Э гирошдигьо орине января Сервор Догъисту Сергей Меликов гировунде гуьрдлеме гъэигъусохие Несиет Региональни жиге Гьммеуруссиетие жэгIметлуье идоре, «Уруссиети географически жэгIмет».
Э пушой бинелуье оголзереи рэхьбер эн регион согъбоши гуфди э корсохгьо несиет э гировунде коргьо. Э гофгьо энуревоз, корисохи догъистони жиге зевер гъимете верзуьнде бинелуье мескен идоре. Меселен барасилуье коргьо сервор республике овурде рафдеи гуьрдлеме жиге э е кесег хори Чечень. Пуьруьшсохи пуьрсуьшгьо офде зиед сохде: эри зигьисдегоргьо гировунде интернет гъэрорноме четинигьо э электричество, восдоре герекие овгъотгьо.
Веровундегор рэхьбер АО «Дагнефть», жигегир сернуьше Гъэигъусохие несиет Муслим Гиндиев бодо доре гьемме корисохи э гьевелие сал. Бире гировунде географически гъэрхундигьо, данание акции «Шев географие», сиротбирмундеи, жовоние медиа-экспедицие «Сипресере Урал – Сипресере Кавказ», социальни акцие «Географие гIэилгьо» э школе.
Келе кор-географически диктант. Э гIэрейхэлгъие данание акцие Уруссиети географически жэгIмет гъобул сохде бэхшвегири эки 4,5 гьозор догъистонгьо жире-бе-жире гIуьмуьрлугъи. Э шегьергьо ве кентгьо республике кор сохде 70 мейдунгьо. Доруме мейду э Уруссиет бире школе э кент Микрах Докузпарински улке Догъисту. Диктанте гировунде э лешгергьо жиге шегьере Каспийск ве Каспийски флотилие э Махачкале.
Гене е гъозие-дофус зереи тозе книг э товун Персидски сафари Петра I. Э у шинох сохде э торих сафари ве эну эзуновлейге бире гъозие. Гьеминон э Догъисту омори десде одомигьо пензенски ве самарски жиге жэгIмет. Дуь екиревоз э гьемкорсохгьо эз Догъисту угьо офди сейреклуье рэхь. ГьейсэгIэт унжо норе тозе рэхь.
Сервор Бинелуье мескен хьуькуьмлуье идорей дошдеи когъозгьоре Республики Догъисту Ольга Бекаева ве рэхьбер ДГУ Муртазали Рабаданов ихдилот сохде э товун гьемме гировунде республикански гIиллие конференцие «Доруме рэхь э Бараси», э мигIидлуье 80-муьн салие берборд немецко-фашистски лешгер Лешгер Совети э гъовхо эри Кавказ. МэгIлуьмети бире гIуьзет сохи Каспийски флотилие, трансирански рэхь.
Корисохие Махачкалински порт э салгьо Буьзуьрге довгIой Ватани, тозеден вокурдеи хэлгъи сэхьиблугъи ве еккейге гъосутгьо.
Э гофгьо Бекаевой, э вэхд хьозуьрлугъи бире гешдеи гIилми документгьо ве молгьо федеральни идорей дошдеи когъозгьоре. Гьемме хэбергьо мибу э кор венгсде э кор э студенторево.
Бинелуье мескен идорей дошдеи когъозгьоре хьозуьр сохде ве еккейге проект «Жовоние гъэлхэндие Кавказ», э комики гуьрд сиротгьо ве хэбер э товун лешгерчигьо чуьклете 25-муьн сале битехаим сохде э махачкалински битехьэимгьо.
Сервор Догъисту гъэдэгъэ зере винире пуьрсуьш шинохсохде проекте э Руз Барасие.
Рэхьбер мескен жэгIмиети проектгьо хьуькуьм эн Серкори Серворхьуькуьм Республике Догъисту Шамиль Алиев гуфдири э товун веровунде гъэдэгъэ рехьбер регион э гьемме гуьрдлеме. Гъэйгъусохие несиете э е кесег хори Чечень 11-муьн июля 2023-муьн сал Хьуькуьм дори гъэдэгъэ эри хубтее зиндегуни могьлугь э е кесег хори.
Ебо геркки вокурде объекто генерации электричества э бине тозе чешме энергии. Пуьрсуьш бире корсохде министерством энергетики ве тарифо э кори сохдеи дуь э екиревоз э энергетически компаниями. Фикир сохде э гуьнжо овурде электроснабжение э хьисоб теке жейлее энергоустановок э бине офтои бегьем кура сохдеи. Э гьонине вэхд гъэрор норе пулдорегоре.
Эзуш бэгъэй, эри э е кесег хори доре мошингьо э зевербиреи герешдеиревоз УАЗ, катергьо э эвирлуье болуш, вокурде бине эри зигьисдегор радиотелефонной связи.
Бегьм сохде бэхшвегиргьо гуьрдлеме пуьруьш сохде коргьо э тозе сал.
