Э зир рэхьберисохиревоз Сернуьше Хьуькуьме Догъисту Абдулмуслиме Абдулмуслимове бири гуьрдлеме э бэхшвегиргьоревоз рэхьберисохие беделе идорегьоре веровундение хьуькуьме республике – министргьоре, рэхьбергьо комитетгьо, идорегьо ве екейгегьо идорегьо хьуькуьме, жигегиргьой эн угьоре, гьемчуьн рэхьбергьой дуьруьжде э сер фегьм сохдеие идорегьо.

Э везифе гуьрдлеме бири ведеберде жергей э вэхд ю герек гьисдигьо пуьрсуьшгьо, комикигьо э кор венгесде веровундеи гъэдэгъгъгьоре Серворе Догъисту Сергее Меликове; жейлее пуьрсуьшгьоре э гуьнжо овурдеи коре идорегьо хьуькуьме; веровундеи гъэдергьоре, комикигьо пушоки дире дануьсде омори Буйругъевоз Серворе Уруссиетие федераци эз 19-муьн октябрь 2022-муьн сале №756 «Э товун гъэдергьо, комикигьо э жиге овурде э субъектгьо Уруссиетие Федераци э бесдеи э Буйругъевоз Серворе Уруссиетие Федераци эз 19-муьн октябрь 2022-муьн сале №756» ве жергей екейгегьо.

Абдулмуслим Абдулмуслимов риз кешири гереклуьи зевербиреи веровундеие хуьшдере бирмундеи, э вэхд ю, ве хубе веровундеи гъэдэгъэгьо рэхьбергьоре республике, гьемчуьн зиёд гъувотдии э гIэрейидореие кори сохдеи дуь э екиревоз. У бирмунди, чуьки вожиблуьи э кор идорегьо хьуькуьме мунде дореи социально-экономически гьеммишеине, кумекии дореи бэхшвегиргьоре СВО ве кифлетгьой эн угьоре, веровундеи миллетлуье проектгьоре ве хьуькуьмлуье программгьоре.

Э гъэд гуьрдлеме гьемчуьн бирмунди секретарь Несиете Секонеисуьзи РД Магомед Баачилов.

У ихдилот сохди пуьрсуьшгьоре, комики бесде оморе э гуьнжо овурдеиревоз секонеисуьзире ве гьеммишеине э республике, ихдилот сохди э товун гировунде оморе зуте мэгIлуьм сохдеи коре ве гъэдергьоре э сер э гуьнжо овурдеи корисохи идорегьой хьуькуьме э жейлее рэхьгьо.

Эсер артигьо пуьруьшсохи бири доре ёгъинлуье гъэдэгъэгьо жугьобдорлуье рэхьбергьо идорегьо веровундение хьуькуьме э нореиревоз вэхде веровундеи угьоре.