Сафарие жофокеши э вэхд гуьре 2024-муьн сал э Догъисту вокурде оморе! Сергуьрдеи уре дори э дигьбон Шамилькала Унцукульски улке, комики мэгIлуьмлуье сафарие мескенево. Инжо э гирошдигьо руз форигъэтии бэхшире бэхшвегиргьо бире динлуье эри республике Dagestan Wild Trail жэгIмитегьерие вохурдеи э догъие мескен
Омборте дуь гьозор спортсменгьо э вэхд гирошдеи е ченд рузгьо эз гурунди гирошде жире-бе-жирее, эеки бири э лап раче жигегьо сечсохдение улкей эн иму. Лап дуразе рэхь(120 км) сергуьрде э кент Куркли Лакски улке. Рэхь гурунди, оммо лап рачи ве жире-бе жирее тегьер.
Э нуботлуье руз, 21-муьн апреля, видовусдеи гирошде э рэхь 65 км э кент Гергебиль Гергебильски улке, 35 ве 15 км э кент Ирганай Унцукульски улке. Жигей эхир гьеммей рэхь бири Шамилькала.
Унцукульскии улке шинох сохде гъуногъгьоре э жирей хуреггьо догъистоние хурекхоне, комики ёгъин гереки екем дэгIэме дире. Профильни министерстве эри бэхшвегиргьо ве гъуногъгьо хьозуьр сохде келе культурно- дуьлхошие корисохи, бирмунде миллетлуье жейлее хэлгъ эн Догъисту. Гьемиге гирошде мастер-классгьо э хьозур сохдеи хэлгъие художественни ветэгъэгьо.Кент Балхар – бине гончарни мэгIрифет. Э товун угьо ихдилот сохде э сафаргьо, меселен, усдо эсер балкарски керамике Магият Даудове.
Зевербирее мерэгъ огол зере бэхьс э гунилешени эз тиркому. Эри бараси бэхьс зиёдте 70 тиркомучигьо. Усдоети эн хуьшдере бирмунде министир э сафари Эмин Мерданов – у жофосуьз рафде расире э войге. Бири ве бирмундеи э гъолинде гъэнеп гешдегоргьо э шешимуьн эрхэ Камиле Маммаеве, муьхшуьллуье программе эри гIэилгьо ве омборе еккейгегьо.
Гереки гуфдире, чуьки бэхьсбери э догъие мескен – гьисди секонесуьзе жирей форигъэти: гьовой рузгор э догьгьо бире жире-бе-жирее, гереки хьозуьр бире э дегиши, бирени воруш енебуге кулок. Унегуьре э гуьнжоовурдегоргьо фегьм сохде гьисдигьо видовусдегоре вожиблуье гьер чи. Гье у хилоссохдение луьхьуьф, тар ние бирение партал, пенжедени, миноре, фитзен, дермуфурухи.Чуьтам э гьерки кор, инжо вожиби фикир сохде гъэножогъи. Ишму биё бошит э герекие физически ве психологически хьозуьрлугьи ве хьозуьр бире, чуьки гереки берде гурунде чейтен.
Бэхшвегиргьо видовусдеи гуфдире согъбоши э гуьнжоовурдегоргьо э песой гировундеи корисохире э хубе риз гъэдерлуьи.
«Мере гьемме лап беген! ГьейсэгIэт э хьэрмэхьгьорево сер гуьрде норе везифе бэхшвегири э видовусдеи нуботлуье сале, оммо э зиёдте рэхь. Ижире проектгьо зевер сохде мерэгъ эки Догъисту чуьтам эки сафарие регионе ве мерэгъ сохде имуре, видовусдегоргьоре, хьэвес э тозе спортивни коргьо»,- гуфдире еки эз гъуногъгьо эн иму.
Э гуьнжоовурдегор и гъозиере бири Министерстве э сафарие ве хэлгъие художественни ветэгъэгьо Республике Догъисту э гьемкоркие э корсохгьо Wild Trail. Гье у жирелуье видовусдеи уже пенж сал гуьрд сохде э идоре сафариоре эз гьемме куьнжгьо вилеет.
Имогьой е ченд гоф э товун барасибергьо. Э видовусдеи э рэхь дурази 120 кил.э гъэд мердгьо суьфде омори Александр Лымарев, э гъэд эн зенгьо – Татьяна Суханова.
Э еккейгегьо рэхь хубтее бараси бирмунде Алексей Мамарин ве Мария Ворожейкина (65 км), Алексей Береснев ве Виктория Шаталова (35 км), Магомед Алигаджиев ве Райсат Чартаева (15 км). Барасибергьоре дори соводи ве пулгьо. Видовусдеи бири!
