Сервор Догъисту Сергей Меликов гировунде гуьрдлеме э товун эхири коргьо Республиканский оголзереилуье несиет э 2023-муьн сал.

Э товун эхири поизие оголзереи гуфдире гьелелуьге веровундегор гъэрхунди довгIолуье комиссаре Догъисту Замирбек Курабеков. У бирмунде, чуьки гьемме довгIолуье комиссариати е сернуьшгьо оголзереилуье несиет бегьем сохде те эхир коре везифе. Гъэрхунди э республике веровунде.

Бирмундегор хэбер доре,чуьки э гъобули э федеральни гъонуневоз э довгIолуье гъэрхунди ве довгIолуье гъуллугъ эз 1-муьн январь 2024-муьн сал оголзереи рафде мердгьо э гIуьмуьрлугъи э 18 те 30 сале.

У э ер овурде э товун жугьобдорлуьи пес гьишде эз оголзереи э довгIолуье гъуллугъ. Э Догъисту гъэдер вирихде пэхьни бирегор кеми, чуьки шогъоди доре з хьозуьрлугъи жовонгьо одомигьо веровунде лешгерчие гъэрд эн хуьшде.

Сергей Меликов руй бире эки серворгьо муниципалитето э ер овурдеиревоз э товун вожиблуьи хуьшдение гьэигьуни э коргьо э и рэхь, э пушо дерие васалине оголзереи.

Рэхьбер республике гъэдэгъэ зере хэбер доре могьлугъ гьемме пуьрсуьшгьо гирошдеи гъуллугъгьо э оголзереи ве э контракт. Э сер хьозуьрлугъи у оголзери э хьисоб дешенде синогъи поизие кампании ве гировунде оголзереи э зевере риз гъэдерлуьи.

Рэхьбер Несиет Секонесуьзи РД Магомед Бачалаев кумекие тэгIрифноме гъувоте зиед сохде кори сохдеи дуь э екиревоз серворгьо муниципалитетгьо э довгIолуье комиссариатгьо. Э эхир гуьрдлеме дори гъэдэгъэ.