэгъэй у, э муьлкгьо рэхьгьо, э комики жуьмуьсдеи автотранспорте э жиге овурде э гьелелуьге гьемчуьн э муьлкгьо, комики белки бире гурунде гъозие, гъэдэгъэ зере гуьрд сохде коре спецтехнике эри бежит тозеден вокурде транспортни мэгIлуьмети.
«Пуьрсуьш гье у гереки вегурде э фегьм сохде гьемме жугьобдорлуье одомигьо. Гьер сервор муниципалитете гереки гьер руз гуш веноре рэхьбери соводи э товун дореи экзаменгьоре, эри чуь те эхир бегьем сохде гьуьндуьре барасигьо э гъэд гирошденигьо экзаменгьоре гIэилгьо, ве герекие барасигьо э гуьрд сохдеи и коргьоре»,- гуфдире сервор Догъисту.
