Ниссохи эзуновлейге бире гъозиегьой ЧС э Догъисту пуьруьш сохде оморебу э нуботлуье гIэрейведомственни зутее штаб. Уре гировундебу жигегир эн сервор МЧС Уруссиет Алексей Кострубицки. Э у бэхш вегуьрдебируьт сервор Догъисту Сергей Меликов ве жигегир эн пуреихдиерлуье нушудорегор эн Президент РФ э СКФО Магомед Рамазанов. Гуш дошде оморебу докладгьо эн рэхьбергьой эн федеральни ве региональни органгьой хьуькуьм э товун гирошденигьо овхьолет э Догъисту ве Чечня, э товун гировунде оморенигьо кор эри ниссохи эзунорвлейге бире гъозиегьой ЧС ве кумеки сохдеи э зараливегуьрдегоргьо.
А.Кострубицки талаб сохди эз энергетикгьо имисал сер гуьрде гъуьч сохде подстанциере «Приморская» э Махачкале ве э ер овурди, ки муьхькемлуье энергорасундеи э регион – гъуллугъ эн президент вилеети.
Дигьлуье хозяйство
Сервор эн департамент мелиорацие эн министерство дигьлуье хозяйствой Уруссиет Артем Коровин мэгIлуьм сохди, ки гировунде оморени гъиметдии зере оморигьо заралире, э и хьисоб э Дербентски район фегьм сохде оморени богъгьо ве онгурбогъгьо ве хозяйствогьо э Хасавюртовски район. Эри диеш зуте сохде кор дореи пулгьоре э зараливегуьрдегоргьо эз сайловгьо, пулгьо доре миев э е ченд бэхшгьо, чуьнки пуре мэгIлуьметире гIэмел миев вегуьрде энжэгъ бэгъдовой гIов рафдеи ве вечиреи документгьоре. Жейле кор – тозеден вокурдеи объектгьой мелиорациере.
Эпидемиологически овхьолет
Темиз сохде оморени мескенгьо ве гIов. Гьемме одомигьо дегердунде оморебугьо э больнице э вэхд ЧС э черверурие гIэзоревоз ведиреморет. Э эз 18 гьозор догъистонигьо омбаре зере омори гъэлем эз гепатит А.
Социальни объетгьо
Э сереботи омбар оморигьо ворушгьо зарали зере омори э 40 объектгьой эн жунсогъи дошдеи, гировунде оморени гъиметдии зере оморигьо заралире. Кор гировунде оморени ве э товун объектгьой соводи. Омбаргьоре гереки гъуьч сохде.
Рэхьгьо
Э 114 мескенгьо рэхьгьо оводу сохде омори, рэхьгьо эки 6 могьлугълуье жигегьо эн Тляратински район гьеле сэхди.
ГIови объектгьо
Э се хэребее-секонее жигегьо кор сохденуьт министерствой тебиет, э и хьисоб э нуькерегьо Терек ве Уллучай. Темиз сохде омори гIовдон э Карабудахкентски район, четини нисд сохде омори гьееки э корсохгьой МЧС. Гьемчуьн гъуллугъ доре омори э назари вегуьрде пуьрсуьшгьой хьозуьрлуьгъи э муниципалитетгьоревоз хьисоб эн зарали зере оморигьо объектгьоре. У мие тогIин сохде биев э кутэхьэ вэхд.
Эпизоотически овхьолет э регион хуби ве назари сохде оморенигьои ве гьемчуьн э хэйвугьо гъэлем зере оморени.
С.Меликов тигъэте чарунд э сер е жерге фикиргьо: дегиш сохдеи вэхдгьой программей зевер сохдеи муьхькемлуьи энергорасундеире, фуьрсореи э Догъисту сенигIэткоргьоре-геологгьоре эри фегьм сохде хори лов бире фурамореигьоре, э гуьнжо овурдеи зиедие структурере э министерствой вокурдеи э товун пуьрсуьшгьой ниссохи эзуновлейге бире гъозиегьой ЧС.
«Дореи пулгьо эри зарали зере оморигьо девлет ве эри вир сохдеи хунере – и суьфденуботлуье кори э имбурузине руз», — гуфди С.Меликов. А.Кострубицки жугьобдорлуьгьоре гъуллугъ дори зиед сохде мэгIлуьмсохие коре э товун пулдореигьо, э хьисоб зарали зере оморигьо объектгьо дешенде гьемме хунегьоре, э и хьисоб угьореш, комигьоре нисди документгьо.
